GÉNESIS 18:1 - Dios Rimashcata Quillcashcami

¹ Abrahamca Mamre pambapi tiyac encina yura ladopi causacushpami, chaupi punzha rupai yalli cacpi, carpa huasi pungupi tiyacurca. Chaipimi Mandac Diosca encina yuracuna cuchupi paiman ricurirca.

GÉNESIS 18:1 Iomraidhean Croise

GÉNESIS 12:7

Chaipimi Mandac Dios Abramman ricurishpaca: «Cambac huahua huahuacunamanmi cai allpataca cusha» nirca. Chaipimi Abramca paiman ricurishca Mandac Diosman shuc altarta ruhuarca.

GÉNESIS 13:18

Shina nicpimi, Abramca carpa huasicunata apashpa, encina yuracuna tiyac Mamre pambapi causagrirca. Chaica Hebrón pueblo cuchullapimi carca. Chaipimi Mandac Diosman shuc altarta ruhuarca.

GÉNESIS 14:13

Chai macanacuimanta miticushpa shamuc shuc runami Lotta prezushcata hebreopuramanta Abramman huillac shamurca. Abramca amorreopuramanta Mamrepac encina yuracuna tiyac pambapimi causarca. Mamreca Escolpac, Anerpac huauquimi carca. Paicunaca Abrampac yuyaitami charirca.

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

GÉNESIS 17:22

Dios Abrahamhuan tucui parlanacushpaca, paipac ñaupamanta huichaiman rircallami.

GÉNESIS 18:22

Angelcuna chaimanta rishpaca, Sodomamanmi yaicugrirca. Shina ricpipish, Abrahamca Mandac Diospac ñaupamanta mana anchurircachu.

GÉNESIS 20:1

Abrahamca pai causacushca llactamanta rishpaca, Neguev llactamanmi chayarca. Chaipimi Cades-huan, Shur shitashca pambahuan tupanacuipi tiyac Gerarpi asha punzhacunata causarca.

GÉNESIS 26:2

Chaipimi Mandac Dios Isaacman ricurishpaca: —Ama Egiptomanca urai richu. Ñuca maipi causagri nishcapi causagri.

GÉNESIS 35:27

Jacoboca paipac taita Isaacta ricungapacmi Mamre llactaman rirca. Chai llactaca Arba nishca Hebronmi carca. Chaipimi Abrahampish, Isaacpish causarca.

GÉNESIS 48:3

Shina tiyarishpami Josetaca: —Canaán llactapi tiyac Luz llactapi ricuric imatapish ruhuaclla Dios ñucata bendiciashpaca:

2 CRÓNICAS 1:7

Chai tuta Mandac Dios Salomonman ricurishpaca: —Imata ñuca canman cuchun mañailla— nirca.

ÉXODO 4:1

Chaimantami Moisesca: —Ñuca chashna nicpipish, paicuna mana crishpa, mana cazushpa: “Mandac Diosca, mana ricurishcangachu” nicpica, ¿imatatac nisha?— nirca.

HECHOS 7:2

Chaimantami Estebanca: —Huauquicuna, taitacuna, ñuca rimashcata uyaichic: «Poderyuc Diosmi ñucanchic ñaupa taita Abraham manarac Harán pueblopi causangapac ricpi, Mesopotamia llactapi cacpi ricurirca.

HEBREOS 11:9

Pai crishcamantami, Dios cushca shucpac llactapi pozashpa causarca. Paica Dios cushami nishcataca chasquic Isaac, Jacobo shinami carpa huasicunapi causarca.

HEBREOS 13:2

Huasiman chayaccunata alli chasquinguichic. Maijancunaca pi cashcata mana yachashpa chasquishpami, angelcunata chasquishca carca.

JOSUÉ 5:13

Shuc punzhami Josueca Jericó pueblo cuchullapi cashpa huichai ricushpaca, shuc runa espadata huacaichinamanta llucchishpa, maquipi apashpa paipac ñaupapi shayacucta ricurca. Josué paipac ladoman cuchuyashpaca: —¿Canca ñucanchicpurachu cangui? ¿Mana cashpaca, ñucanchicta piñacpurachu cangui?— nishpa tapurca.