GÁLATAS 6:1 - Dios Rimashcata Quillcashcami

¹ Cuyashca criccuna, cancunapuramanta maijan juchapi urmashcata ricushpaca, pai allichirichunmi Diospac Espíritu yuyaita cushca causaccunaca cuyac shunguhuan ayudana canguichic. Pacta canpish chai shina tucunguiman.

Nuevo Testamento en Quichua Cañar 1996

¹ C'uyashca criccuna, cancunapuramanta maijan juchapi urmashcata ricushpaca, pai allichirichun Diospac Espíritu yuyaita cushca causaccunaca ayudanami canguichic. Chashna ayudashpaca, c'uyac shunguhuan sumacta ayudangui. Pacta canpish chai shina tucunguiman.

GÁLATAS 6:1 Iomraidhean Croise

2 SAMUEL 11:2

Shuc punzha ña chishiyanatami Davidca camamanta jatarishpa, pai mandana huasi alto pambapi puricushpa shuc huarmi armaricucta ricurca. Chai huarmica alajami carca.

SALMOS 141:5

Cashcata ruhuac runa ñucata llaquichishpaca allimi canman. Shina cashpapish millaita ruhuaccunapac aceiteca ama ñuca umapi churashca cachun. Ñucaca punzhantami mana allita ruhuashcacunata piñashpa mañacushalla.

EZEQUIEL 34:16

Caita, chaita rishcacunatapish, chingarishca ovejacunatapish ñucallatacmi mashcashpa corralman cutichimusha. Chaqui paquicunataca huatachishami, irquiyashcacunataca sinchiyachishami. Ashtahuanpish huira ovejacunataca tucuchishami. Ñucaca cashcata ruhuashpami michisha.

SAN MATEO 11:29

Yugota apac shina, ñucata catichic, ñucamanta yachacuichic. Ñucaca mana piñaric, alli shungumi cani. Samaringuichicmi.

SAN MATEO 26:69

Pedro canzha pambapi tiyacucpimi, shuc servic huarmi cuchuyashpaca: —Canpish Galilea llactamanta Jesus-huan puricmi cangui— nirca.

SAN MATEO 26:75

Chaipimi Pedroca, Jesús: «Manarac gallo cantacpimi, quimsa cutin negangui» nishcata yuyarirca. Chaimantami Pedroca canzhaman llucshishpa, yallita llaquirishpa huacarca.

SAN MATEO 9:13

Diosca: “Animalcunata ñucaman cushpa rupachinapac randica, shungumanta llaquiccuna cachunmi munani” ninmi. Ñucaca cashcata ruhuaccunataca mana cayac shamurcanichu, ashtahuanpish juchayuccunatami llaquirishpa Diosman cuti richun cayac shamurcani— nirca.

ROMANOS 14:1

Manarac sinchi criccunata chasquishpaca, ama caita chaita ninguichicchu.

ROMANOS 15:1

Ñucanchic sinchi criccunaca manarac sinchi criccuna pandaricpipish ayudanami canchic. Mana quiquinlla alli canata munanachu.

ROMANOS 8:6

Jucha munashcata ruhuashpa causaccunaca huañuitami japinga. Ashtahuanpish Diospac Espíritu yuyaita cushca causaccunaca, cushi causaitami charinga.

1 CORINTIOS 10:12

Chaimanta pipish ama “allimi cani” nichun, pacta pairac urmanman.

1 CORINTIOS 14:37

Maijanpish “Dios ima nishcata huillacmi cani” nicca, mana cashpaca “Diospac Espirituhuanmi cani” nicca, cai ñuca quillcashcaca Apunchic Jesús mandashca cashcata yachachun.

1 CORINTIOS 2:15

Ashtahuanpish Diospac Espiritumanta yachanata munacca alli cashcatapish, mana alli cashcatapish yachanmi. Paitaca pi mana juchanchi pudinchu.

