GÉNESIS 11:31 - Dios Rimashcata Quillcashcami

³¹ Tareca paipac churi Abramtapish, paipac nieto Lottapish, paipac nuera Saraitapish pushashpami, caldeocuna causana Ur llactamanta llucshirca. Shinami Harán llactaman chayashpa, chaipi causai callarirca.

GÉNESIS 11:31 Iomraidhean Croise

GÉNESIS 10:19

Cananeocunapac llactaca Sidonmanta Gerar ladota rishpa, Gaza llactacamanmi carca. Shuc ladomanca Sodoma, Gomorra, Admacamanmi carca. Shinallatac Seboimantaca Lasa llactacamanmi carca.

GÉNESIS 11:32

Tareca ishcai patsac pichca huatata causashpami, Harán llactapi huañurca.

GÉNESIS 12:4

Mandac Dios nishca shinami, Abramca Haranmanta rirca. Lotpish paihuanmi rirca. Abramca canchis chunga pichca huatayuc cashpami, Haranmantaca llucshirca.

GÉNESIS 12:5

Abramca paipac huarmi Saraitapish, huauquipac churi Lottapish, chaipi randishca runacunatapish pushashpa, Harán llactapi imata ruhuashcamanta japishcatapish apashpa, Canaanman chayarca.

GÉNESIS 14:12

Abrampac sobrino Lotca Sodomapimi causarca. Chaipi cacpimi, paita prezushpa, pai ima charishcacunatapish apashpa rirca.

GÉNESIS 15:7

Shina chashquishpaca: —Ñucaca canta Mandac Diosmi cani. Ñucami cai allpata canman cungapac caldeocuna causana Ur llactamanta llucchircani— nirca.

GÉNESIS 24:10

Chaimantami servicca amopac camellocunamanta chunga camellocunata japishpa, amopac tucuilaya acllashca convidanacunata apashpa, Mesopotamia llactapi cac Nacor llactaman rirca.

GÉNESIS 24:15

Chai servic mañacucpiracmi, Betuelpac ushi Rebeca solteraca rigra jahuapi puñuta apashca ricurircalla. Betuelca Abrahampac huauqui Nacorpac shinallatac Milcapac huahuami carca.

GÉNESIS 27:43

Cunanca ñuca huahualla, ñuca nishcata uyai. Haranpi causac ñuca turi Labanpacman cunanllatac miticushpa ri.

GÉNESIS 28:10

Jacobo Beersebamanta llucshishpaca, Harán llactamanmi rirca.

2 REYES 19:12

Ñuca ñaupa taitacunaca Gozán, Harán, Resef pueblocunapi causaccunatapish, Edén llacta Telasar pueblopi causaccunatapish tucuchircami. ¿Shina ruhuacucpica cambac dioscunaca ayudarcachu?

NEHEMÍAS 9:7

Mandac Dioslla, canmi taita Abrahamta acllac Diosca cangui. Caldeocunapac Ur pueblomanta llucchishpami, Abrahamta shutichircangui.

JOB 1:17

Chai runa huillacucllapitacmi shuc runa shamushpaca: —Caldeocuna quimsapi chicanyarishpa shamushpami camellocunata tandachishpa aparincuna. Canta serviccunatapish espadahuanmi huañuchishpa rincuna. Chaita huillangapacmi ñucalla saquirircani— nirca.

ISAÍAS 37:12

Ñucanchic ñaupa taitacuna Gozán, Harán, Resef llactacunapi causaccunatapish, Edén llactapi tiyac Telasar llactapi causaccunatapish tucuchicucpica, ¿maijan dioscuna quishpichi pudircachu?

HEBREOS 11:8

Crishcamantami Abrahampish Dios cayacpica, cazushpa Dios cusha nishca llactaman rirca. Paica maiman ricushcata mana yachashpapish llucshircallami.