GÉNESIS 17:10 - Dios Rimashcata Quillcashcami

¹⁰ Ñucahuan, cancunahuan, cambac huahua huahuacunahuan ari nishcaca caimi: Cancunapuramanta tucui caricunami circuncisionta ruhuana canguichic.

GÉNESIS 17:10 Iomraidhean Croise

GÉNESIS 17:11

Caricuna charishcamanta asha aicha carata pitishpami, circuncisiontaca ruhuana canguichic. Caimi ñucahuan cancunahuan ari nishcata ricuchinga.

GÉNESIS 17:23

Dios nishca shinami chai punzhallatac Abrahamca paipac churi Ismaeltapish, paipac huasipi huacharishca serviccunatapish, randishca serviccunatapish, tucui huasipi serviccunatapish paicuna charishca asha carata pitishpa, circuncisionta ruhuarca.

GÉNESIS 17:27

Paipac huasipi huacharishca serviccunapish, carumanta cullquihuan randishca serviccunapish tucui caricunami paihuan pactami circuncisionta ruhuarca.

GÉNESIS 21:4

Paipac churi Isaac pusac punzhata charicpica, Dios mandashca shinami circuncisionta ruhuarca.

GÉNESIS 34:15

Ashtahuanpish ñucanchic shinallatac cancunapurapipish tucui caricuna circuncisionta ruhuana cacpica cushunllami.

GÉNESIS 34:22

Shina cacpipish, shuc llactalla tucushpa, cai llactapi causachunca, paicuna shinallatacmi ñucanchicpurapipish tucui caricuna circuncisionta ruhuana canchic.

ÉXODO 12:48

Maijanpish shuctac llactamanta shamushpa, cancunahuan causacushpa, Mandac Diospac Pascua micuita micusha nishpaca, tucui caricunami circuncisionta ruhuana can. Chai quipami israelcunapura tucushpa, Pascua micuita micunga. Maijanpish mana circuncisionta ruhuashca cashpaca, mana micunachu can.

ÉXODO 4:25

Chaimantami Seforaca rumi cuchillota japishpa, paipac churita circuncisionta ruhuashpa, Moisespac chaquipi tupachirca. Chashna tupachishpaca: «Cunanca ñuca quiquin yahuar cusami cangui» nirca.

JEREMÍAS 4:4

Judá llactapi causaccunalla, Jerusalenpi causaccunalla, circuncisionta ruhuashpa, cancunapac shungumanta asha carata pitic shina, ñucapacman cuichic. Cancuna mana allita ruhuashcamantaca pacta nina japiric shina piñariman. Chai piñarishca nina shinataca pi mana huañuchi pudingachu nini» ninmi.

SAN JUAN 7:22

Moisesmi circuncisionta ruhuachun mandarca. Chaitami samana punzha cacpipish, cari huahuacunata circuncisionta ruhuachinguichic. Chai mandashcacunaca mana Moisesmantachu shamurca, ashtahuanpish ñaupa taitacunami chaitaca ruhuachiccuna carca.

HECHOS 7:8

Diosca circuncisionta ruhuachunmi Abrahamhuan ari ninacurca. Chaimantami Abrahamca paipac churi Isaac pusac punzhata charicpi, circuncisionta ruhuarca. Isaacpish chashnallatacmi paipac churi Jacobotaca ruhuarca. Jacobopish paipac chunga ishcai churicunatapish chashnallatacmi ruhuarca. Chaicunaca ñucanchic ñaupa taitacunami carca.

ROMANOS 2:28

Shungupitac Israel runa cashpami, Israel runa can. Aichallapi circuncisionta ruhuashcaca mana circuncisionta ruhuashca shinami can.

ROMANOS 3:25

Diosca gentecunamanta yahuarta jichashpa huañuchunmi Jesucristotaca cacharca. Jesucristota crishpallami quishpirinchic. Ñaupaca, Diosca mana piñaric cashpami, ñucanchic juchacunata perdonarca.

ROMANOS 3:28

Shinaca, mandashcacunata pactachishcallamantaca Dios mana chasquic cashcata, ashtahuanpish Jesusta crishcamanta chasquic cashcatami yachac chayanchic.

ROMANOS 3:30

Chaica, Diosca shucllami. Paimi circuncisionta ruhuashca cacpipish, mana ruhuashca cacpipish, Jesusta crishcallamanta chasquin.

GÁLATAS 3:28

Chaimantami cancunaca Judío cashpapish, griego cashpapish, servic cashpapish, mana servic cashpapish, cari cashpapish, huarmi cashpapish Cristo Jesus-huan shuclla tucushcamantaca, tucui mashnami shuc shinalla canguichic.

GÁLATAS 6:12

Chai “circuncisionta ruhuanaca allimi” niccunaca gentecunapac alli nishca cangapac, shinallatac Cristo cruzpi huañushcata crishcamanta ama pi piñachun nishpallami chashnaca nincuna.

EFESIOS 2:11

Cancuna mana israelcunataca Circuncisionta mana ruhuaccuna, nishpa cayaccuna cashcata yuyarichic. Israelcunaca “circuncisionta ruhuaccunami canchic” nishpami, gentecuna yuyashca shinallatac ruhuancuna.

DEUTERONOMIO 10:16

Chaimantami circuncisionta ruhuashpa, cancunapac shungumanta asha carata pitic shina, tucui millai yuyaita anchuchina canguichic. Ama sinchi shungu caichicchu.

DEUTERONOMIO 30:6

Mandac Diosllatacmi paita tucui almahuan, tucui shunguhuan cuyachun, cancunapac shungutapish, cancunapac huahuacunapac shungutapish pitic shina ruhuanga. Chai shina paita cuyashpa, chai llactapi causachunmi chashnaca ruhuanga.

FILIPENSES 3:3

Ashtahuanpish ñucanchicmi, Diospac Espíritu yuyaita cucpi Diosta shungumanta alli niccuna cashpa, Jesucristomanta cushicushpa, circuncisión ruhuashcatatac ricuchicunchic. Shina cashpami ñucanchicca aichapi imalla ruhuashcacunallapica mana shunguta churanchic.

JOSUÉ 5:2

Chai punzhacunapimi Mandac Diosca Josuetaca: «Rumimanta cuchillota ruhuashpa, israelcunata cutin circuncisionta ruhuai» nirca.

JOSUÉ 5:4

Chaica, Egiptomanta llucshimushca macanacunata yachac caricunaca shitashca pambapimi tucui huañurca.