GÉNESIS 14:23 - Dios Rimashcata Quillcashcami

²³ “Ñucaca shuc puchcallatapish, shuc ushuta huatanallatapish mana japishachu” nishpa ari nircani.

GÉNESIS 14:23 Iomraidhean Croise

1 REYES 13:8

Ashtahuanpish Diospaclla runaca jatun mandactaca: —Cambac charishcamanta chaupita cusha nicucpipish, cambac huasimanca mana rishachu. Cai llactapica micunatapish mana micushachu, yacutapish mana ubiashachu.

2 REYES 5:16

Ashtahuanpish Eliseoca: —¡Ñuca servina, Mandac Diospac shutipimi nini: Canmantaca mana imata japishachu!— nirca. Naamán cutin cutin chasquichun nicucpipish, Eliseoca mana uyarcachu.

2 REYES 5:20

Diospac runa Eliseota servic Giezica: «Riqui, ñucata mandacca Siria llactamanta Naamán carangapac apamushcata mana japishpami, alli shungu tucushca. ¡Mandac Diospac shutipimi nini: Cunanllatami Naamán cushcata chasquingapac paita catishpa callpasha!» nishpa yuyarca.

SAN JUAN 1:27

Paica quipatami shamunga. Ñucaca paipac ushuta huatashcallatapish mana pascaipacmi cani— nirca.

2 CORINTIOS 12:14

Caihuanca quimsa cutin cancunata ricugringapacmi ña allichirishca cani. Cunan rishpapish, imata mañashpa mana quichushachu. Huahuacunaca mana taitacunaman cullquita tandachinchu, ashtahuanpish taitacunami huahuacunaman tandachina can. Chashna cashcamanta ñucaca cancuna ima charishcata japingaraicuca mana rishachu, ashtahuanpish cancunapac allipacmi risha nini.

HEBREOS 13:5

Diosca: «Mana saquishachu, manatac cungarishachu» nishcami. Chaimanta cancunaca charishcallahuan cushi caichic. Ama chayucyana yuyailla caichicchu.