GÉNESIS 18:30 - Dios Rimashcata Quillcashcami

³⁰ Shina nicpimi Abrahamca: —Ñuca Mandac Dioslla, cutin parlai callaricpica, ama piñaringuichu. ¿Caipi quimsa chungallapish tiyacpica?— nirca. Shina nicpimi paica: —Quimsa chunga tiyacpipish, mana imata ruhuashachu— nirca.

GÉNESIS 18:30 Iomraidhean Croise

GÉNESIS 18:29

Cutinmi Abrahamca: —¿Caipi chuscu chungallapish tiyacpica?— nirca. Shina nicpimi paica: —Chuscu chungallapish tiyacpica, paicunata llaquishcamantami mana imata ruhuasha— nirca.

GÉNESIS 18:31

Shina nicpimi Abrahamca: —Riqui, ñuca Mandac Dioslla, yalli parlashpami canta piñachi callarini. ¿Ishcai chungallapish allita ruhuaccuna tiyacpica?— nirca. Shina nicpimi paica: —Ishcai chungata llaquishcamanta mana chingachishachu— nirca.

GÉNESIS 44:18

Judá Josepacman cuchuyashpaca: —Ñuca mandaclla, canca Faraón shinallatacmi cangui. Chaimanta canta servic ñucami, can mandac-huan ashata parlasha nini. Canta servic ñucata ama piñarishpalla caita uyai.

JOB 40:4

«Mandac Dioslla, ñucaca imapish mana canichu. ¿Imatatac cantaca nishayari? Chaipac randica ñuca maquihuanmi shimita jarcarini.

SALMOS 10:17

Mandac Dioslla, yangalla runacuna mañashcataca uyashcanguimi. Paicuna mañashcata uyashpami, paicunapac shungutapish cushichingui.

SALMOS 89:7

Cambaclla tandanacushcapica manchana Diosmi cangui. Tucui cambac muyundipi tiyaccunapac cumurina Diosmi cangui.

SALMOS 9:12

Diosca llaquilla caccunatami yuyarirca, paicuna huacashcataca mana cungarinchu Huañuchiccunata llaquichinmi.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

JUECES 6:39

Shina cacpipish Gedeonca Mandac Diostaca: —Ama ñucahuan piñarichu. Caillahuanmi mañagrini. Caillahuanmi ricugrini. Millmasapa caraca chaquishca cachun, cutin muyundi pambaca shullahuan jucushca cachunmi munani— nirca.