GÉNESIS 11:8 - Dios Rimashcata Quillcashcami

⁸ Chashnami Mandac Diosca paicunata cai pachapi caita chaita cachashpa, chai llactata ruhuanata saquichirca.

GÉNESIS 11:8 Iomraidhean Croise

GÉNESIS 10:25

Heberca ishcai churitami charirca. Punta churitaca chai punzhacunapi cai pachapi chicanyarinacui tiyashcamantami Pelegta shutichirca. Paipac huauquica Joctanmi carca.

GÉNESIS 10:32

Caicunami Noepac churicunapac aillucunaca carca. Paicunaca quiquin llactacunallapitac ima shina mirarishca shinallatacmi causarca. Paicunamantami cai pachapi yacu juizhu tucurishca quipaca caita chaita rishpa, llacta tucushpa causarca.

GÉNESIS 10:5

Paicunaca mama cucha lado llactacunapimi causarca. Paicunaca quiquin rimaita rimashpami, paicunapac aillucunapuralla causarca.

GÉNESIS 11:4

Chai quipaca: «Cunanca, shuc pueblotapish, jahua pachaman alto shuc torretapish chayachingapac jacuchic. Shina ruhuashpami, mana caita chaita rishpa, cai pachapica tucui gentecunapac alli nishca causashun» ninacurca.

GÉNESIS 11:9

Mandac Diosca paicunapac rimaita chican chicanta ruhuashpami, chai llactataca Babelta shutichirca. Chai llactamantami tucui cai pachata shic-huarishpa causagrirca.

GÉNESIS 49:7

Cancuna piñarishcamantaca mana alli nishcami canguichic. Cancunaca Jacobopac familiamanta chicanyachishcami canguichic. Israelpuramantapish caita chaita rishpami causanguichic.

SALMOS 33:10

Mandac Diosca llactacunapi causaccuna cunashcataca yangapimi churan. Shinallatac gentecuna yuyarinacushcatapish chingachishpami churan.

SALMOS 92:9

Mandac Dioslla, canta piñaccunaca chingaringami. Millaita ruhuaccunataca caita chaitami cachangui.

SAN LUCAS 1:51

Paipac maquihuanmi mancharinacunata ruhuashca. Jatun tucushcacunapac yuyaitapish chingachishcami.

DEUTERONOMIO 32:8

Jahua pacha Dios llactacunaman allpata cushpaca, Adanpac churicunata chicanyachicushpami Israelpac huahuacuna mashna cashcata ricushpa linderocunata churarca.