GÉNESIS 13:10 - Dios Rimashcata Quillcashcami

¹⁰ Shina nicpimi, Lotca huichailla ricushpaca, Jordán tucui pambata ricurca. Chai pambaca Edén huerta shina, parcuc yacuyuc, shinallatac Mandac Dios manarac Sodomata, Gomorrata tucuchicpi, Zoar llacta chimba ladopi cac Egipto llacta shinami carca.

GÉNESIS 13:10 Iomraidhean Croise

GÉNESIS 11:27

Tarepac huahua huahuacunaca: Abram, Nacor, Haranmi carca. Haranca Lot churitami charirca.

GÉNESIS 13:11

Chaimantami Lotca tucui Jordán pambata acllashpa, inti llucshina ladoman rirca. Shinami caishuc chaishuc raquirinacurca.

GÉNESIS 13:9

Cai tucui allpaca cambac ñaupallapitacmi. Chaimanta ñucamanta raquirichunmi munani. Can lluqui maqui ladoman ricpica, ñucaca alli maqui ladomanmi risha, cutin can alli maqui ladoman ricpica, ñucaca lluqui maqui ladomanmi risha» nirca.

GÉNESIS 14:2

Paicunami Sodomata jatun mandac Berahuan, Gomorra pueblota jatun mandac Birsahuan, Adma llactata jatun mandac Sinabhuan, Zeboim pueblota jatun mandac Semeberhuan, Zoar nishca Bela llactata jatun mandac-huan macanacurca.

GÉNESIS 14:8

Shina cacpimi, Sodoma, Gomorra, Adma, Zeboim, Zoar nishca Bela llactacunamanta jatun mandaccuna llucshishpa, Sidim pambapi macanacungapac allichirirca.

GÉNESIS 3:6

Shina nicpimi, huarmica chai yurapi cac murutaca micungapac alli cacta, sumaimana ricunalla cacta, shinallatac yachac cangapacpish alli cacta ricurca. Chaimantami chai yuramanta japirca, micurca, cusamanpish cucpi, paipish micurca.

GÉNESIS 47:6

Egipto llactaca cambac maquipimi. Cambac taitatapish, cambac huauquicunatapish Gosén llactapi ashtahuan alli allpapi causachun churai. Paicunapuramanta maijan alli yuyaiyuc cacpica, ñuca animalcunata ricuchun churangui— nirca.

GÉNESIS 6:2

Diospac churicunaca chai ushicuna sumaimana cashcata ricushpami, chai huarmicunapuramanta acllashpa cazararca.

1 REYES 7:46

Chai tucui charinacunataca jatun mandacca Jordán pambapimi ruhuachirca. Chaipica quillu allpami carca. Chai pambaca Sucot pueblohuan Saretán pueblohuan chaupipimi carca.

JOB 40:23

Jatun yacu yallita mirarishpa talliricpipish mana mancharishpa callpanchu. Jordán yacu paipac shimiman shamucpipish mana manchanchu.

SALMOS 107:34

Alli grano pucuc allpacunatapish, mana pucuc cachi allpatami ruhuan. Chaipi causaccuna millaita ruhuashcamantami chashnaca ruhuan.

ISAÍAS 15:5

Ñucaca Moab llactapi causaccunamantami caparishpa, tucui shunguhuan huacacusha. Chai llactamanta miticushpa riccunaca Zoar llactamanmi callpanga. Luhit huichaitami huacashpa huacashpa ringa. Horonaimman rina ñantami llaquinayaita caparishpa ringa.

ISAÍAS 51:3

Mandac Dios ñucaca Sión llactapi causaccunata cushichishatacmi. Tucui llaquilla caccunatami cushichisha. Shitashca pambataca sumac sisa huerta shinata, chaquishca pambataca Mandac Dios ñucapac huertata shinatami ruhuasha. Chaipica yallita cushicushpami, ñucata alli nishpa cantangacuna.

JEREMÍAS 48:34

Hesbón runacuna caparishpa huacashcaca Eleale llactacaman, shinallatac Jahaza pueblocamanmi uyarirca. Zoarmantaca Horonaimcaman, Eglat-selisiyacamanmi uyarirca. Nimrim yacucunapish chaquishcami.

EZEQUIEL 16:46

Cambac punta ñañaca Samariami. Paica huahuacunandimi jahua ladopi causacun. Cambac quipa ñañaca Sodomami. Paipish huahuacunandimi ura ladopi causacun.

EZEQUIEL 16:49

Cambac ñaña Sodomaca yalli micunata charishpami, jatun tucushpa, llaquipi causaccunatapish, imata mana chariccunatapish mana ayudashpa juchallirca.

EZEQUIEL 28:13

Canca ñucapac Edén huertapimi carcangui. Canca cornerina, topacio, diamante, crisólito, ónice, jaspe, zafiro, turquesa, berilo tucuilaya sumac rumicunahuan allichishca churanahuami carcangui. Cambac churana esquinacunapi tiyac zarcillocunaca curimi carca. Can callarishca punzhamanta pachami chashna allichishca carcangui.

EZEQUIEL 31:8

Chai yuraca Diospac huertapi tiyac cedro yuracunatapish, ciprés yuratapish yalli sumacmi carca. Castaño yuracunapish mana pai shina ramasapachu carca. Diospac huertapica maijan yurapish mana pai shina sumacca tiyarcachu.

EZEQUIEL 31:9

Ñucami ramasapa sumac yurata ruhuarcani. Chaimantami Diospac Edén huertapi tiyac yuracunapish envidian.

EZEQUIEL 47:18

Inti llucshina lado linderoca Haurán llacta, Damasco chaupita catishpa, Galaad llacta, Israel llacta chaupita catishpa, Jordán yacucamanmi canga. Inti llucshina ladopi cac jatun cucha patapi tiyac Tamar pueblocaman medinguichic. Shinami inti llucshina lado linderoca canga.

JOEL 2:3

Paicunaca ñaupatapish, huashatapish tucuita rupachishpami saquinga. Paicuna manarac pasacpica, chai allpaca Edén huerta shina sumacmi carca. Ña pasa ricpica, shitashca pambami saquiringa. ¡Pipish mana saquiringachu!

DEUTERONOMIO 34:3

Neguev llactata, Jericó pambacunatapish, palmacuna tiyac llactatapish Zoar llactacamanmi ricuchirca.