GÉNESIS 18:14 - Dios Rimashcata Quillcashcami

¹⁴ Mandac Diosmanca, ¿imapish mana ruhuaipacca tiyanchu? Cunan shina shamuc huata ñuca cutimucpica, Saraca ñami shuc cari huahuata charinga— nirca.

GÉNESIS 18:14 Iomraidhean Croise

GÉNESIS 17:16

Paita bendiciashpami, paimanta cari huahuata canman cusha. Ari, paitaca bendiciashatacmi. Chashna bendiciashca cashpami, llactacunapac mama tucunga. Llactata jatun mandaccunapish paimantami llucshinga— nirca.

GÉNESIS 17:21

Ashtahuanpish ñuca ari nishcataca Isaac-huanmi callarichisha. Cambac huarmi Saraca shamuc huata, cai shina punzhapimi cari huahuata charinga— nirca.

GÉNESIS 18:10

Shina nicpimi paicunaca: —Cunan shina shamuc huatami caiman cutimusha. Chaica, chashnatacmi canga. Chai punzhami cambac huarmi Saraca shuc cari huahuata charinga— nirca. Chashna parlanacucuctaca Saraca Abrahampac huasha carpa huasi pungupimi uyashpa shayacurca.

GÉNESIS 18:13

Chaimantami Mandac Diosca Abrahamtaca: —¿Ima nishpatac Saraca: “Ña yuyacca, ¿maitatac huahuayuc tucushayari?” nicun?

GÉNESIS 18:15

Shina nicpimi, Sara manchaihuan cashpaca: —Ñucaca mana asicurcanichu— nishpa llullarca. Shina nicpimi, Mandac Diosca: —Mana chashnachu, asircanguitacmi— nirca.

GÉNESIS 21:1

Mandac Diosca pai nishca shinami Sarataca ricuc shamurca. Pai imata ruhuasha nishca shinallatacmi Saramanca pactachirca.

GÉNESIS 21:2

Saraca yuyac cashpapish Abrahampacta huicsayuc tucushpami, Mandac Dios nishca punzhallapitac shuc cari huahuata charirca.

2 REYES 4:16

Eliseoca: —Cai shamuc huata, cunan shina punzhapica shuc huahuatami marcashca cangui— nirca. Shina nicpi, chai huarmica: —¡Ñuca mandaclla, Diospac runalla! ¡Canta servic ñucataca ama yanga crichichu!— nirca.

JOB 36:5

Diosca imatapish ruhuacmi tucui imatapish yachacmi. Shina cashpapish pita mana chicanyachinchu.

JOB 42:2

«Ñucaca cantaca tucuita ruhuac cashcatami yachani. Can imata ruhuanata yuyarishpaca tucuitami ruhuangui. Canmanca mana ruhuaipacca imapish mana tiyanchu.

SALMOS 90:13

¡Mandac Dioslla, cutimuiyari! ¿Ima horascamantac cutimugringui? Canta serviccunata llaquiyari.

SALMOS 93:1

¡Mandac Diosmi tucuita mandacun! Paica sumac achiclla churana churarishcami. Paica tucuita ruhuac cashcahuanmi churanata churarishca shina, chumbillishca shinapish can. Paimi cai pachataca pi mana cuyuchipacta sinchita ruhuarca.

SALMOS 95:3

Mandac Diosca jatun Diosmi. Tucui dioscunamanta ashtahuan jatun Mandac Diosmi.

ISAÍAS 50:2

Ñuca shamushpaca, ¿imamantatac pitapish mana ricurcani? ¿Ñuca cayacpica, ima nishpatac pi mana cutichirca? ¿Manachu ñuca maquica cancunata quishpichipac? Cancunata quishpichingapacca, ¿manachu poderta charini? Riquichic, ñucaca rimashpallami mama cuchata chaquichini. Jatun yacucunatapish chaquishca pambatami ruhuani. Chaipi tiyac challuacunaca yacu mana tiyashcamantami huañushpa ismun.

JEREMÍAS 32:17

“¡Jatun Mandac Dioslla, jahua pachatapish, cai pachatapish cambac rigrata chutashpami, cambac jatun poderhuan ruhuashcangui! Can Diospacca ima ruhuanapish mana sinchichu.

JEREMÍAS 32:27

«Ñucaca tucui cai pachapi causaccunata Mandac Diosmi cani. Ñucamanca imapish mana ruhuaipacca mana tiyanchu.

