GÉNESIS 18:21 - Dios Rimashcata Quillcashcami

²¹ Cunanca, ñuca uyashca shina, paicuna yallita millaita ruhuashcata, mana cashpaca mana ruhuashcata ricungapacmi rigrini. Chashna rishpami allita yachasha— nirca.

GÉNESIS 18:21 Iomraidhean Croise

GÉNESIS 11:5

Chaimantami Mandac Diosca runacuna ruhuacuc pueblotapish, jatun torretapish ricungapac urai shamurca.

GÉNESIS 11:7

Cunanca, paicunapac rimaita chican chicanta ruhuangapac urai rishunchic. Shina ruhuacpimi, caishuc chaishuc imata rimacushcata mana entendingacuna» nirca.

GÉNESIS 18:17

Chaipimi Mandac Diosca: «Ñuca imata ruhuagricushcataca Abrahammanca, ¿mana huillashpa pacashachu?

GÉNESIS 6:12

Diosca cai pachapi tucui causaccuna millailla cashcata, tucui causaita chariccunaca huacllirishca cashcatami ricurca.

JOB 34:22

Mana allita ruhuaccuna miticuchunca amsa puyupish, amsa tutapish mana tiyanchu.

SALMOS 14:2

Paita mashcac alli yuyaiyucca maijanllapish tiyangami nishpami, Mandac Diosca huañunalla gentecunataca jahua pachamanta ricurca.

SALMOS 90:8

Ñucanchic millaita ruhuashcataca cambac ñaupapimi ricuchingui. Ñucanchic pacalla ruhuashca juchacunapish, cambac ñahuipi tucuimi ricuricun.

ÉXODO 3:8

Chaimantami Egipto runacunapac maquimanta cacharichingapac urai shamurcani. Cai llactamanta llucchishpa lechepish, mishquipish tiyac sumac llactaman pushangapacmi shamurcani. Chai llactaca cananeocunapac, heteocunapac, amorreocunapac, ferezeocunapac, heveocunapac, jebuseocunapac llactami can.

ÉXODO 33:5

Mandac Diosca Moisestaca: «Israelcunataca: “Cancunaca yalli sinchi shungumi canguichic. Ñuca cancunapac chaupipi ashallatapish cashpaca, tucuitami huañuchishpa chingachiman. Cunanca churanacunata anchuchichic. Quipatami ñuca imata ruhuanataca yuyarisha” ninmi ningui» nirca.

JEREMÍAS 17:1

Judá llactapi causaccunapac juchacunaca cincel fierrohuanmi quillcashca. Shinallatac diamante rumi puntahuanmi tablapi quillcashca shina, cancunapac shungupipish, cancunapac altar gachucunapipish quillcashca tiyacun.

JEREMÍAS 17:10

¡Mandac Dios ñucami tucui shunguta ricushpa, imata yuyacushcatapish yachani! ¡Paicuna ima shina causashca shinallatac, imata ruhuashca shinallatac cungapacmi chashnaca yachani!» ninmi.

JONÁS 1:2

«Jatari, jatun Nínive llactapi causaccunata llaquichina cashcata huillagri. Paicuna alli mana allita ruhuashcatami yachani» nirca.

MIQUEAS 1:3

Mandac Diosca pai causacuc huasimanta llucshishpa, urai shamushpami, cai pacha urcucunata puricun.

SOFONÍAS 1:12

Jerusalenpi causaccuna imata ruhuashcataca luzta japichishpami alli ricusha. Mana cuyuric sanguyashca vino shina, cushilla causac runacunataca llaquichishami. Paicunapac shungupica: “Mandac Diosca ima allitapish, mana allitapish mana ruhuangachu” nincunami.

SAN LUCAS 16:15

Chaimantami Jesusca: «Cancunaca gentecunapac ñaupapica, cashcata ruhuaclayallami canguichic. Ashtahuanpish Diosca cancuna imata yuyacushcataca yachanmi. Cai pachapi gentecunalla alli nishcacunaca, Diospac ñaupapica millanami can.

SAN JUAN 6:38

Mana ñuca munashcata ruhuangapacchu jahua pachamanta shamurcani, ashtahuanpish ñucata cachac Taita munashcata ruhuangapacmi shamurcani.

2 CORINTIOS 11:11

Chashna nishpaca, ¿cancunata mana cuyashcamantachu chashnaca nini? Diosllatacmi ñuca cancunata cuyac cashcataca yachan.

DEUTERONOMIO 13:3

Shina nicpipish, ama chai huillac nishcata, chai muscuc muscushcata uyanguichicchu. Ashtahuanpish Mandac Diosmi paita tucui shunguhuan, tucui almahuan cuyac cashcata ricungapac chaita ruhuachinga.

DEUTERONOMIO 8:2

Mandac Dios chuscu chunga huatata shitashca pambata apamushcata yuyaringuichic. Chaitaca cancuna imata yuyac cashcata, mandashcata cazucta, mana cazuc cashcata ricungapacmi ruhuarca.

1 TESALONICENSES 4:16

Mandac Dios caparishcapish, angelcunata mandac ángel caparishcapish, shinallatac Diospac trompeta tocashcapish uyaringami. Chashna uyaricpica, Apunchic Jesusllatacmi jahua pachamanta shamunga. Chashna tucucpica, maijanpish Apunchic Jesusta crishpa huañuccunaracmi causaringa.

HEBREOS 4:13

Tucui Dios ruhuashcacunami paipac ñaupamanta mana pacalla can. Imapish paipac ñaupapica mana pacashcachu. Paimanmi ñucanchicca tucui imatapish huillana canchic.

JOSUÉ 22:22

—Mandac Diosca dioscunapac Diosmi. Ñucanchic chai altarta imapac ruhuashcataca paimi yachan. Ñucanchicca mana paita catinata saquishcamanta, mana paita mana cazushcamantachu cai jatun altarta ruhuashcanchic. Chaica caicunatami israelcunamanca huillanchic. Mana chashna cacpica, ama ñucanchicta quishpichinguichicchu.