GÉNESIS 15:1 - Dios Rimashcata Quillcashcami

¹ Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

GÉNESIS 15:1 Iomraidhean Croise

GÉNESIS 15:2

Shina nicpimi Abramca: —Mandac Dioslla, ¿ñucamanca imatatac cugringuiyari? Ñucaca huahua illacllamari cani. Ñuca charishcacunataca Damasco llactamanta ñucata servic Eliezermi japinga.

GÉNESIS 15:4

Mandac Dios cutinllatac rimashpaca: —Cambac charishcacunataca mana paichu japinga, ashtahuanpish cambac quiquin churimari japinga— nirca.

GÉNESIS 21:17

Huahua huacashca Diosman uyaricpimi, Diospac ángel jahua pachamanta Agarta cayashpaca: «Agar, ¿imatac tucungui? Ama manchaichu, cambac huahua chaipi huacacuctaca Diosca uyarcami.

GÉNESIS 22:1

Chai quipaca, Diosca Abraham crishcata ricungapac cayashpaca: —Abraham— nirca. Shina cayacpimi Abrahamca: —Caipimi cani— nirca.

GÉNESIS 22:20

Chai quipami Abrahamtaca: «Cambac huauqui Nacorpac huarmi Milcapish huahuayucmi tucushca» nishpa huillarca.

GÉNESIS 26:24

Chai tuta Mandac Dios paiman ricurishpaca: «Ñucaca, Abrahampac Diosmi cani. Ama manchaichu, ñucaca canhuanmi cani. Ñucata servic Abrahamta cuyashpami, bendiciashpa, cambac huahua huahuacunatapish achcata mirachisha» nirca.

GÉNESIS 31:7

Ashtahuanpish paica ñucaman pagashpapish chunga cutincamanmi umashca. Shina cacpipish, pai ima millaita ruhuachunca, Diosca mana saquishcachu.

2 SAMUEL 22:3

Ñuca jarcarina rumi shinami. Ñuca jarcarina escudomi. Jatun poderhuan quishpichicmi. Tucuimanta yalli jahuaman cac, ñuca miticunami. Llaquichiccunamantami quishpichircangui.

2 REYES 1:15

Chaimantami Mandac Diospac angelca Eliastaca: «Paihuan rilla, ama manchaichu» nirca. Shina nicpi, Elías jatarishpa chai mandac-huan jatun mandacpacman

1 CRÓNICAS 28:20

Shinallatac paipac churi Salomontaca: «Sinchi, sinchi tucushpa, cushicushpa ruhuai callarilla. Ñucata Mandac Diosca canhuanmi. Chaimanta ama manchaichu, ama shaicuichu. Mandac Diosca paipac huasita tucuita alli ruhuashpa, tucuchingacaman cantaca manatac saquingachu, mana cungaringachu.

SALMOS 115:10

¡Aaronpac huahua huahuacuna, Mandac Diospi shunguta churaichic! Paimi cancunapac escudopish, ayudacpish can.

SALMOS 119:114

Canca ñuca miticuna, ñucata pacac escudomi cangui. Can nishca pactachunmi shuyacuni.

SALMOS 142:5

Chaimantami Mandac Dios canta mañashpaca: «Canmi ñuca shungu churanaca cangui. Canllami cai pachapica ñuca japina cangui» nircani.

SALMOS 18:2

Mandac Dioslla, jatun rumimari cangui. Ñucata cuidashpa, llaquimantapish quishpichicmi cangui. Ñuca Dioslla, muyundita jarcac jatun pirca shinami cangui. Canpimi miticusha. Ñucata jarcac escudomi cangui. Tucuimanta yalli jatun ñuca miticunamari cangui. Ñucata quishpichicmi cangui.

SALMOS 27:1

Mandac Diosca ñucata achicyachic luzmi. Shinallatac ñucata quishpichicmi. Chaimantaca ¿pitatac manchashayari? Mandac Diosca ñuca causaipacca jarcarina jatun pirca shinami. Chaimantaca ¿pitatac manchashayari?

SALMOS 3:3

Ashtahuanpish Mandac Dioslla, escudo shinami ñuca muyundita jarcangui. Canca sumaimana cushichicmi cangui. Ñuca umata alzachishpa sinchiyachicmi cangui.

SALMOS 3:4

Ñucaca caparishpami Mandac Diosta mañarcani. Chaitaca paipaclla urcumantami uyarca.

