GÉNESIS 13:7 - Dios Rimashcata Quillcashcami

⁷ Abrampac michiccunaca Lotpac michiccunahuanmi piñanacuc carca. Shinallatac cananeocunapish, ferezeocunapish chaillapitacmi causarca.

GÉNESIS 13:7 Iomraidhean Croise

GÉNESIS 10:19

Cananeocunapac llactaca Sidonmanta Gerar ladota rishpa, Gaza llactacamanmi carca. Shuc ladomanca Sodoma, Gomorra, Admacamanmi carca. Shinallatac Seboimantaca Lasa llactacamanmi carca.

GÉNESIS 12:6

Abramca chai llactata rishpami, Siquem llactacaman chayashpa, Moré nishca encina yura ladoman chayarca. Chai llactapica cananeocunami causarca.

GÉNESIS 21:25

Abrahamca Abimelecpac serviccuna yacu jutcuta quichushcamantami Abimelecta sinchita rimarirca.

GÉNESIS 26:20

Chai yacumantami Gerarpi michiccunaca Isaacpac michiccunataca: —Cai yacuca ñucanchicpacmi— nishpa piñarca. Paicuna piñanacushcamantami Isaacca chai jundutaca Esec nishpa shutichirca.

GÉNESIS 34:30

Chaimantami Jacoboca Simeontapish, Levitapish rimashpaca: —Cancuna chashna ruhuashpaca, cai llactapi causac cananeocunapac, ferezeocunapac piñanatami ñucataca ruhuashcanguichic. Cunanca piñangacunami. Ñucanchicca ashalla runacunatami charinchic. Paicuna tandanacushpa, jahualla ñucatapish, ñuca familiatapish huañuchingami— nirca.

GÉNESIS 46:34

cancunaca: “Canta servic ñucanchicca, ñucanchic ñaupa taitacuna shinallatac huambramanta pacha animalcunata michishpa causaccunami canchic” ninguichic. Shinami Gosén llactapi causai pudinguichic. Egipto runacunaca tucui ovejata michiccunataca millanayachishpa piñancunami— nirca.

NEHEMÍAS 5:9

ñucaca: —Cancunaca mana allitachu ruhuacunguichic. Ashtahuanpish, ¿manachu shuctac llactapi causac ñucanchicta piñaccuna ama burlachun, Diosta manchashpa causana canguichic?

ÉXODO 2:17

Ashtahuanpish shuctac michiccuna shamushpami, paicunataca chaimanta catishpa cacharca. Chashna ruhuacpimi, Moisesca misashpa solteracunapac ovejacunaman yacuta ubiachirca.

PROVERBIOS 20:3

Piñanacuimanta anchuricca alli nishcami. Yuyai illac runa piñanacuipi yaicucca mana illangachu.

MARCOS 3:25

Huasipi causaccuna paicunapura macanacucpica, chai huasica tucuringami.

1 CORINTIOS 3:3

Cancunaca cai pacha jucha munashca shina causacushcamantami, rimanacunguichic, piñanacunguichic shinallatac raquirinacunguichic. Chashna ruhuashpaca, chairac cai pacha jucha munashca shina causacushcamantami ruhuacunguichic.

GÁLATAS 5:20

ruhuashcalla dioscunata adoraccunami, brujocunami, pitapish mana allichu nishpa piñaccunami, macanacuccunami, celaccunami, imamantapish jahualla piñariccunami, piñanacuipi churaccunami, gentecunata chicanyachiccunami, ñucanchiclla cashun niccunami,

COLOSENSES 4:5

Cristohuan manarac caccunahuan tandarishpaca, yachaccuna shina caichic. Shinallatac tiempo tiyashcapica allitac ruhuaichic.

1 TESALONICENSES 4:12

Chashna ruhuashpa causashpami, imapish mana illaclla, shinallatac mana criccunapacpish alli nishca causanguichic.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

SANTIAGO 3:16

Shuccuna shina casha nishpa, quiquinlla imatapish ruhuana yuyaicuna tiyacpimi tucuilaya mana allicuna shinallatac imapish maipipish cachun ruhuarin.

SANTIAGO 4:1

Cancunapuraca, ¿ima nishpatac macanacunguichic, piñanacunguichic? Cancunapac shungupi millai munaicuna tiyashpa, caita chaita yuyachicucpimi, chashnaca ruhuanguichic.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.