GÉNESIS 13:15 - Dios Rimashcata Quillcashcami

¹⁵ Tucui can ricushca allpataca tucui causaipacmi canmanpish, cambac huahua huahuacunamanpish cusha.

GÉNESIS 13:15 Iomraidhean Croise

GÉNESIS 12:7

Chaipimi Mandac Dios Abramman ricurishpaca: «Cambac huahua huahuacunamanmi cai allpataca cusha» nirca. Chaipimi Abramca paiman ricurishca Mandac Diosman shuc altarta ruhuarca.

GÉNESIS 13:17

Jatarishpa, llactacunata sunimanpish, anchomanpish purishpa ricugri, canmanmi chai allpataca cugrini» nirca.

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

GÉNESIS 15:7

Shina chashquishpaca: —Ñucaca canta Mandac Diosmi cani. Ñucami cai allpata canman cungapac caldeocuna causana Ur llactamanta llucchircani— nirca.

GÉNESIS 18:18

¿Paimanta alli sinchi, jatun llacta tucugricucpi, shinallatac tucui cai pachapi causaccuna paimanta bendiciashca cagricucpichu mana huillana cani?

GÉNESIS 24:7

Ñuca taitapacmanta, ñuca aillucuna causana allpamanta llucchic jahua pachapi causac Mandac Diosca: “Canmanpish, cambac huahua huahuacunamanpish cai allpata cushami” nishpa, paipac shutipi ari nirca. Paillatac paipac angelta cambac ñaupata cachacpimi, chai llactamanta huarmita ñuca churiman pushamungui.

GÉNESIS 28:13

Shinallatac Mandac Dios chai escalera jahuamantaca: «Ñucami cambac taita Abrahampac, shinallatac Isaacpac Mandac Dios cani. Can sueñushpa siricuc allpataca canman, shinallatac cambac huahua huahuacunamanmi cusha.

GÉNESIS 28:14

Cambac huahua huahuacunaca ñuto allpa shinami, achcata miraringa. Jahuamanpish, uramanpish, inti llucshina ladomanpish inti tigrana ladomanpish rishpami, mirarishpa causangacuna. Canmantapish, cambac huahua huahuacunamantapishmi tucui cai pachapi causaccunata bendiciasha.

GÉNESIS 28:4

Cai ñucanchic pozashpa causacuc allpata Dios cuchun. Cantapish, cambac huahua huahuacunatapish Abrahamta bendiciashca shina bendiciachun. Cai allpataca Diosmi Abrahamman cusha nirca» nirca.

GÉNESIS 35:12

Abrahamman, Isaacman cushca allpatami canmanpish, cambac huahuacunamanpish cusha» nirca.

GÉNESIS 48:4

“Riqui, ñucami achca huahuacunayucta ruhuashpa, cantaca tucui llactacunapac sapita shina ruhuani. Cambac huahua huahuacunamanpish huiñaipacmi cai allpataca cusha” nirca.

GÉNESIS 50:24

Chai quipaca Joseca paipac huauquicunataca: —Ñucaca ñallami huañusha. Shina cacpipish, Dios shamushpami, cai llactamanta llucchishpa Abrahamman, Isaacman, Jacoboman cungapac ari nishca allpaman pushanga— nirca.

1 CRÓNICAS 16:18

Paica: “Can japinataca Canaán llactatami cusha” nircami.

2 CRÓNICAS 20:7

Ñucanchic Mandac Dioslla, cai llactapi causaccunataca canmi, can acllashca israelcunapac ñaupamanta llucchishpa cacharcangui. Shina llucchishpaca, canhuan alli apanacuc Abrahampac huahua huahuacuna huiñaita causachunmi curcangui.

SALMOS 37:22

Pai bendiciashca runacunami llactataca japinga. Shinallatac pai maldiciashca runacunaca tucuchishcami canga.

SALMOS 37:29

Cashcata ruhuaccunami llactataca japinga. Huiñaitami chai llactapica causangacuna.

ÉXODO 32:13

Canta servic Abrahamman, Isaacman, taita Israelman: “Cancunapac huahua huahuacunataca jahua pachapi tiyac lucerocunata shinami mirachisha. Cancunapac huahua huahuacunaman cusha nishca cai llactapish cushami. Caica huiñaitami paicunapac canga” nishpa, cambac shutipi ari nishcataca yuyariyari— nirca.

ÉXODO 33:1

Mandac Diosca Moisestaca: —Egipto llactamanta llucchishca israelcunata ñuca cusha nishca llactaman pushai. Chai llactata cungapacmi Abrahamman, Isaacman, Jacobomanca: “Chai llactataca cancunapac huahua huahuacunamanmi cusha” nishpa, ari nircani.

ISAÍAS 63:18

Asha huatacunallatami cambac acllashcacunaca cambaclla huasipica causarcanchic. Ashtahuanpish cunanca ñucanchicta piñaccunami cambaclla huasipica sarucun.

NÚMEROS 34:2

«Israelcunata: “Cancuna Canaán llactaman yaicushpaca, cancunapac allpa linderocunaca caicunami canga.

SAN MATEO 5:5

Llaquilla shungucuna, ¡cushicuichic! Cancunami Dios cusha nishca llactataca japinguichic.

HECHOS 7:5

Diosca chai llactapica, allpataca chaqui saruillatapish mana curcachu. Shina cacpipish, Diosca: “Canmanpish, cambac huahua huahuacunamanpish allpata cushami” nishpami ari nirca. Abraham manarac huahuata charicpimi, chashna nirca.

DEUTERONOMIO 34:4

Chai tucuita ricuchishpami Mandac Diosca: «Cai llactacunatami Abrahamman, Isaacman, Jacoboman cungapac ari nishpaca: “Cambac huahua huahuacunamanmi cusha” nircani. Ñucaca cai llactacunata ricuchun saquinimi. Shina cacpipish, mana chaiman pasanguichu» nirca.

DEUTERONOMIO 9:5

Mana cancuna cashcata ruhuac, shungupi allita yuyac cashcamantachu cai llactata japigringuichic, ashtahuanpish chai llactapi causaccuna mana allita ruhuashcamantami llucchishpa cacharca. Mandac Dios cancunapac ñaupa taita Abrahamman, Isaacman, Jacoboman cungapac ari nishcata pactachingapacmi chashnaca ruhuagrin.