GÉNESIS 1:24 - Dios Rimashcata Quillcashcami

²⁴ Chai quipami Diosca: «Allpapica tucuilaya animalcuna, sacha animalcunapish, pambata aisarishpa puric animalcunapish, chaipuralla miranacuchun» nirca. Shina nicpica, chashnatacmi tucurca.

GÉNESIS 1:24 Iomraidhean Croise

GÉNESIS 1:23

Chashnami chishiyashpa, pichcaniqui punzha tucurca.

GÉNESIS 2:19

Mandac Diosca allpamantami tucui cai pachapi causac animalcunatapish, jahuata volac animalcunatapish ruhuarca. Chashna ruhuashpami, shutita churachun, Adanpacman apamurca. Tucui animalcunaca Adán shutichishcami.

GÉNESIS 6:20

Volac animalcunamantapish, sacha animalcunamantapish, pambata aisarishpa puric animalcunamantapish chaipuralla ishcai ishcaita yaicuchingui. Chashna yaicuchicpimi, canhuan causaita charinga.

GÉNESIS 7:14

Paicunapish, sacha animalcunapish, charina animalcunapish, pambata aisarishpa puric animalcunapish, volac animalcunapish chaipurallami yaicurca.

GÉNESIS 8:19

Tucui animalcunapish llucshircami. Chaica volac animalcunapish, pambata aisarishpa puric animalcunapish, chaipurami huambuc huasimanta llucshirca.

JOB 39:1

¿Canca sacha chivocuna mashna quillapi huachacta yachanguichu? ¿Canca taruga huachacucta ricushcanguichu?

JOB 39:19

¿Canchu caballocumanca fuerzata curcangui? ¿Canchu paipac cungapi tiyac millmataca churarcangui?

JOB 39:5

¿Pitac sacha burrotaca cacharishca purichun churashca canga? ¿Pitac chai animaltaca mana huatana animalta ruhuashca canga?

JOB 39:9

¿Sacha huagraca trabajashpa canta servingachu? ¿Cambac huasipi pacaringachu?

JOB 40:15

Huagra shina quihuata micuc Behemot animaltaca canta shinallatacmi ruhuarcani.

SALMOS 104:18

Jatun urcucunataca sacha chivocuna causanatami ruhuashcangui. Rumi quingraicunataca conejocuna huachanatami ruhuashcangui.

SALMOS 104:23

Runacunaca imatapish ruhuangapac llucshishpaca, tutayangacamanmi trabajancuna.

SALMOS 148:10

charina animalcunapish, sacha animalcunapish, aisarishpa puric animalcunapish, alasyuc animalcunapish,