GÉNESIS 13:12 - Dios Rimashcata Quillcashcami

¹² Abramca Canaanpimi causai callarirca. Cutin Lotca chai pugru pambapi tiyac llactacunapimi Sodoma pueblocaman caipi chaipi carpa huasicunata shayachishpa, causai callarirca.

GÉNESIS 13:12 Iomraidhean Croise

GÉNESIS 13:11

Chaimantami Lotca tucui Jordán pambata acllashpa, inti llucshina ladoman rirca. Shinami caishuc chaishuc raquirinacurca.

GÉNESIS 14:12

Abrampac sobrino Lotca Sodomapimi causarca. Chaipi cacpimi, paita prezushpa, pai ima charishcacunatapish apashpa rirca.

GÉNESIS 14:2

Paicunami Sodomata jatun mandac Berahuan, Gomorra pueblota jatun mandac Birsahuan, Adma llactata jatun mandac Sinabhuan, Zeboim pueblota jatun mandac Semeberhuan, Zoar nishca Bela llactata jatun mandac-huan macanacurca.

GÉNESIS 19:1

Ña chishiyagricucpimi, ishcai angelcunaca Sodoma puebloman chayarca. Chai pueblo yaicunapimi Lotca tiyacurca. Angelcuna ricuricpica, paicunata chasquingapacmi jatarishpa pambacaman cumurirca.

GÉNESIS 19:24

Shina cacpica, Mandac Diosca Sodomapipish, Gomorra pueblopipish jahua pachamanta azufrehuan rupacuc ninatami tamyachirca.

GÉNESIS 19:25

Chashnami chai llactacunatapish, chaipi causaccunatapish, tucui pambacunatapish, chaipi pucushca granotapish tucuchircami.

GÉNESIS 19:29

Chashna chai pueblocunata, pambacunata tucuchishpapish Diosca Abrahamta yuyarishpami, Lotta chingarigricuc pueblomanta llucchishpa quishpichirca.

SALMOS 26:5

Millaita ruhuaccuna tandanacuitaca mana ricunayanchu. Canta mana manchaccunahuanca jaicapi mana tandarircanichu.

1 CORINTIOS 15:33

Ama pandarichicchu. Maijancunaca: «Mana alli gentecunahuan tandarishpami, alli causaitaca saquincuna» ninmi.