GÉNESIS 17:20 - Dios Rimashcata Quillcashcami

²⁰ Ismaelmantapish uyashcanimi. Riqui, paitapish bendiciashpa mirachishpa, achca gentecunatami ruhuasha. Chaimantami paica chunga ishcai mandaccunapac taita canga. Paimantaca shuc jatun llactatami ruhuasha.

GÉNESIS 17:20 Iomraidhean Croise

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

GÉNESIS 21:13

Canta servic huarmipac cari huahuapac huahua huahuacunamantapish cambac huahua cashcamantaca jatun llactatami ruhuasha» nirca.

GÉNESIS 21:18

Ñucami paimantaca shuc jatun llactata ruhuasha. Chaimanta jatarishpa, cambac huahuata maquipi japirishpa jatarichi» nirca.

GÉNESIS 28:3

Imatapish ruhuaclla Dios canman bendiciashpa, achca llactacuna tucungacaman cambac huahua huahuacunataca achcata mirachichun.

SALMOS 107:38

Diosmi paicunata bendiciashpa yallita mirachin. Paicunapac animalcunapish mana ima tucunchu.