GÉNESIS 17:24 - Dios Rimashcata Quillcashcami

²⁴ Abrahamca iscun chunga iscun huatayuc cashpami, pai charishca asha carata pitishpa, circuncisionta ruhuarca.

GÉNESIS 17:24 Iomraidhean Croise

GÉNESIS 12:4

Mandac Dios nishca shinami, Abramca Haranmanta rirca. Lotpish paihuanmi rirca. Abramca canchis chunga pichca huatayuc cashpami, Haranmantaca llucshirca.

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

GÉNESIS 17:11

Caricuna charishcamanta asha aicha carata pitishpami, circuncisiontaca ruhuana canguichic. Caimi ñucahuan cancunahuan ari nishcata ricuchinga.

GÉNESIS 17:17

Shina nicpimi, Abrahamca pambacaman cumurishpa, paipac shungupi asishpaca: «¿Patsac huatayuc runachu huahuata charisha? ¿Sarapish iscun chunga huatayuc huarmichu huicsayuc tucugrin?» nicurca.

GÉNESIS 18:11

Abrahampish, Sarapish ña yallita yuyaccunami carca. Shinallatac Saraca quilla ungüitapish ña mana ungucchu carca.

GÉNESIS 21:5

Paipac churi Isaac huacharicpica, Abrahamca patsac huatayucmi carca.

ROMANOS 4:11

Abrahamtaca crishcallamantami Diosca chasquirca. Ashtahuanpish Dios chasquishcata ricuchingapacmi, quipata circuncisionta ruhuarca. Chaica, Abrahamca mana circuncisionta ruhuashca cashpapish, tucui criccunapac taitami tucurca. Diosca paicunatapish crishcallamantami chasquirca.