GÉNESIS 13:8 - Dios Rimashcata Quillcashcami

⁸ Chashna cacpimi, shuc punzha Abramca Lotta cayashpaca: «Ñucanchicca huasi ucupurami canchic. Ñucanchicpura mana piñanacunachu canchic. Shinallatac ñuca michiccunapish cambac michiccunahuan mana piñanacunachu can.

GÉNESIS 13:8 Iomraidhean Croise

GÉNESIS 13:9

Cai tucui allpaca cambac ñaupallapitacmi. Chaimanta ñucamanta raquirichunmi munani. Can lluqui maqui ladoman ricpica, ñucaca alli maqui ladomanmi risha, cutin can alli maqui ladoman ricpica, ñucaca lluqui maqui ladomanmi risha» nirca.

GÉNESIS 14:14

Abramca paipac sobrinota prezushcata yachashpami, paipac huasipi huacharishca paita servic quimsa patsac chunga pusac runata tandachishpa, Lotta prezuccunataca Dan llactacaman catirca.

GÉNESIS 45:24

Paipac huauquicuna caya minchacaman nishpa ricpimi Joseca: —Ñanpi ama piñanacunguichicchu— nishpa cacharca.

GÉNESIS 46:34

cancunaca: “Canta servic ñucanchicca, ñucanchic ñaupa taitacuna shinallatac huambramanta pacha animalcunata michishpa causaccunami canchic” ninguichic. Shinami Gosén llactapi causai pudinguichic. Egipto runacunaca tucui ovejata michiccunataca millanayachishpa piñancunami— nirca.

SALMOS 133:1

¡Huauquicunapura, panicunapura cuyanacushpa causana mai sumac cashcataca ricuichicyari!

ÉXODO 2:13

Cayandi cutinllatac ricungapac llucshishpaca, israelcunapuramanta ishcai runacuna macanacucuctami ricurca. Shina ricushpami llaquichic runataca: —¿Ima nishpatac cancunapuramanta runata macacungui?— nirca.

PROVERBIOS 15:1

Sumacta rimashcaca piñarishcata allichinmi. Ashtahuan sinchita rimashcaca ashtahuanmi rabiachin.

PROVERBIOS 15:18

Utca piñaric runaca piñanacuillapimi churan. Ashtahuanpish mana utca piñaric runaca piñanacuita allichinmi.

PROVERBIOS 20:3

Piñanacuimanta anchuricca alli nishcami. Yuyai illac runa piñanacuipi yaicucca mana illangachu.

SAN MATEO 5:9

Piñanacushcata allichiccuna, ¡cushicuichic! Cancunami Diospac huahuacuna canguichic.

HECHOS 7:26

Quipa punzha ricungapac rishpa, israelcunapurallatac macanacucucta ricushpaca: “Cancunaca huauquindimi canguichic. ¿Ima nishpatac cashna macanacucunguichic?” nirca.

ROMANOS 12:10

Huauquindipura shina caishuc chaishuc-huan cuyanacuichic. Shuccunahuan sumacta causaichic.

FILIPENSES 2:14

Ama huashalla rimanacushpa, ama piñanacushpa imatapish ruhuaichicchu.

1 TESALONICENSES 4:9

Diosllatacmi caishuc-huan chaishuc-huan cuyanacunataca ña yachachishca, chaimantami ña mana ashtahuan cuyanacunamantaca quillcana canchic.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.

HEBREOS 13:1

Criccunaca, caishuc chaishuc cuyanacunguichic.

1 PEDRO 1:22

Cunanca tucui shunguhuan criccunapura cuyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan caishuc chaishuc cuyanacuna canguichic.

1 PEDRO 2:17

Tucuihuan alli caichic, criccunata cuyaichic, Diostaca manchaichic, shinallatac llactacunata jatun mandac-huanpish alli caichic.

1 PEDRO 3:8

Ashtahuanpish cancunaca caishuc chaishuc-huan cuyanacushpa, llaquinacushpa, shuc shinalla yuyashpa, pihuanpish alli causaichic.

1 PEDRO 4:8

Tucuimanta yallica caishuc chaishuc cuyanacuichic. Chashna cuyanacushpaca, achca juchacunatami perdonanguichic.

2 PEDRO 1:7

Ña Diosta allita yuyariccuna cashpaca, criccunapura allita ruhuaccuna caichic. Ña criccunapura allita ruhuaccuna cashpaca, tucuita cuyaccuna canata munaichic.

1 JUAN 4:7

Cuyashca criccuna, Dios cuyaita cushcamanta caishuc chaishuc-huan cuyanacushunchic. Maijanpish cuyacca Diospac huahuami, shinallatac Diostapish ricsinmi.

JUECES 9:26

Shuc punzhami Ebedpac churi Gaalca huauquicunata pushashpa Siquem puebloman chayarca. Chaipi causaccunaca paicuna atingallami yuyarcacuna.