DANIEL 6:20

Chai jutcu cuchuman chayashpa Danielta llaquilla tucushpa cayashpaca: —¡Causac Diosta servic Daniel-lla! Punzhanta can servina cambac Diosca, ¿leoncunapac jutcumanta quishpichishcachu?— nirca.

MIQUEAS 7:18

Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.

ZACARÍAS 8:6

Chai punzhacunapica saquirishca gentecunamanca mancharinami ricuringa. Shina cacpipish, ñucamanca mana mancharinachu canga. Chaitaca Mandac Dios ñucami nini.

NÚMEROS 11:23

Shina nicpimi, Mandac Diosca Moisestaca: —Ñuca imatapish ruhuaipaclla cashcata, ¿manachu yachangui? Ñuca rimashca pactana cashcata, mana pactana cashcataca cunanmi ricungui— nirca.

SAN MATEO 14:31

Shina caparincami Jesusca, Pedrota maquimanta japishpaca: —¿Ima nishpatac ñucata mana tucui shunguhuan crishpa, mancharcangui?— nirca.

SAN MATEO 19:26

Chashna nicpi, Jesús paicunata ricurashpaca: —Gentecunapac yuyaipica, maita mana quishpiripacchu, ashtahuanpish Diosmanca imapish ruhuaipacllami— nirca.

SAN MATEO 3:9

Ama cancunapac shungupi: “Ñucanchicca Abrahampac huahua huahuacuna cashcamantaca quishpirishunllami” nishpa, ama yuyacuichicchu. Ashtahuanpish ñucaca: Diosca cai rumicunatapish Abrahampac huahua huahuacunata ruhuanmanllami.

MARCOS 10:27

Jesús paicunata ricushpaca: —Gentecunaca maita mana quishpiripacmi, ashtahuanpish Diosmanca imapish ruhuaipacllami— nirca.

SAN LUCAS 1:13

Ashtahuanpish angelca: —Zacarías, Diosca can mañashcata uyashcami. Ama mancharichu. Cambac huarmi Elisabetca cari huahuatami charinga. Chai huahuataca Juantami shutichingui.

SAN LUCAS 1:18

Zacariasca angelta: —Ñucapish, ñuca huarmipish ña yuyacmi canchic. ¿Ima shinatac can huillashca pactanataca yachasha?— nirca.

SAN LUCAS 1:37

Diosmanca imapish ruhuaipacllami— nirca.

SAN LUCAS 8:50

Chashna nicta Jesús uyashpaca: —Ama mancharichu, crilla. Cambac ushica causaringallami— nirca.

ROMANOS 4:21

Abrahamca: “Diosca, pai cusha nishcata cungapac poderta charinmi” nishpami shuyacurcalla.

EFESIOS 3:20

Diosca ñucanchicpi imatapish ruhuaclla cashcata ricuchic shinallatacmi, ñucanchic yuyashcatapish, mañashcatapish yalli imatapish ruhuaclla can.

DEUTERONOMIO 30:3

Mandac Diospish prezumanta cutichimungami. Chashnami Mandac Diosca llaquishpa, mai llactacunaman pai llucchishpa cachashca cashpapish cutinllatac tandachimunga.

DEUTERONOMIO 7:21

Mandac Diosca cancunapac chaupipimi. Chaimanta ama paicunataca manchaichicchu. Paica jatun manchana Diosmi.

FILIPENSES 3:21

Apunchic Jesucristo imatapish ruhuaclla cashcamantami, pai nicpica imapish ruhuarinlla. Chashna cashcamantami ñucanchic ismuclla aichatapish, paipac cuerpo shina sumacta ruhuanga.

FILIPENSES 4:13

Imatapish ruhuaclla Cristohuanca tucui imatapish ruhuai pudini.

HEBREOS 11:19

Chaica Abrahamca Diosca huañushcacunatapish causachingapac poderta charic cashcata crishpami huañuchigrircalla. Shina crishcamantami, cutin causarishcata shina paipac churitaca chasquirca.

JUECES 13:3

Mandac Diospac ángel chai huarmiman ricurishpaca: «Canca mana huahuata chari pudicmi cangui. Shina cashpapish cunanca huicsayuc tucushpami shuc huahuata charigringui.

1 SAMUEL 14:6

Jonatanca paipac escudota apac runataca: —Circuncisionta mana ruhuashca soldadocunapac ladoman pasashun. Mandac Diosca ñucanchicta ayudangapishchari. Mandac Diospacca imapish mana sinchichu. Ñucanchic achca cacpipish ashalla cacpipish paica mishachingami— nirca.