SALMOS 5:12

Can Mandac Diosllami cashcata ruhuaccunamanca bendiciangui. Cambac cuyaihuanmi escudohuan muyundita jarcac shina cuidangui.

SALMOS 58:11

Shina cacpimi runaca: «Cashcata ruhuaccunaca allitami japina. Cai pachapi causaccunata taripacca sumac Diosmi» ningacuna.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

SALMOS 84:9

Ñucanchic escudo shina Dioslla, aceitehuan cahuishca cambac jatun mandactaca ricuraiyari.

SALMOS 91:4

Paipac plumahuan pacashpami, paipac alas ucupi cuidashpa charinga. Cashcata nic cashcahuanmi escudo shina, fierro churana shina huacaichinga.

ÉXODO 14:13

Shina nicpimi, Moisesca israelcunataca: —¡Ama manchaichicchu! Sinchiyashpa, Mandac Dios ima shina quishpichicta ricuichic. Cunanllami Egipto runacunata ricucunguichic. Cutinca manatac ricunguichicchu.

PROVERBIOS 11:18

Diosta mana manchac runa trabajashpa imata japishcaca yangallami. Ashtahuanpish tarpuc shina cashcata ruhuac runaca mana tucuriclla allicunatami japinga.

PROVERBIOS 30:5

Mandac Dios rimashca shimicunaca jucha illacmi. Diosca paipi shunguta churaccunapac jarcarina escudomi.

ISAÍAS 35:4

Manchaihuan causaccunataca: «¡Sinchiyaichic, ama manchaichicchu! Mandac Diosmi cancunata piñaccunata llaquichingapac shamunga. Paillatacmi quishpichingapac shamunga» ninguichic.

ISAÍAS 40:10

Riquichic, Mandac Diosca jatun poderhuanmi shamun. Paipac rigrahuanmi allicunamanca allita cunga. Mana allicunataca llaquichinga.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

ISAÍAS 41:14

Israelcunapac jucha illac quishpichic Mandac Diosmi caitapish nini: Curucuna shina ashalla Jacobopac huahua huahuacunapish, curucuna shina ashalla israelcunapish ama manchaichicchu. Ñucaca cancunata ayudac Diosmi cani.

ISAÍAS 43:1

Jacobopac huahua huahua Israel llactata callarichic Mandac Diosca: «Ama manchaichu, Ñucami quishpichircani. Cantaca shutipimi cayarcani, ñucapacmi cangui.

ISAÍAS 43:5

Ñucaca canhuanmi cani. Chaimanta ama manchaichu. Cambac huahuacunataca inti llucshina ladomantapish, inti tigrana ladomantapish tandachishpa pushamushami» ninmi.

ISAÍAS 44:2

Ñucaca cancunata ruhuac, mamapac huicsapi cacpirac huiñachic Mandac Diosmi cani. Ñucata servic Jacobopac huahuacunalla, ama manchaichicchu. Ñuca acllashca Jerusalenlla, ama manchaichu.

ISAÍAS 44:8

Ama manchaihuan chucchuichicchu. ¿Manachu utcapi cancunaman huillashpa uyachircani? Chaitaca cancunallatacmi yachanguichic. ¿Ñucamanta shuctac Diosca tiyanchu? Mana, mana ñuca shina jatun poderta charic Diosca tiyanchu. Mana ricsinichu” ninimi» nirca.

ISAÍAS 51:12

Mandac Diosca: «Ñucami cancunata cushichic cani. ¿Ima nishpatac cupa shina huañushpa chingariclla runata mañanguichic?

JEREMÍAS 39:17

Shina cacpipish, chai llaqui punzhacunapica ñucami canta quishpichisha. Can manchana runacunapac maquipica mana yaicunguichu.

LAMENTACIONES 3:24

Chaimantami paipi shunguta churashpa shuyani. Ñucamanca Mandac Diosca tucuimantami yallimi.

EZEQUIEL 1:1

Quimsa chunga huata, chuscu quilla, pichca punzha cacpimi ñucaca prezu rishcacunahuan Quebar yacu patapi carcani. Chaipi cashpami, jahua pacha pascaricpi, Dios ricuchishcata muscuipi shina ricurcani.

