GÉNESIS 11:5 - Dios Rimashcata Quillcashcami

⁵ Chaimantami Mandac Diosca runacuna ruhuacuc pueblotapish, jatun torretapish ricungapac urai shamurca.

GÉNESIS 11:5 Iomraidhean Croise

GÉNESIS 18:21

Cunanca, ñuca uyashca shina, paicuna yallita millaita ruhuashcata, mana cashpaca mana ruhuashcata ricungapacmi rigrini. Chashna rishpami allita yachasha— nirca.

SALMOS 11:4

Mandac Diosca paipaclla huasipimi tiyacun. Mandac Diosca jahua pachapimi jatun tiyarinataca charin. Huañuclla aichayuc runa ima shina cashcataca tucuita ricucun.

ÉXODO 19:11

Quimsa punzhacamanca allichirishca cachun mandangui. Chai punzhami Sinaí urcu jahuaman tucui israelcuna ricucucpi shamusha.

ÉXODO 19:18

Mandac Dios nina chaupita urcuman urai shamushcamantami chai urcuca hornota cushni tapashca shina carca. Tucui chai urcumi yallita chucchucurca.

ÉXODO 19:20

Mandac Diosca Sinaí urcu jahuaman shamushpami, Moisesta cayarca. Chashna cayacpimi, Moisesca chai urcu jahuaman huichai rirca.

ÉXODO 3:8

Chaimantami Egipto runacunapac maquimanta cacharichingapac urai shamurcani. Cai llactamanta llucchishpa lechepish, mishquipish tiyac sumac llactaman pushangapacmi shamurcani. Chai llactaca cananeocunapac, heteocunapac, amorreocunapac, ferezeocunapac, heveocunapac, jebuseocunapac llactami can.

SAN JUAN 3:13

Jahua pachamanca pi mana rishcachu, ashtahuanpish Runa Tucungapac shamushca ñucallami jahua pachamanta shamurcani. Ñucami jahua pachapi causacca cani.

HEBREOS 4:13

Tucui Dios ruhuashcacunami paipac ñaupamanta mana pacalla can. Imapish paipac ñaupapica mana pacashcachu. Paimanmi ñucanchicca tucui imatapish huillana canchic.