GÉNESIS 18:12 - Dios Rimashcata Quillcashcami

¹² Chaimantami Saraca paipac shungullapi asishpaca: «Ñucapish, ñuca cusapish ña yuyaccunami canchic. Chashna cashpaca, ¿maitatac ñuca cusahuan chayarina munaitaca charishayari?» nirca.

GÉNESIS 18:12 Iomraidhean Croise

GÉNESIS 17:17

Shina nicpimi, Abrahamca pambacaman cumurishpa, paipac shungupi asishpaca: «¿Patsac huatayuc runachu huahuata charisha? ¿Sarapish iscun chunga huatayuc huarmichu huicsayuc tucugrin?» nicurca.

GÉNESIS 18:13

Chaimantami Mandac Diosca Abrahamtaca: —¿Ima nishpatac Saraca: “Ña yuyacca, ¿maitatac huahuayuc tucushayari?” nicun?

2 REYES 4:16

Eliseoca: —Cai shamuc huata, cunan shina punzhapica shuc huahuatami marcashca cangui— nirca. Shina nicpi, chai huarmica: —¡Ñuca mandaclla, Diospac runalla! ¡Canta servic ñucataca ama yanga crichichu!— nirca.

SALMOS 126:2

Chaipimi yallita asircanchic. Ñucanchic rimashcahuanmi Diosta cantarcanchic. Chashna cantacpimi, shuctac llactacunapi causaccunaca: «Mandac Diosca paicunamanca jatun mancharina allicunatami ruhuashca» nircacuna.

SALMOS 45:11

Can sumac huarmitaca jatun mandacmi cuyan. Paica cambac jatun mandacmari. Chaimantami paipac ñaupapi cumurina cangui.

EFESIOS 5:33

Shina cacpica quiquinllatac cuyaric shina, cancunapac huarmicunata cuyaichic. Shinallatac huarmicunapish, cancunapac cusacunata alli nishpa cazuichic.

1 PEDRO 3:6

Sarapish paipac cusa Abrahamta cazushcamantaca, “ñucata mandac” nicmi carca. Cancunapish tucui imatapish allita ruhuashpa, imata mana manchashpaca, Sara huarmipac huahuacunami tucunguichic.

JUECES 19:26

Ña achicyamucucta cutimushpami, paipac cusa pozashpa tiyacuc yuyac taitapac huasi pungu cuchupi urmarca. Chaipimi punzhacaman carca.