GÉNESIS 18:17 - Dios Rimashcata Quillcashcami

¹⁷ Chaipimi Mandac Diosca: «Ñuca imata ruhuagricushcataca Abrahammanca, ¿mana huillashpa pacashachu?

GÉNESIS 18:17 Iomraidhean Croise

GÉNESIS 18:21

Cunanca, ñuca uyashca shina, paicuna yallita millaita ruhuashcata, mana cashpaca mana ruhuashcata ricungapacmi rigrini. Chashna rishpami allita yachasha— nirca.

GÉNESIS 18:22

Angelcuna chaimanta rishpaca, Sodomamanmi yaicugrirca. Shina ricpipish, Abrahamca Mandac Diospac ñaupamanta mana anchurircachu.

GÉNESIS 18:26

Shina nicpimi, Mandac Diosca: —Sodoma pueblopi allita ruhuaccuna pichca chungallapish tiyacpica, paicunata cuyashcamantami, tucui chaipi causaccunataca perdonasha— nirca.

GÉNESIS 19:24

Shina cacpica, Mandac Diosca Sodomapipish, Gomorra pueblopipish jahua pachamanta azufrehuan rupacuc ninatami tamyachirca.

2 REYES 4:27

Chai urcupi Diospac runapacman chayashpami, paipac chaquita ucllarirca. Chashna ucllaricpimi, Giezica anchuchingapac japirirca. Chashna japiricpimi, Diospac runaca: —Saquilla, paipac shungupica jatun llaquihuanmi. Diosmi paipac llaquitaca pacashpa, mana huillashca— nirca.

2 CRÓNICAS 20:7

Ñucanchic Mandac Dioslla, cai llactapi causaccunataca canmi, can acllashca israelcunapac ñaupamanta llucchishpa cacharcangui. Shina llucchishpaca, canhuan alli apanacuc Abrahampac huahua huahuacuna huiñaita causachunmi curcangui.

SALMOS 25:14

Mandac Diosca paita manchaccunahuanca allimi apanacun. Shinallatac paihuan ari nishcatapish yachachinmi.

AMÓS 3:7

Mandac Diosca, pai ima nishcata huillac, paita serviccunaman manarac huillashpaca mana llaquichingachu.

SAN JUAN 15:15

Servicca amo imata ruhuacushcata mana yachanchu. Chaimantami cancunataca mana serviccuna nishpaca, cayani. Tucui ñuca Taita nishcacunatami cancunaman huillashcani, chaimantami cancunataca ñuca amigocuna nishpa cayani.

SANTIAGO 2:23

Chashnami Dios quillcachishcapi: «Abrahamca Diosta crircami. Chashna crishcamantami Diosca paihuan alli tucuchun chasquirca» ninmi. Chaimantami Abrahamtaca Diosca «ñucahuan apanacucmi cangui» nishca pactarca.