GÁLATAS 6:8 - Dios Rimashcata Quillcashcami

⁸ Maijanpish millai munaita ruhuacca, chai millaita ruhuashcamantami huañuita japinga. Ashtahuanpish Diospac Espíritu munashcata ruhuacca, Diospac Espiritumantami huiñai causaita japinga.

Nuevo Testamento en Quichua Cañar 1996

⁸ Maijanpish millai munaita ruhuashpa mana allita ruhuacca, chai mana allita ruhuashcamantami huañuita japinga. Ashtahuanpish Diospac Espíritu munashcata ruhuacca, Diospac Espiritumantami huiñai causaita japinga.

GÁLATAS 6:8 Iomraidhean Croise

JOB 4:8

Mana allita tarpuccunaca mana allillatatac cosechactami ricushcani.

PROVERBIOS 11:18

Diosta mana manchac runa trabajashpa imata japishcaca yangallami. Ashtahuanpish tarpuc shina cashcata ruhuac runaca mana tucuriclla allicunatami japinga.

PROVERBIOS 22:8

Tarpuc shina mana allita ruhuacca mana allitatacmi tandanga. Paitaca varahuanmi tucuchinga.

ECLESIASTÉS 11:6

Tutamanta muyuta tarpushpaca, chishipish tarpunguilla, ama samaringuichu. Punta tarpushca, mana cashpaca quipa tarpushca, mana cashpaca ishcaita alli canataca mana yachanguichu.

ISAÍAS 32:20

tucui yacu patapi tarpuccuna huagrata, burrota cacharishpa michiccunapish cushicuichicyari.

JEREMÍAS 12:13

Trigota jichashpaca, cashatami cosecharca. Paicuna allpapi shaicushpa trabajashcaca yangami carca. Ñuca nina japiric shina, yallita piñarishcamantami paicuna cosechacushpaca pingai tucunga» nirca.

OSEAS 10:13

Cancuna tarpuc shina mana allita ruhuashpaca, mana allitami cosecharcanguichic. Shinallatac imapish pucushcata micuc shinami llullashcanguichic. Cancunaca, cancunapac ruhuashcapi, achca sinchi runacunapimi shunguta churashpa causashcanguichic.

OSEAS 8:7

Paicunaca huairata tarpushpaca acapana huairatami cosechanga. Ima cosechanapish mana tiyangachu. Trigopish cutachingapac mana tiyangachu. Trigo pucucpipish, caru llacta runacunami micunga.

SAN MATEO 19:29

Maijanpish ñucata catingaraicu huasita, huauquicunata, panicunata, taita mamata, huarmita, huahuacunata, allpata saquicca, chaicunamanta patsac yallihuanmi japinga. Huiñai causaitapish japingami.

SAN MATEO 25:46

Paicunaca jaicapi mana tucuric, jatun llaquimanmi ringa. Ashtahuanpish cashcata ruhuaccunaca, huiñai causaimanmi ringa— nirca.

SAN LUCAS 18:30

cai pachapica achcatami charinga. Shamuc punzhapica huiñai causaitami chasquinga. Chaica chashnatacmi canga— nirca.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

SAN JUAN 4:36

Granota tandacca, pagota charinmi. Chai tandashca granoca huiñai causaipacmi. Chaimantami granota tandacca tarpuc-huan cushicunga.

SAN JUAN 6:27

Cancunaca ama chingariclla micunata mashcaichicchu, ashtahuanpish huiñai causaita cuc micunata mashcaichic. Chai micunataca Runa Tucungapac shamushca ñucallami cusha. Chaita cuchunmi Diosca ñucataca cacharca— nirca.

ROMANOS 13:14

Chaipac randica, Apunchic Jesusta churanata churaric shina, paihuan millaita mishaichic. Ashtahuanpish ama cai pacha jucha munashcata ruhuaichicchu.

ROMANOS 6:13

Ama cancunapac cuerpo ima mana allicunata ruhuachun saquinguichicchu. Chaipac randica huañushcacunapuramanta causarishca shina, Diospacllata ruhuachun paillaman cuichic. Cancunapac cuerpotaca Diospacta ruhuachun saquichic.

ROMANOS 6:23

Juchamanta japinaca, huañuimi. Ashtahuanpish Diosca Apunchic Jesucristomantami huiñai causaita yanga cun.

ROMANOS 8:11

Jesusta causachic Diospac Espíritu cancunapi causacucpica, Diosllatacmi cancunapi cac Espirituhuan cancunapac cuerpota causachinga.

ROMANOS 8:13

Chashna causacushpaca huañunguichicmi. Ashtahuanpish Diospac Espíritu munashca shina causashpaca, jucha munaita chingachishpa causanguichicmi.

ROMANOS 8:6

Jucha munashcata ruhuashpa causaccunaca huañuitami japinga. Ashtahuanpish Diospac Espíritu yuyaita cushca causaccunaca, cushi causaitami charinga.

1 CORINTIOS 15:42

Chai shinallatacmi huañushcacunapish causaringa. Ismuclla cuerpohuan enterrarishpaca, mana ismuclla cuerpohuanmi causaringa.

GÁLATAS 6:7

Ama llullanacuichicchu. Diostaca pipish mana llullashpa crichinchu. Pipish imata ruhuashcamantaca chaillatatacmi japinga.

1 TIMOTEO 1:16

Jesucristo llaquic cashcata ricuchunmi, yallita ñuca juchayuc cacpipish, Diosca ñucata llaquirca. Chashnami maijanpish Jesusta crishpa huiñai causaita japina cashcata ricuchingapac ñucataca acllarca.

TITO 3:7

Dios yallita cuyashpami, paihuan alli tucushpa, ñucanchic shuyacushca huiñai causaita japichun chashnaca ruhuarca.

SANTIAGO 3:18

Maijanpish sumac causaita causachun munaccunaca, allita tarpushpa tandac shinami, cashcata ruhuashpa causanata japingacuna.

2 PEDRO 2:12

Chai pandata yachachiccunaca imatapish mana entendishpami mana allichu nishpa rimancuna. Chashna cashpami ima shinapish causashpa, japishpa huañuchina animalcuna shina causashpa huañungacuna.

2 PEDRO 2:19

Paicunallatac mana alli causaipi huatashca shina cashpapish, shuccunata huatashca shina causaimanta cacharichishun nincunami. Maijanpish paita aticpica, chai aticpami huatashca shina tucun.

SAN JUDAS 1:21

Cancunata Dios cuyacushcamantaca ama anchurichicchu. Shinallatac ñucanchic Apunchic Jesucristo llaquishpa, ñucanchicman huiñai causaita cuna punzhata shuyacuichiclla.

APOCALIPSIS 22:11

Mana allita ruhuaccunaca chashnallatac ruhuashpa catichun, millanayaita ruhuaccunaca chashnallatac ruhuashpa catichun saquinguilla. Cutin allita ruhuaccunaca chashnallatac allita ruhuashpa catichun, shinallatac Diospaclla caccunapish Diospaclla causashpa catichun saquinguilla— nirca.