GÉNESIS 1:12 - Dios Rimashcata Quillcashcami

¹² Chashna nicpica, chashnami allpapica verdinlla quihuapish, imalaya pucuc quihuapish, muyuta cuc yurapish huiñashpa pucurca. Chashnami imalaya muyupish chai yuracunapi tiyarca. Diosca chaitaca alli cashcatami ricurca.

GÉNESIS 1:12 Iomraidhean Croise

GÉNESIS 1:11

Chai quipami Diosca: «Cai allpapica granota, muyuta pucuc tucuilaya quihuacunapish, yuracunapish huiñachun» nirca. Shina nicpica, chashnatacmi saquirirca.

GÉNESIS 1:13

Chashnami chishiyashpa, quimsaniqui punzha tucurca.

SALMOS 104:14

Canmi animalcunamanca quihuata, gentecunamanca micunata pucuc chagracunata huiñachingui.

ISAÍAS 61:11

Mandac Diosca allpapi huiñac yura shina, huertapi muyu urmashpa, llucshic shinami cashcata ruhuanatapish, alli nishca canatapish tucui llactacunapi ricuchinga.

MARCOS 4:28

Allpaca, paillami granota ricuchin. Chaica, puntaca pangacunarac ricurin. Quipaca espiga ricurin, cutin espigapica grano ricurin.

SAN LUCAS 6:44

Yuraca pucushpami ima yura cashcata ricuchin. Higoca, mana casha yurapi pucunchu. Uvaspish chini yurapica mana pucunchu.

2 CORINTIOS 9:10

Muyutapish tarpuchun cuc, micunatapish carac Diosllatacmi cancunamanca tucui ima illashcataca cunga. Shinallatac cancuna shuccunaman carachunmi allpapipish achcata pucuchinga. Cancuna cashcata ruhuashcaca mirachishcami canga.

GÁLATAS 6:7

Ama llullanacuichicchu. Diostaca pipish mana llullashpa crichinchu. Pipish imata ruhuashcamantaca chaillatatacmi japinga.

HEBREOS 6:7

Allpaca achca tamya urmacpica, yacuta sungashpa trabajac runaman alli granota pucushpa cunmi. Chashnami Dios bendiciashcata japincuna.