GÉNESIS 17:8 - Dios Rimashcata Quillcashcami

⁸ Can causacushca tucui Canaán llactatami canmanpish, cambac huahua huahuacunamanpish, cambac quipa miraicunamanpish huiñaipac cusha. Ñucaca paicunapac Diosmi casha— nirca.

GÉNESIS 17:8 Iomraidhean Croise

GÉNESIS 12:7

Chaipimi Mandac Dios Abramman ricurishpaca: «Cambac huahua huahuacunamanmi cai allpataca cusha» nirca. Chaipimi Abramca paiman ricurishca Mandac Diosman shuc altarta ruhuarca.

GÉNESIS 13:15

Tucui can ricushca allpataca tucui causaipacmi canmanpish, cambac huahua huahuacunamanpish cusha.

GÉNESIS 13:17

Jatarishpa, llactacunata sunimanpish, anchomanpish purishpa ricugri, canmanmi chai allpataca cugrini» nirca.

GÉNESIS 23:4

—Ñucaca cancunapurapica caru llactamanta shamushcallami causacuni. Shina cacpipish, ñuca huarmi huañushcata enterrangapac asha allpata cui— nirca.

GÉNESIS 26:24

Chai tuta Mandac Dios paiman ricurishpaca: «Ñucaca, Abrahampac Diosmi cani. Ama manchaichu, ñucaca canhuanmi cani. Ñucata servic Abrahamta cuyashpami, bendiciashpa, cambac huahua huahuacunatapish achcata mirachisha» nirca.

GÉNESIS 28:4

Cai ñucanchic pozashpa causacuc allpata Dios cuchun. Cantapish, cambac huahua huahuacunatapish Abrahamta bendiciashca shina bendiciachun. Cai allpataca Diosmi Abrahamman cusha nirca» nirca.

GÉNESIS 35:27

Jacoboca paipac taita Isaacta ricungapacmi Mamre llactaman rirca. Chai llactaca Arba nishca Hebronmi carca. Chaipimi Abrahampish, Isaacpish causarca.

GÉNESIS 36:7

Esaupish, Jacobopish mai chayuccuna cashcamantami michina pambacunapish ña mana pactarca. Chaimantami chai llactallapitac ishcaitac mana causai pudirca.

GÉNESIS 37:1

Jacoboca paipac taita causana Canaán llactapimi causarca.

GÉNESIS 48:4

“Riqui, ñucami achca huahuacunayucta ruhuashpa, cantaca tucui llactacunapac sapita shina ruhuani. Cambac huahua huahuacunamanpish huiñaipacmi cai allpataca cusha” nirca.

2 SAMUEL 23:5

Ñuca familiacunaca Diospimi, sinchita cancuna. Ñucaman huiñaipac ari nishpami, tucuita sumacta allichishpa, sinchita ruhuarca. Ñucataca tucuimantami quishpichin, ñuca ima munashcatapish, tucuitami pactachin.

1 CRÓNICAS 16:18

Paica: “Can japinataca Canaán llactatami cusha” nircami.

SALMOS 103:17

Ashtahuanpish paita manchaccunataca ñaupamanta huiñaicamanmi cuyacunlla. Shinallatac huahua huahuacunacamanmi cashcata ruhuacungalla.

SALMOS 105:11

Chashna ari nishpaca: «Canaán llactatami cancunapac cachun cusha» nirca.

SALMOS 105:9

Chaitaca Abrahamhuanpish, Isaac-huanpish ari nircami.

ÉXODO 13:11

Mandac Dios cancunamanpish, cancunapac taitacunamanpish cusha nishca cananeocunapac allpaman pushacpi, chaipi cashpaca,

ÉXODO 21:6

amoca juezcunapacman pushashpa, mana cashpaca caspi pilar cuchupi cuchuyachishpami, fierrohuan ringrita jutcuna can. Chashna ruhuacpica, huañungacamanmi servishpa causana can.

ÉXODO 29:45

Ñucaca israelcunapac chaupipimi causasha, shinallatac ñucaca paicunapac Diosmi casha.

ÉXODO 32:13

Canta servic Abrahamman, Isaacman, taita Israelman: “Cancunapac huahua huahuacunataca jahua pachapi tiyac lucerocunata shinami mirachisha. Cancunapac huahua huahuacunaman cusha nishca cai llactapish cushami. Caica huiñaitami paicunapac canga” nishpa, cambac shutipi ari nishcataca yuyariyari— nirca.

ÉXODO 40:15

Shinallatac Aaronta ima shinami aceitehuan cahuishca shinallatac, paipac churicunatapish ñucapaclla chicanyachishca curacuna cachun aceitehuan cahuingui. Chai aceitehuan cahuicpica, paicunapac huahua huahuacunapish huiñaitami ñucapaclla curacuna canga» nirca.

ÉXODO 6:4

Canaán llactata cusha nishpami, paicunahuan ari ninacurcani. Chai llactapimi paicunaca pozashpalla causarca.

ÉXODO 6:7

Ñucapaclla acllashca llactata ruhuashpami, cancunapac Dios casha. Chaimantami Egiptopi sinchi trabajacushcamanta llucchic, shinallatac cancunata Mandac Dios cashcata yachac chayanguichic.

JEREMÍAS 25:5

Chai huillaccunaca: “Mana alli causaita, millaita ruhuanata saquishpa, Mandac Diospacman cutirishpa, cancunamanpish, cancunapac ñaupa taitacunamanpish pai cushca llactapi huiñaita causaichic.

