GÉNESIS 16:6 - Dios Rimashcata Quillcashcami

⁶ Shina nicpi, Abramca Saraitaca: —Riqui, canta servic huarmica cambac maquillapitacmi. Can imata ruhuasha nishpaca, cambac allipac ruhuailla— nirca. Agarca Sarai sinchita llaquichicpimi, paipac ñaupamanta miticushpa rirca.

GÉNESIS 16:6 Iomraidhean Croise

GÉNESIS 16:9

Shina nicpimi, Mandac Diospac angelca: —Cambac ama Saraipac ñaupallamantac cutishpa, pai mandashcata cazugri.

GÉNESIS 24:10

Chaimantami servicca amopac camellocunamanta chunga camellocunata japishpa, amopac tucuilaya acllashca convidanacunata apashpa, Mesopotamia llactapi cac Nacor llactaman rirca.

JOB 2:6

Shina nicpi, Mandac Diosca Satanastaca: —Riqui, paica cambac maquipimi. Shina cacpipish paipac causaipica ama tuparinguichu— nirca.

ÉXODO 2:15

Faraonca chashna tucushcata yachashpami, Moisesta huañuchinata yuyarirca. Chaimantami Moisesca Faraonpac ñaupamanta miticushpa, Madián llactapi causangapac rirca. Chaipi causacushpami, yacu jundu ladopi tiyacurca.

PROVERBIOS 14:29

Alli yuyaita chariccunami mana utca piñarin. Ashtahuanpish shungupi utca piñaric runaca yuyai illac cashcatami ricuchin.

PROVERBIOS 15:1

Sumacta rimashcaca piñarishcata allichinmi. Ashtahuan sinchita rimashcaca ashtahuanmi rabiachin.

PROVERBIOS 27:8

Quiquin huasita saquishpa caruyac runaca shuc urpi cuzhata shitashpa ric shinami.

PROVERBIOS 29:19

Servic runataca mana rimashpallachu allichina. Chai rimashcata entendishpapish mana cazunchu.

ECLESIASTÉS 10:4

Mandac yallita canta piñacpipish, can imata ruhuacushcataca ama saquinguichu. Alli shungu runaca yallita piñarishcatapish parachinmi.

JEREMÍAS 38:5

Shina nicpimi, jatun mandac Sedequiasca: —Jatun mandac cashpapish, mana jarcai pudinichu. Cancuna munashcata ruhuaichiclla— nirca.

JOSUÉ 9:25

Cunanca, cancunapac maquipimi canchic. Imata ruhuana alli cana cacpica, chaita ruhuailla— nirca.

1 PEDRO 3:7

Shinallatac cusacunapish, cancunapac quiquin huarmicunahuanca alli yuyaihuan causaichic. Huarmicunaca mana caricuna shina fuerzata charinchu. Chaimanta paicunataca sumacta pushashpa causaichic. Cusacunapish, huarmicunapish Dios cuyashcallamanta cusha nishca, huiñai causaita japichun cayashcacunami canguichic. Chashna causacpimi, Diosca cancuna mañashcataca uyanga.