GÁLATAS 3:10 - Dios Rimashcata Quillcashcami

¹⁰ Mandashcacunata pactachishpalla Dios alli tucusha niccunaca jatun llaquitami apangacuna. Dios quillcachishcapica: «Mandashcacunata mana tucui allita pactachictaca, llaquichingapac chicanyachishcami canga» ninmi.

Nuevo Testamento en Quichua Cañar 1996

¹⁰ Dios quillcachishcapica: “Mandashcacunata mana tucui allita pactachictaca, llaquichingapac ch'icanyachishcami canga” ninmi. Chaimantami maijanpish Moisés mandashcacunata pactachishpalla Taita Dioshuan alli tucusha nictaca, llaquichingapac ch'icanyachishca canga.

GÁLATAS 3:10 Iomraidhean Croise

GÉNESIS 4:11

Cunanca, canca cambac huauquita huañuchishpa, pambapi yahuarta jichashcamantaca mana alli nishcami cangui. Cai allpami shimita pascac shina, cambac huauquipac yahuartaca chasquirca. Chaimantami cai allpamanta llucchishpa cachashca cangui.

ISAÍAS 43:28

Chaimantami ñucapaclla huasipi mandaccunataca cumurichircani. Jacobopac huahua huahuatapish llaquipi churashpa, israelcunataca yangallata ruhuarcani.

JEREMÍAS 11:3

Israelcunata Mandac Diosca: “Ñucahuan ari nishcata mana cazuc runaca mana alli nishcami canga.

JEREMÍAS 32:23

Paicunaca chai llactaman yaicumushpa, chai allpata japishpapish can rimashcataca mana uyashun nircachu. Can mandashcacunatapish mana pactachircachu. Shinallatac imata ruhuachun nishcatapish mana ruhuarcachu. Chaimantami cai tucui llaquicunahuan paicunata llaquichishcangui.

EZEQUIEL 18:4

Riquichic, taitapish, churicunapish ñucapacmi. Maijanpish juchayuc runami huañunga.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

ROMANOS 4:15

Mandashcacunata mana pactachicpica, Diosca llaquichingami. Mandashcacuna mana tiyacpica, pipish mana juchanchishcachu canga.

ROMANOS 6:23

Juchamanta japinaca, huañuimi. Ashtahuanpish Diosca Apunchic Jesucristomantami huiñai causaita yanga cun.

ROMANOS 8:7

Juchata ruhuana yuyailla caccunaca Diostaca piñanmi. Paicunaca Dios mandashcacunata mana cazuncunachu, mana cazui pudincunachu.

2 CORINTIOS 3:7

Chingarina cashcata ricuchic, tabla rumipi quillcashca mandashcata Dios Moisesman cushpaca, pai sumaimana cashcahuanmi achicyachirca. Chashna achicyachicpimi, israelcunaca Moisespac ñahuitaca mana ricui pudircacuna.

GÁLATAS 2:16

Shina cacpipish Moisés mandashcacunata pactachishcallamantaca, Diosca pitapish mana paihuan alli tucuchun chasquinchu, ashtahuanpish Jesucristota crishcallamantami paihuan alli tucuchun chasquin. Chaitaca yachanchicmi. Chaimantami ñucanchicpish mana Moisés mandashcacunata pactachishcallamanta, ashtahuanpish Jesucristota crishcallamanta Dios-huan alli tucushca cangapac crishcanchic.

DEUTERONOMIO 27:26

Cutin: “¡Cai mandashcapi ima nishcacunata mana cazushpa, mana pactachicca, llaqui tucushca cachun!” nicpica, tucui gentecunami: “¡Chashna cachun!” ninga.

DEUTERONOMIO 29:20

Mandac Diosca chashna mana alli ruhuactaca mana perdonangachu. Ashtahuanpish nina rupashpa cushnicuc shina piñarishpa, paipaclla cachun munashpa, cai libropi sinchita nicushca shinami llaquichinga. Chashnami cai pachamanta chai runapac shutitaca chingachinga.