GÉNESIS 1:16 - Dios Rimashcata Quillcashcami

¹⁶ Diosca ishcai jatun achicyachiccunatami ruhuarca. Shuc jatun achicyachictaca punzha achicyachichun, uchilla achicyachictaca tuta achicyachichunmi ruhuarca. Shinallatac lucerocunatapish ruhuarcami.

GÉNESIS 1:16 Iomraidhean Croise

GÉNESIS 1:15

Cai pachata achicyachichunca jahua pachapi shuc achicyachic tiyachun» nirca. Shina nicpica, chashnatacmi saquirirca.

JOB 31:26

inti achicyachicpi, quilla achicyachicpi, chapashca cashpa,

JOB 38:7

pacaric lucerocuna tandanacushpa cantacucpi, Diospac churicuna cushicushpa caparicucpica, ¿maipitac carcangui?

SALMOS 148:3

¡Intipish, quillapish alabaichicyari! ¡Achic nicuc lucerocunapish alabaichicyari!

SALMOS 148:5

Mandac Dios mandacpimi, tucui imapish ruhuarirca. Chaimanta paipac shutita alabaichicyari.

SALMOS 19:6

Paica jahua pacha shuc ladomantami llucshin. Shina llucshishpaca caishuc lado jahua pachatami tigran. ¡Paipac rupachicmantaca imapish mana miticui pudinchu!

SALMOS 74:16

Punzhapish, tutapish cambacmi. Intitapish, quillatapish canmi churarcangui.

SALMOS 8:3

Jahua pachata ricushpaca quillatapish, lucerocunatapish cambac maquihuan ruhuashcatami ricuni.

ISAÍAS 13:10

Jahua pacha lucerocunapish, tandanacushca lucerocunapish, quillapish mana achicyachingachu. Intipish llucshishcahuanmi amsayanga.

ISAÍAS 24:23

Quillapish pingangami, intipish musparingami. Chaica tucuita Mandac Diosmi Sión urcupi tiyac Jerusalenpi mandacunga. Pai acllashca pushac yuyaccunapac ñaupapimi sumaimana achic nicuc tiyacunga.

ISAÍAS 40:26

Cai tucuita ruhuashcata cancunapac ñahuita alzashpa ricuichic. Paimi tucui ima tiyashcatapish yupashpa yachan. Paimi tucuita shutipi cayan. Pai cayacpica, shucllapish mana illangachu. Paica, chashna tucuita ruhuai pudic cashpami, tucuita mandan.

ISAÍAS 45:7

Ñucami punzhatapish, amsatapish ruhuani. Ñucami cushi causaitapish, llaqui causaitapish cuni. Mandac Dios ñucami tucui caicunata ruhuarcani.

JEREMÍAS 31:35

Punzhanta achicyachic intita tutanta achicyachic quillata, lucerocunata churac, mama cuchata cuyuchic tucuita Mandac Diosca:

HABACUC 3:11

Cambac flechacunaca achicyachinmi, cambac achic nicuc lanzapish ricurinmi, Intipish, quillapish shayarinmi.

SAN MATEO 24:29

Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

SAN MATEO 27:45

Chaupi punzhamanta quimsa horas chishicamanmi, tucui cai pachaca amsayarca.

1 CORINTIOS 15:41

Intica mana quilla shina, mana lucerocuna shinachu achicyachin. Lucerocunapuramantapish shuctac shuctaclayatami achicyachin.

DEUTERONOMIO 4:19

Pacta jahua cielota ricushpa, intita, quillata, lucerocunata, tucui jahua cielopi tiyashcata ricushpa cungurishpa adoranguichicman. Chaicunataca Mandac Diosmi tucui cai pachata achicyachichun ruhuarca.

APOCALIPSIS 21:23

Chai pueblotaca Dios pai sumaimana cashcahuan, shinallatac Pactalla Oveja lámpara shina achicyachicucpimi, intipish, quillapish achicyachingapacca mana tiyana carca.