GÉNESIS 15:9 - Dios Rimashcata Quillcashcami

⁹ Shina nicpimi, Mandac Diosca: —Shuc quimsa huatayuc vaquillata, shuc quimsa huatayuc huarmi chivota, shuc quimsa huatayuc cari ovejata, shuc urpita, shuc huahua palomata apamui— nirca.

GÉNESIS 15:9 Iomraidhean Croise

GÉNESIS 15:10

Abramca Mandac Dios nishca shinami, animalcunata apamushpa chaupishpa, chimbapurachishpa churarca. Cutin volac animaltaca mana chaupircachu.

GÉNESIS 15:8

Shina nicpimi Abramca: —Mandac Dioslla, ¿ima shinatac cai allpata ñucaman cuna cashcataca yachashayari?— nirca.

GÉNESIS 22:13

Abraham huichailla ricushpaca, gachusapa oveja zarza casha angupi gachucuna churarishca shayacuctami ricurca. Chai ovejatami paipac churipac randi Diosman cushpa rupachirca.

SALMOS 50:5

Paica: «Animalcunata ñucaman cushpa ñucahuan ari ninacushpa ñucapaclla causaccunata tandachichic» nirca.

CANTARES 2:12

Pambapica sisacunami huiñashca. Cantana punzhacunami chayamushca. Ñucanchic llactapica cutinllatacmi urpicuna huacashca uyarin.

ISAÍAS 15:5

Ñucaca Moab llactapi causaccunamantami caparishpa, tucui shunguhuan huacacusha. Chai llactamanta miticushpa riccunaca Zoar llactamanmi callpanga. Luhit huichaitami huacashpa huacashpa ringa. Horonaimman rina ñantami llaquinayaita caparishpa ringa.

LEVÍTICO 1:10

Tucuita rupachingapac ovejata, mana cashpaca chivota apamushpaca, ima mana tucushca cari animaltami apamuna can.

LEVÍTICO 1:14

Volac animalcunamanta Mandac Diosman cushpa, tucui rupachingapac apamushpaca urpita, mana cashpaca llullu palomatami apamuna can.

LEVÍTICO 1:3

Tucui rupachina beci cacpica, imapish mana tucushca cari becitami Mandac Dios-huan tupana huasi yaicunapi rupachina can. Chaipimi Mandac Diosca chashquinga.

LEVÍTICO 12:6

Chuyayana punzhacuna pactacpica, cari huahuamanta, mana cashpaca huarmi huahuamanta cashpapish shuc huatayuc cari ovejatami Diosman cushpa tucui rupachina can. Juchata pichachun Diosman cungapacca huahua palomata, mana cashpaca urpitami apamuna can. Chaitaca Dios-huan tupana huasi yaicunaman apamushpami, curaman cuna can.

LEVÍTICO 12:8

Shuc maltón ovejata mana charishpaca, ishcai huahua palomata, ishcai urpitami apamuna can. Shuctaca Diosman cushpa tucuita rupachingapac, shuctaca huarmipac juchata pichachun cungapacmi apamuna can. Curaca chai huarmipac juchata pichachun Diosman cushpa rupachinga. Chaita ruhuacpimi, mapa illac saquiringa” ningui» nirca.

LEVÍTICO 14:22

Ishcai urpita, mana cashpaca ishcai huahua palomatami, imata cashpapish pai cui pudishcallata apamunga. Chaicunataca shuctaca juchata pichachun, shuctaca tucui rupachingapacmi apamunga.

LEVÍTICO 14:30

Chai quipaca curallatacmi urpita cashpa, huahua palomata cashpa imatapish cui pudishcallata apamushcata Diosman cunga.

LEVÍTICO 3:1

Maijanpish Mandac Dios-huan alli tucungapacca, mana ima tucushca huagrata, mana cashpaca vacatami cuna can.

LEVÍTICO 3:6

Maijanpish Mandac Dios-huan alli tucungapac cari ovejata, mana cashpaca huarmi ovejata cashpaca mana ima tucushca alli animaltami cuna can.

LEVÍTICO 9:2

cayashpami, Moisesca Aarontaca: «Juchata pichachun Diosman cungapacca shuc becita, tucuita rupachingapacca ima mana tucushca cari ovejata apamungui. Chaicunataca Diospac ñaupaman apamushpa cungui.

LEVÍTICO 9:4

Dios-huan alli tucungapacca shuc huagrata, shuc cari ovejata apamushpa, paipac ñaupapi huañuchichic. Grano ofrendataca aceitehuan chapushpa apamuichic. Mandac Diosca cunanmi cancunamanca ricurigrin” ningui» nirca.

SAN LUCAS 2:24

shinallatac: «Ishcai urpita, mana cashpaca ishcai huahua palomata cungui» nishcamantami chashnaca ruhuarca.