GÁLATAS 5:5 - Dios Rimashcata Quillcashcami

⁵ Shina cacpipish ñucanchic crishcallamanta, shinallatac Diospac Espíritu imatapish ruhuaclla cashcamantaca, Dios-huan alli tucuna yuyaillami canchic.

Nuevo Testamento en Quichua Cañar 1996

⁵ Shina cacpipish ñucanchic crishcallamanta, shinallatac Diospac Espíritu imatapish ruhuaclla cashcamantaca, Taita Dioshuan alli tucuna yuyaillami canchic.

GÁLATAS 5:5 Iomraidhean Croise

GÉNESIS 49:18

¡Mandac Dioslla, can quishpichichunmi shuyacuni!

SALMOS 130:5

Ñucaca tucui almahuanmi Mandac Diosta shuyacuni. Pai rimashca pactachunmi shuyacuni.

SALMOS 25:3

Maijanpish canpi shunguta churaccunaca mana pingaichishcachu canga. Llullashpa cambac contra jatariccunami pingaichishca canga.

SALMOS 25:5

Ñucata quishpichic Dioslla, cantami punzhanta shuyani. Cashcata ruhuanata yachachic ñanpi churashpa yachachiyari.

SALMOS 62:5

Ñuca almaca Diosllahuanmi samarin. Paillatami shuyacuni.

OSEAS 12:6

Cancunaca Mandac Diospacman cutirishpa llaquiccunapish, cashcata ruhuaccunapish caichic. Tucui causaipi Mandac Diosllata yuyarishpa causaichic.

ROMANOS 5:21

Ima shinami juchaca cai pachaman yaicushpa tucuita huañuiman aparca, chai shinallatacmi Diosca cuyashpa, Apunchic Jesucristomanta chasquishpa, huiñai causaita cunga.

1 CORINTIOS 1:7

Shina cacpimi, Apunchic Jesucristo cutimunata cancuna shuyacuccunamanca, Dios cushcacunaca imapish mana illanga.

EFESIOS 2:18

Jesucristomantami israelcuna cashpa, mana israelcuna cashpapish, Diospac Espiritullatac yuyachishca shina Diospacman cuchuyanata pudinchic.

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Diosca paihuan alli tucuchun ñucataca chasquirca.

1 TESALONICENSES 1:10

Shinallatac huañushcacunapuramanta Dios causachishca quishpichic Jesucristo jahua pachamanta shamunata shuyacushcatapish, Dios piñarishpa llaquichimanta pai quishpichic cashcatapish parlancunami.

2 TESALONICENSES 3:5

Dios cuyac shina cancunapish cuyac cachun, shinallatac Cristo shina cuyac shunguhuan llaquita apac cachunmi, Apunchic Jesusmanca mañanchic.

2 TIMOTEO 4:8

Cunan punzhamanta pachami cashcata ricuchic, ñucaman cuna cashca coronata Diosca charicun. Chaitaca cashcata ruhuashpa taripac Apunchic Jesucristomi, taripana punzhapi, mana ñucallaman ashtahuanpish tucui pai cutimuna punzhata cuyaihuan shuyaccunaman cunga.

TITO 2:13

shinallatac ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactana cashcata shuyanata yachachicun.