1 CORINTIOS 3:1

Cuyashca criccuna, Cristomanta huillashpaca, Diospac Espíritu yuyaita cushca gentecunaman shinaca mana huillarcanichu, ashtahuanpish manarac Cristota alli cric, cai pacha jucha munashcata ruhuac criccunamanmi huillarcani.

1 CORINTIOS 4:21

Ñuca cancunapacman shamushpaca, ¿llaquichingapac, mana cashpaca alli shunguhuan, cuyaihuan shamuchunchu munanguichic?

1 CORINTIOS 7:5

Chaimanta caishucpish, chaishucpish ama misarinacuichicchu. Shina cashpapish Diosta tucui shunguhuan mañangapacca, ishcaindita yuyarinacushpami, asha punzhacunacaman chayarinataca saquina canguichic. Chai quipaca Satanás huainayana yuyaita ama cuchun tandaringuichiclla.

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa rimarini nicucpipish, Cristo llaquishpa cuyashcamantami cashna mañani:

2 CORINTIOS 2:7

Cunanca perdonaichic shinallatac cushichichic. Mana chashna ruhuacpica, caita chaita yuyashpami, yalli llaqui tucunga.

2 CORINTIOS 2:8

Chaimanta cutinllatac paita cuyaccuna cashcata ricuchichic nini.

GÁLATAS 5:23

mana jatun tucuccunami, shinallatac mana allimanta jarcariccunami. Chashna causaccunataca mana allichu nic mandashcaca mana tiyanchu.

GÁLATAS 6:18

Cuyashca criccuna, ñucanchic Apunchic Jesucristoca paipac sumaimana cuyaita tucui cancunaman cushca cachun ninchicmi. Chashna cachun.

1 TESALONICENSES 4:1

Cuyashca criccuna, ñucanchic yachachishca shina Dios munashcata ruhuashpa causaichic. Shinallatac punzhanta Dios munashca shina causachunmi Apunchic Jesuspac shutipi mañanchic.

2 TESALONICENSES 3:15

Shina cacpipish ama piñaichicchu, ashtahuanpish shuc huauquita shina cunashpa rimangui.

2 TIMOTEO 2:25

Piñaccunatapish cuyai shunguhuanmi yachachina can. Chashna yachachicpi Dios paiman cutirina yuyaita cucpi, cashcata nic huillashcata cringacunapishchari.

HEBREOS 12:13

Huishtu chaquicuna alliyashpa, ama ashtahuan anchayachun, recto chaqui ñancunata ruhuaichic.

HEBREOS 13:3

Cancunapish carcelpi cashca shinallatac, carcelpi caccunata yuyaringuichic. Llaquihuan caccunataca cancunapish llaquihuan cashca shina yuyaichic.

SANTIAGO 3:13

Cancunapuramanta maijan alli yachac, yuyaisapa cashpaca, imatapish allita ruhuashpa, mana piñaric alli shungu tucushpa, yachac cashcataca ricuchichic.

SANTIAGO 3:2

Tucuimi tauca cutin imapipish pandarinchic. Maijan imata rimashpa mana pandaricca, mana juchanchipac alli runami. Chashnaca, paipac cuerpotapish ima mana allimantaca jarcarinmi.

1 PEDRO 3:15

Chaipac randica “Cristoca ñucanchic Mandacmi” nishpa, cancunapac shungupi alli nichic. Cancuna imata japina cashcata shuyacushcamanta maijan tapucpipish, huillangapac allichirishca caichic.

1 JUAN 5:16

Maijanpish shuc huauqui mana huañuiman apacuc juchata ruhuacta ricushpaca, paimanta Diosta mañanami can. Chashna mañacpica, Diosca causaita cungami. Mana huañuiman apacuc juchata ruhuaccunamantami chashnaca mañana can. Huañuiman apacuc juchacunapish tiyanmi. Chaita ruhuaccunamantaca mana mañachun ninichu.