GÉNESIS 15:3 - Dios Rimashcata Quillcashcami

³ Ñucataca canllatacmi mana huahuayucta ruhuarcangui. Tucui ñuca charishcacunataca ñuca huasipi huacharishca ñucata servicmi japinga— nirca.

GÉNESIS 15:3 Iomraidhean Croise

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

GÉNESIS 13:16

Cambac huahuacunataca ñuto allpata shinami, achcata mirachisha. Ñuto allpata maijan yupai pudishpaca, cambac huahua huahuacunatapish yupangami.

GÉNESIS 14:14

Abramca paipac sobrinota prezushcata yachashpami, paipac huasipi huacharishca paita servic quimsa patsac chunga pusac runata tandachishpa, Lotta prezuccunataca Dan llactacaman catirca.

GÉNESIS 15:2

Shina nicpimi Abramca: —Mandac Dioslla, ¿ñucamanca imatatac cugringuiyari? Ñucaca huahua illacllamari cani. Ñuca charishcacunataca Damasco llactamanta ñucata servic Eliezermi japinga.

PROVERBIOS 13:12

Ima shuyacushca mana utca pactashpaca shungutami llaquichin. Ashtahuanpish shuyacushca utca pactashpaca causaita cuc yura shinami can.

PROVERBIOS 29:21

Amo paipac servicta uchillamanta pacha yallita cuyashpa huiñachicpica, quipamanca paimi amopac herenciata japinga.

PROVERBIOS 30:23

tucui mashna mana ricunayachishca huarmi cazaracpi, servishpa causac huarmi paipac amapac tucui charishcacunata quichucpimi mancharincuna.

ECLESIASTÉS 2:7

Servic caricunatapish, huarmicunatapish randircani. Ñuca huasipi huacharishca serviccunatapish charircani. Shinallatac Jerusalenpi punta causaccunata yallimi vacacunatapish, ovejacunatapish charircani.

JEREMÍAS 12:1

Mandac Dioslla, ñuca imata tapucpipish, cashcata nicmi cangui. Shina cacpipish, caillatami tapunata munani. ¿Ima nishpatac canta mana manchaccunaca alli causancuna? ¿Ima nishpatac canta mana cazuccunaca cushilla causancuna?