GÉNESIS 1:21 - Dios Rimashcata Quillcashcami

²¹ Diosca mama cuchapi jatun manchana animalcunatapish, tucui causaiyuc animalcunatapish ruhuarcami. Yacupi causac animalcunapish, volac animalcunapish miranacuchunmi chaipurallata ruhuarca. Diosca chaitaca alli cashcatami ricurca.

GÉNESIS 1:21 Iomraidhean Croise

GÉNESIS 1:18

Chaicunataca punzhapish, tutapish achicyachichun, shinallatac amsamanta achicta chicanyachichunmi ruhuarca. Diosca chaitaca alli cashcatami ricurca.

GÉNESIS 1:20

Chai quipami Diosca: «Yacupi causac animalcunapish tiyachun, jahuata volac animalcunapish chicanyachishca jahua pachapi tiyachun» nirca.

GÉNESIS 1:22

Dios chai animalcunata bendiciashpaca: «Achcata mirashpa, achca tucushpa, mama cuchapi jundarichun shinallatac jahuata volac animalcunatapish, cai pachapi achca tucushpa jundarichun» nircami.

GÉNESIS 1:25

Diosca allpapi tiyac sacha animalcunatapish, pambata aisarishpa puric animalcunatapish, charina animaltapish chaipurallatami ruhuarca. Diosca chaitaca alli cashcatami ricurca.

GÉNESIS 1:31

Diosca tucui pai ruhuashcacunataca mai alli cashcatami ricurca. Chashnami chishiyashpa, suctaniqui punzha tucurca.

GÉNESIS 2:19

Mandac Diosca allpamantami tucui cai pachapi causac animalcunatapish, jahuata volac animalcunatapish ruhuarca. Chashna ruhuashpami, shutita churachun, Adanpacman apamurca. Tucui animalcunaca Adán shutichishcami.

GÉNESIS 6:20

Volac animalcunamantapish, sacha animalcunamantapish, pambata aisarishpa puric animalcunamantapish chaipuralla ishcai ishcaita yaicuchingui. Chashna yaicuchicpimi, canhuan causaita charinga.

GÉNESIS 7:14

Paicunapish, sacha animalcunapish, charina animalcunapish, pambata aisarishpa puric animalcunapish, volac animalcunapish chaipurallami yaicurca.

GÉNESIS 8:17

Canhuan cac tucuilaya animalcunatapish llucchi. Volac animalcunatapish, sacha animalcunatapish, pambata aisarishpa puric animalcunatapish, tucui cai pachata rishpa, mirarishpa achca tucuchun llucchi» nirca.

GÉNESIS 8:19

Tucui animalcunapish llucshircami. Chaica volac animalcunapish, pambata aisarishpa puric animalcunapish, chaipurami huambuc huasimanta llucshirca.

GÉNESIS 9:2

Cai pachapi tiyac tucui animalcunami manchashpa chucchunga. Volac animalcunapish, allpapi causacuc animalcunapish, mama cuchapi causac challuacunapish cancunapac maquipimi canga.

GÉNESIS 9:7

Ashtahuanpish cancunaca achca mirashpa, achca tucushpa, cai pachapi jundaichiclla» nirca.

JOB 12:7

Shina cashpaca, animalcunaman tapuichicyari. Paicunaca yachachingami. Jahuata volac animalcunaman tapuichicyari. Paicunaca ricuchingami.

JOB 26:5

Huañushcacunaca allpa ucupimi chucchucun. Mama cucha yacupish, chaipi tiyaccunapish chucchunmi.

JOB 7:12

Ñucata cuidachun churachunca, ¿Ñucaca mama cuchachu cani? ¿Mana cashpaca mama cuchapi tiyac manchana animalchu cani?

SALMOS 148:7

Cai pachapi causaccunamanta callarishpa, mama cuchapi tiyac manchana animalcunapish, ucuman tiyac jatun yacucunapish, Mandac Diosta alabaichicyari.

ÉXODO 1:7

Ashtahuanpish israelcunaca mirarishpa achcayashpami, tucui llactacunapi jundashpa, sinchi tucurca.

ÉXODO 8:3

Jatun yacupica sapocunaca yallitami miranga. Chaimanta llucshishpami, can mandashpa tiyana huasimanpish, can sueñuna ucumanpish yaicunga. Cambac cama jahuapipish, canta serviccunapac huasipipish, hornocunapipish, tandata ruhuana bateacunapipishmi jundanga.

EZEQUIEL 32:2

«Huañunalla runa, Egipto llactata jatun mandac Faraón llaqui tucunamanta llaquipi cantanata cantashpa: “Canca shuctac llactacunapacca león shinami cangui. Mama cuchapi causac dragón shinami cangui. Canca jatun yacucunatapish cuyuchircanguimi. Chaquihuanmi callpacuc yacucunata mapayachishpa, yacu patataca turuyachircangui.

JONÁS 1:17

Ashtahuanpish Mandac Diosca Jonasta micuchunca, shuc jatun challuatami cacharca. Jonasca chai challuapac huicsa ucupimi quimsa punzha, quimsa tuta carca.

JONÁS 2:10

Mandac Dios challuata Jonasta allpaman llucchichun nicpica, llucchi shitarcallami.

SAN MATEO 12:40

Ima shinami Jonás quimsa tutata, quimsa punzhata shuc jatun challuapac huicsapi carca, chashnallatacmi Runa Tucungapac shamushca ñucaca, quimsa tutata, quimsa punzhata allpa ucupi casha.