GÉNESIS 15:5 - Dios Rimashcata Quillcashcami

⁵ Shina nishpa, Mandac Dios Abramta canzhaman pushashpa, jahua pachata ricuchishpaca: —Lucerocunata yupanata pudishpaca yupai. Chashnami cambac huahua huahuacunaca canga— nirca.

GÉNESIS 15:5 Iomraidhean Croise

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

GÉNESIS 13:16

Cambac huahuacunataca ñuto allpata shinami, achcata mirachisha. Ñuto allpata maijan yupai pudishpaca, cambac huahua huahuacunatapish yupangami.

GÉNESIS 16:10

Cambac huahua huahuacunataca maita mana yupaipactami achcata mirachisha.

GÉNESIS 17:2

Ñucaca canhuan ari nishcataca pactachishami. Canmantaca achcata mirachishami— nirca.

GÉNESIS 22:17

yallita bendiciashpami, cambac huahua huahuacunataca jahua pacha lucerocuna shina, mama cucha tiyu shinata mirachisha. Chashnallatac paicunata piñaccunataca mishacungallami.

GÉNESIS 26:4

Cambac huahua huahuacunataca jahua pacha lucerocunata shinami mirachishpa, tucui cai allpacunata cusha. Cambac huahua huahuacunamantami tucui cai pachapi causaccunataca bendiciasha.

GÉNESIS 28:14

Cambac huahua huahuacunaca ñuto allpa shinami, achcata miraringa. Jahuamanpish, uramanpish, inti llucshina ladomanpish inti tigrana ladomanpish rishpami, mirarishpa causangacuna. Canmantapish, cambac huahua huahuacunamantapishmi tucui cai pachapi causaccunata bendiciasha.

GÉNESIS 32:13

Jacoboca chai tutaca chaillapitacmi sueñurca. Quipataca paipac huauqui Esauman cungapacmi pai imalla charishcacunamanta acllarca.

1 REYES 3:8

Canta servic ñucaca can acllashca gentecunapac chaupipimi cani. Paicunaca yupanatapish, mana pudipac shinallatac mashna cashcatapish mana yachaipac achca gentecunami can.

1 CRÓNICAS 27:23

Mandac Diosca israelcunataca jahua pachapi tiyac lucerocunata shinami mirachisha nishcami carca. Chaimantami Davidca ishcai chunga huatata manarac chariccunata ama yupachun mandarca.

NEHEMÍAS 9:23

Paicunapac huahuacunatapish jahua pachapi tiyac lucerocuna shinatami mirachishcangui. Chashna ruhuashpami, paicunapac ñaupa taitacunaman cushami nishca llactaman, yaicuchun pusharcangui.

JOB 35:5

Jahua pachata huichailla ricushpa, chaipi tiyac puyuta allita ricuiyari. Chaicunaca cantapish yalli jahuamanmi tiyacun.

SALMOS 147:4

Paica lucerocunatapish yupashpami charin. Tucui chaicunataca shutipimi cayan.

ÉXODO 32:13

Canta servic Abrahamman, Isaacman, taita Israelman: “Cancunapac huahua huahuacunataca jahua pachapi tiyac lucerocunata shinami mirachisha. Cancunapac huahua huahuacunaman cusha nishca cai llactapish cushami. Caica huiñaitami paicunapac canga” nishpa, cambac shutipi ari nishcataca yuyariyari— nirca.

ISAÍAS 51:2

Cancunapac ñaupa taita Abrahamtapish, cancunata sajuaric mama Saratapish yuyarichicyari. Ashtahuanpish pai sapalla cacpimi, ñuca cayashpa bendiciashpa, achcata mirachircani.

JEREMÍAS 33:22

Ñucata servic Davidpac huahuacunatapish, levitacunapac huahuacunatapish, jahua pachapi tiyac lucerocunata shina, mama cucha tiyu shinami, mana yupaipacta mirachisha nini» ninmi.

ROMANOS 4:18

Dios Abrahamta: «Cambac huahua huahuacunaca achcami canga» nishcamantami Abrahamca maita mana huahuata charipac cashpapish, tauca llactacunapac taita tucurca. Chaitaca Abrahamca crishpami shuyarca.

DEUTERONOMIO 1:10

Mandac Diosmi cancunataca yallita mirachishca. Cunanca jahua pacha lucerocuna shinami, achca tucushcanguichic.

DEUTERONOMIO 10:22

Cancunapac taitacunaca canchis chunga gentehuanmi Egiptoman rirca. Cunanca, Mandac Diosca jahua pachapi tiyac lucerocunata shinami achcata mirachishca.

HEBREOS 11:12

Chashnami Abrahamca ña huañunalla cashpapish, mama cuchapi tiyac tiyu shina, shinallatac jahua cielopi tiyac lucerocuna shina, mana yupaipac huahua huahuacunata charirca.

JOSUÉ 24:3

Shina cacpipish, ñucami cancunapac taita Abrahamtaca jatun yacu chimba ladomanta tucui Canaán llactata muyushpa, pai achca huahuacunata charichun Isaac churita curcani.