GÉNESIS 12:8 - Dios Rimashcata Quillcashcami

⁸ Chaimantaca Bet-el pueblomanta inti llucshic lado urcuman rishpami, shuc carpa huasita shayachirca. Chaipica Bet-el puebloca inti tigrana ladoman, cutin Hai llactaca inti llucshina ladomanmi saquirirca. Chaipimi cutinllatac shuc altarta ruhuashpa, Mandac Diosta mañarca.

GÉNESIS 12:8 Iomraidhean Croise

GÉNESIS 13:18

Shina nicpimi, Abramca carpa huasicunata apashpa, encina yuracuna tiyac Mamre pambapi causagrirca. Chaica Hebrón pueblo cuchullapimi carca. Chaipimi Mandac Diosman shuc altarta ruhuarca.

GÉNESIS 13:3

Pai Neguevmanta cutishpaca, ashancaman rishpami, Bet-el puebloman chayarca. Chashnami Bet-el pueblo, Hai llacta chaupipi, ñaupaman carpa huasi cashcallamantac chayarca.

GÉNESIS 13:4

Ñaupaman altarta ruhuashcallamantac chayashpami, Mandac Diosta mañarca.

GÉNESIS 21:33

Abrahamca Beerseba pambapimi tamarisco yurata tarpurca. Chaipimi huiñaita causac Mandac Diosta mañarca.

GÉNESIS 22:9

Abrahamca maipimi Dios ricuchishcaman chayashpaca, shuc altarta ruhuashpami, chai jahuapi yantata churashpa, paipac churi Isaacta chacnashpa yanta jahuapi churarca.

GÉNESIS 26:25

Chaipimi Isaacca altarta ruhuashpa, Mandac Diosta pagui nirca. Shinallatac chaillapitacmi carpa huasita ruhuarca. Chaipi causacucpimi, Isaacta serviccunaca shuc yacu junduta allarca.

GÉNESIS 28:19

Shina ruhuashpami, Jacoboca chai pambataca Bet-eltami shutichirca. Ñaupaca chai pambapi tiyac puebloca Luz shutimi carca.

GÉNESIS 31:25

Labanca Galaad urcupi Jacobo carpa huasicunapi samaricucpimi chayarca. Chaillapitacmi Labanpish, familiacunandi saquirirca.

GÉNESIS 33:20

Chaipimi shuc altarta shayachishpa, EL-Elohe-Israelta shutichirca.

GÉNESIS 35:3

Bet-elman huichai rishunchic. Chaipimi ñuca llaquilla cashpa, mañashcata uyac, shinallatac ñucahuan puric Diosman shuc altarta ruhuagrini— nirca.

GÉNESIS 35:7

Chaipimi paipac huauquimanta miticushpa ricucpi, Dios ricurirca. Chaimantami chaipi shuc altarta ruhuashpa, chai allpataca El-bet-elta shutichirca.

GÉNESIS 4:26

Shinallatac Setca shuc cari huahuatami charirca. Paitaca Enostami shutichirca. Chai punzhamantami gentecunaca Mandac Diosta mañai callarirca.

GÉNESIS 8:20

Chai quipami Noeca Mandac Diosman altarta ruhuarca. Chaipimi Mandac Diosman cuna animalcunamantapish, volac animalcunamantapish shucta Mandac Diosman cushpa rupachirca.

NEHEMÍAS 11:31

Benjaminpac huahua huahuapuraca Geba, Micmas, Aía, Bet-el pueblocuna, chai uchilla muyundi llactacunapimi causacurca.

SALMOS 116:4

Chaimantami Mandac Diostaca: «¡Mandac Dioslla, ñucata quishpichiyari!» nishpa mañarcani.

ÉXODO 17:15

Chai quipaca Moisesca chaipi shuc altarta ruhuashpami “Mandac Diosca ñuca banderami” nishpa shutichirca.

ISAÍAS 10:28

Soldadocuna Ajat llactaman chayashpami, Migrón llactaman pasashpa rirca. Micmas llactapimi yupanga.

JOEL 2:32

Mandac Dios ñucata mañaccunallami quishpiringa. Ñuca huillashca shinami, quishpirishcacunaca Sión urcupipish, Jerusalenpipish canga. Chai quishpirishcacunaca Mandac Dios ñuca cayashcacunami canga» ninmi.

HECHOS 2:21

Chaipica tucui ñuca shutipi mañaccunaca quishpiringami” ninmi.

1 CORINTIOS 1:2

Corinto pueblopi cac Diospaclla tandanacushca criccunaman, caitaca quillcani. Cancunaca Cristo Jesus-huan shuclla tucushcamanta, Diospaclla tucushpa, shuctac llactacunapi Apunchic Jesucristoman tucui mañaccunahuan pacta, pai Diospaclla cachun acllashpa cayashcacunami canguichic. Apunchic Jesucristoca shuctac llactapi causaccunapacpish, ñucanchicpacpish Mandacmi.

HEBREOS 11:9

Pai crishcamantami, Dios cushca shucpac llactapi pozashpa causarca. Paica Dios cushami nishcataca chasquic Isaac, Jacobo shinami carpa huasicunapi causarca.

JOSUÉ 18:22

Bet-haarabá, Zemaraim, Bet-el,

JOSUÉ 22:10

Rubenpac, Gadpac aillucunapish, Manasespac chaupi aillupish, Canaán llacta Jordán yacu lindero ladoman chayashpaca, chai Jordán yacu ladopimi shuc jatun altarta ruhuarca.

JOSUÉ 7:2

Chai quipami Josueca Jericó pueblomanta Hai puebloman runacunata cacharca. Chai puebloca Bet-el pueblomanta inti llucshina ladopi tiyac Bet-avén pueblo ladollapimi carca. Chaiman cachashpaca: «Huichai rishpa, chai llactata ricugrichic» nirca. Shina nicpi, Hai pueblota ricushpa,

JOSUÉ 8:12

Chaipimi Josueca inti tigrana ladopi, chaica Bet-el pueblohuan, Hai pueblohuan, tupanacuipi pichca huaranga macanacuc runacunata pacalla chapachun churarca.

JOSUÉ 8:17

Tucui Hai pueblopi, tucui Bet-el pueblopi causaccunami shucllapish mana saquirishpa, israelcunata catircacuna. Israelcunata catingaraicumi pueblo pungutapish pascashpa rircacuna.

JOSUÉ 8:3

Josueca macanacuc runacunahuanmi Hai pueblopi causaccunahuan macanacungapac llucshirca. Josueca quimsa chunga huaranga sinchi macanacuc runacunata acllashpami cacharca.

JOSUÉ 8:30

Chai quipami Josueca israelcunata Mandac Diosman shuc altarta Ebal urcupi,

JOSUÉ 8:9

Josué shina mandacpi, paicuna rishpaca, Bet-el pueblohuan, Hai pueblohuan tupanacuipi chapangapacmi rircacuna. Chai pushtuca Hai pueblomanta inti tigrana ladopimi carca. Josueca chai tuta gentecunapac chaupipi pacarishpami,

JUECES 6:24

Chaimantami Gedeonca Mandac Diosman shuc altarta ruhuashpa: “Mandac Diosca cushicuimi” nishpa shutichirca. Chai altarca cunancamanmi abiezeritacunapac Ofra pambapi tiyan.

1 SAMUEL 30:27

Chai quichumushcataca Bet-el pueblopi, shitashca pamba Neguevpi cac Ramot pueblopi causaccunamanpish cacharcami. Jatir,