GÉNESIS 1:28 - Dios Rimashcata Quillcashcami

²⁸ Dios paicunata bendiciashpaca: «Achcata mirarishpa, achca tucushpa, cai pachapi jundarichic, shinallatac cazuchichic. Mama cuchapi tiyac challuacunatapish, jahuata volac animalcunatapish, tucui cai pachapi tiyac animalcunatapish mandaichic» nirca.

GÉNESIS 1:28 Iomraidhean Croise

GÉNESIS 1:22

Dios chai animalcunata bendiciashpaca: «Achcata mirashpa, achca tucushpa, mama cuchapi jundarichun shinallatac jahuata volac animalcunatapish, cai pachapi achca tucushpa jundarichun» nircami.

GÉNESIS 17:16

Paita bendiciashpami, paimanta cari huahuata canman cusha. Ari, paitaca bendiciashatacmi. Chashna bendiciashca cashpami, llactacunapac mama tucunga. Llactata jatun mandaccunapish paimantami llucshinga— nirca.

GÉNESIS 17:20

Ismaelmantapish uyashcanimi. Riqui, paitapish bendiciashpa mirachishpa, achca gentecunatami ruhuasha. Chaimantami paica chunga ishcai mandaccunapac taita canga. Paimantaca shuc jatun llactatami ruhuasha.

GÉNESIS 24:60

Rebecata bendiciashpaca: «Pani Rebecalla, huaranga huarangapac mamami tucungui. Cambac huahua huahuacunaca piñaccunataca mishashpa, llactacunata japinga» nishpa cacharca.

GÉNESIS 26:24

Chai tuta Mandac Dios paiman ricurishpaca: «Ñucaca, Abrahampac Diosmi cani. Ama manchaichu, ñucaca canhuanmi cani. Ñucata servic Abrahamta cuyashpami, bendiciashpa, cambac huahua huahuacunatapish achcata mirachisha» nirca.

GÉNESIS 33:5

Esaú huichailla huarmicunata, huahuacunata ricushpaca: —¿Paicunaca picunatac?— nirca. Shina nicpimi Jacoboca: —Paicunaca canta servic Jacoboman Dios cushca huahuacunami— nirca.

GÉNESIS 49:25

Cambac taitapac Diosca ayudangami. Imatapish ruhuaclla Diosmi jahua pachamanta tamyachishpa, mama cuchamanta yacu cachashpa, achca huahuacunayucta ruhuashpa bendicianga.

GÉNESIS 5:2

Diosca shuc carita, shuc huarmita ruhuashpami bendiciashpa, chai punzhallatac paicunataca Runata shutichirca.

GÉNESIS 6:1

Gentecuna cai pachapi yallita mirai callarishpami, ushicunatapish charirca. Chai punzhacunami

GÉNESIS 8:17

Canhuan cac tucuilaya animalcunatapish llucchi. Volac animalcunatapish, sacha animalcunatapish, pambata aisarishpa puric animalcunatapish, tucui cai pachata rishpa, mirarishpa achca tucuchun llucchi» nirca.

GÉNESIS 9:1

Diosca Noetapish, paipac churicunatapish bendiciashpaca: «Achca huahuacunayuc tucushpa, mirarishpa, tucui cai pachapi jundarichic.

GÉNESIS 9:7

Ashtahuanpish cancunaca achca mirashpa, achca tucushpa, cai pachapi jundaichiclla» nirca.

1 CRÓNICAS 26:5

suctaniquica Amiel, canchisniquica Isacar, pusacniquica Peultaimi carca. Chai churicunatami Mandac Diosca Obed-odomman bendiciashca carca.

1 CRÓNICAS 4:10

Jabesca israelcunapac Mandac Diosta mañashpaca: «¡Ñuca ima llaquita mana apangapac ñucata bendiciashpa, ñuca llactatapish achcata ruhuaiyari! ¡Cambac maquihuan ima llaquimantapish huacaichiyari!» nishpa mañacpimi, Mandac Diosca pai mañashcata uyarca.

JOB 39:11

¿Chai huagra fuerzasapa cashcamantaca yapungallami yuyanguichu? ¿Tucui trabajota chai huagrahuan tucuchi pudinguichu?

JOB 42:12

Mandac Diosca Jobpac tucuri punzhacunapica punta bendiciashcata yallimi Jobmanca bendiciarca. Chaimantami paica chunga chuscu huaranga ovejata, sucta huaranga camellota, huaranga yunta huagrata, huaranga burrota charirca.

SALMOS 107:38

Diosmi paicunata bendiciashpa yallita mirachin. Paicunapac animalcunapish mana ima tucunchu.

SALMOS 115:16

Jahuamanta ashtahuan jahua pachapish Mandac Diospacmi. Ashtahuanpish cai pachataca paillatacmi huañuclla gentecunaman cushca.

SALMOS 69:34

Jahua pachapish, mama cuchapish, chaipi tucui tiyaccunapish paita alabaichicyari.

SALMOS 8:6

Can ruhuashcacunata mandactamari ruhuarcangui. Tucuitami cambac chaqui ucupi churarcangui.

SALMOS 8:7

Ovejacunata, huagracunata, sacha animalcunata,

ISAÍAS 45:18

Jahua pachatapish, cai pachatapish Diosca sumactami ruhuarca. Yanga tiyachunca mana ruhuarcachu. Ashtahuanpish chaipi causachunmi ruhuarca. Mandac Diosca: «Ñucallami Mandac Dios cani, ashtahuan shuctac Diosca mana tiyanchu.

LEVÍTICO 26:9

Ñucaca cancunata ayudangapac cutimushpami achcata mirachishpa, ñuca ari nishcatapish cancunahuan pactachisha.

1 TIMOTEO 4:3

Chai yachachiccunaca cazaranapish, maijan micunata micunapish mana allichu nincunami. Ashtahuanpish Diosca cashcata yachac criccunamanca paita pagui nishpa micuchunmi, chaicunataca ruhuarca.