EZEQUIEL 11:24

Chai quipa, Mandac Diospac Espiritumi ñucataca muscuipi shina cutinllatac prezu apashca gentecuna causacuc caldeocunapac llactaman pusharca. Chai quipaca ña mana muscuipi shinataca ricurcanichu.

EZEQUIEL 3:4

Chai quipaca: «Huañunalla runa, israelcunapacman rishpa, ñuca rimashcata huillai.

NÚMEROS 12:6

Mandac Diosca: «Cunanca, ñuca rimashcata uyaichic. Cancunapuramanta maijan shuc ñucamanta huillac tiyacpica, muscuipi shina ricurishpami parlasha.

NÚMEROS 18:20

Mandac Diosca Aarontaca: «Canca israelcunapac llactapica allpatapish mana japinguichu. Shinallatac israelcunahuanca imata mana japinguichu. Israelpurapica can japina allpa shinaca ñucami cani.

NÚMEROS 24:4

Dios rimashcata uyac, Imatapish ruhuac Dios muscuipi ricuchishcata ricucuc, urmashpapish mana urmac runami:

SAN MATEO 28:5

Angelca huarmicunataca: «Ama mancharichicchu. Cruzpi chacatashca Jesusta mashcacushcataca yachanimi.

SAN MATEO 8:26

Chaimanta Jesús riccharishpaca: —Mana tucui shunguhuan criccunalla, ¿ima nishpatac yallita mancharicunguichic?— nirca. Chaimantami Jesusca jatarishpa yacutapish cuchatapish rimarca. Shina rimacpica, huairapish, cuchapish casilla tucurcami.

SAN LUCAS 1:13

Ashtahuanpish angelca: —Zacarías, Diosca can mañashcata uyashcami. Ama mancharichu. Cambac huarmi Elisabetca cari huahuatami charinga. Chai huahuataca Juantami shutichingui.

SAN LUCAS 1:30

Chashna yuyacucpimi angelca: —María, ama mancharichu. Cantaca Diosmi cuyashpa acllashca.

SAN LUCAS 12:32

Cancunaca ashalla ovejacuna shina cashpapish ama manchaichicchu. Diosmi cushicushpa cancunahuan mandasha nicun.

HECHOS 10:22

Chashna nicpimi paicunaca: —Pasac soldadocunata mandac Cornelio cachacpimi shamunchic. Paica Diosta cazucmi, shinallatac tucui israelcunapac alli nishca runami. Dios cachashca angelmi canta huasiman pushamuchun, shinallatac can ima huillashcata uyachun nishca— nirca.

1 CORINTIOS 3:22

Pablopish, Apolospish, Pedropish, cai pachapish, huañuipish, causaipish, cunan punzhapish, shamuc punzhapish tucuimi cancunapac can.

DEUTERONOMIO 18:2

Paicunapac huauquicunahuan pacta mana allpata japingachu. Mandac Dios nishca shinami, paicuna japina allpa shinaca Mandac Dios canga.

DEUTERONOMIO 31:6

Paicunapac ñaupapica ama manchaichicchu. Mandac Diosca cancunahuanmi. Paicunata ricushpa, ama manchanguichicchu. Ama chucchunguichicchu. Paica cancunata mana saquingachu, mana cungaringachu» nirca.

HEBREOS 1:1

Diosca tauca cutinmi ñaupa huatacunapica ñucanchic taitacunaman pai ima nishcata huillaccunata huillachirca.

APOCALIPSIS 1:17

Chaita ricushpaca, huañushca shinami paipac chaqui pambaman urmarcani. Shina cacpipish paipac alli maquita ñuca jahuapi churashpaca: «Ama mancharichu. Ñucami callarichicpish, tucuchicpish cani.

RUT 2:12

¡Can chashna ruhuashcamantaca Mandac Dios imata japina cashcata cuchun! Can japina cashcataca israelcunata Mandac Dios tucuita cuchun. Canca paipac rigra ucupi miticungapacmi shamushcangui— nirca.

1 SAMUEL 15:10

Chai quipami Mandac Diosca Samueltaca:

1 SAMUEL 9:9

Ñaupa punzhacunaca Israel llactapi maijanpish Diosman imata tapusha nishpaca: «Dios ricuchishcata huillac runaman jacuchic tapushun» nicmi carca. Chashna huillac runallatatacmi cunan punzhacunaca Dios ima nishcata huillac nincuna.