JEREMÍAS 31:1

Mandac Diosca: «Chai huatacunapica ñucaca tucui Israel aillucunapac Diosmi casha. Paicunaca ñuca acllashcacunami canga» ninmi.

EZEQUIEL 11:20

Chashna ruhuacpimi, ñuca mandashcacunatapish, pactachichun mandashcacunatapish cazushpa causanga. Paicunaca ñuca acllashcacunami canga. Ñucaca paicunapac Diosmi casha.

EZEQUIEL 33:24

«Huañunalla runa, llaquinayaita tucuchishca Israel llactapi causaccunaca: “Abrahamca pailla cashpapish llactata japircami. Ñucanchicca achcami canchic. Chaimanta japishunllami” nincunami.

LEVÍTICO 14:34

«Cancuna ña Canaán llactaman chayashpa, ñuca cushca llactapi causacucpi, maijanpac huasipi lepra ungüita ñuca churacpi, chai ungüi ricuricpica,

LEVÍTICO 16:34

Caicunaca huatanta shuc cutin israelcunapac juchata pichachun animalta cuchun mandashcami. Caitaca huiñaitami ruhuana can» nirca. Moisesca Mandac Dios mandashca shinallatacmi ruhuarca.

LEVÍTICO 26:12

Ñucaca cancunapac Diosmi casha. Cancunahuanmi purisha. Cancunaca ñuca acllashcacunami canguichic.

ZACARÍAS 8:8

Chashnami Jerusalén chaupipi causachun churasha. Paicunaca ñuca acllashcacunami canga. Ñucapish paicunapacca cashcata nic, cashcata ruhuac Diosmi casha» ninmi.

NÚMEROS 10:29

Moisespac suegroca Madianmanta Reuelmi carca. Paipac churi Hobabtami Moisesca: —Ñucanchicca Mandac Dios cusha nishca llactamanmi ricunchic. Canpish ñucanchic-huan jacu. Mandac Dios ñucanchic-huan allimi casha nishca shinallatacmi canhuanpish alli cashun— nirca.

NÚMEROS 25:13

Huahua huahuacunapish huiñaita cura cachunmi ari ninacuita pactachisha. Mandac Dios piñaric shinallatac piñarishpami israelcunapac juchata anchuchingapac chai runata huañuchishca” ningui» nirca.

NÚMEROS 27:12

Mandac Diosca Moisestaca: —Cai Abarim urcuman huichai rishpa, israelcunaman ñuca cushca allpata ricui.

HECHOS 7:5

Diosca chai llactapica, allpataca chaqui saruillatapish mana curcachu. Shina cacpipish, Diosca: “Canmanpish, cambac huahua huahuacunamanpish allpata cushami” nishpami ari nirca. Abraham manarac huahuata charicpimi, chashna nirca.

DEUTERONOMIO 14:2

Cancunaca, Mandac Diospac acllashca, jucha illac gentecunami canguichic. Mandac Diosca chican gente cachunmi tucui cai pachapi causaccunamanta acllarca.

DEUTERONOMIO 26:18

Mandac Dios pai munashca shina, cancunata rimashpaca: “Ñucapaclla acllashcami canguichic” nishcami. Tucui pai mandashcacunata cazuchunmi chashna acllashca.

DEUTERONOMIO 29:13

Cancunapac ñaupa taita Abrahamman, Isaacman, Jacoboman ari nishca shinami cancunaca Dios acllashca cangapac, cutin Mandac Diosca cancunapac Dios cachun caipi canguichic.

DEUTERONOMIO 32:49

«Jericó chimba lado Moab llactapi cac Abarim urcupura Nebo urcuman huichicushpa, israelcunaman ñuca cushca Canaán llactata ricui.

DEUTERONOMIO 32:8

Jahua pacha Dios llactacunaman allpata cushpaca, Adanpac churicunata chicanyachicushpami Israelpac huahuacuna mashna cashcata ricushpa linderocunata churarca.

DEUTERONOMIO 34:4

Chai tucuita ricuchishpami Mandac Diosca: «Cai llactacunatami Abrahamman, Isaacman, Jacoboman cungapac ari nishpaca: “Cambac huahua huahuacunamanmi cusha” nircani. Ñucaca cai llactacunata ricuchun saquinimi. Shina cacpipish, mana chaiman pasanguichu» nirca.

DEUTERONOMIO 4:37

Paica cancunapac ñaupa taitacunata cuyashpami, paicunapac huahua huahuacunataca acllarca. Paimi Egiptomantaca paipac poderhuan llucchimurca.

DEUTERONOMIO 9:5

Mana cancuna cashcata ruhuac, shungupi allita yuyac cashcamantachu cai llactata japigringuichic, ashtahuanpish chai llactapi causaccuna mana allita ruhuashcamantami llucchishpa cacharca. Mandac Dios cancunapac ñaupa taita Abrahamman, Isaacman, Jacoboman cungapac ari nishcata pactachingapacmi chashnaca ruhuagrin.

HEBREOS 9:15

Jesucristoca gentecunahuan punta ari nishcahuan juchapi shina causacucpimi mushuc ari ninacuita ruhuarca. Chai shina cacharichishpami Dios cayashcacuna pai cusha nishcata huiñaita chasquichun ruhuarca.

JOSUÉ 1:2

«Ñucata servic Moisesca ña huañushcami. Cunanca, canmi tucui israelcunata pushashpa, ñuca paicunaman cushca llactaman yaicungapac Jordán yacuta pasana cangui.

APOCALIPSIS 21:7

Maijanpish millaita mishacca pai japina cashcatami japinga. Ñucaca paipac Diosmi casha, shinallatac paipish ñucapac huahuami canga.