ÉXODO 9:29 - Dios Rimashcata Quillcashcami

²⁹ Shina nicpimi Moisesca: —Cai llactamanta llucchishcahuanmi maquita huichaiman alzashpa, Mandac Diosta mañasha. Chashna mañacpica, relampapish jarcaringami, rundupish mana urmangachu. Chashna tucucpimi, cai allpaca, Mandac Diospac cashcata yachangui.

ÉXODO 9:29 Iomraidhean Croise

1 REYES 8:22

Shina nishca quipami Salomonca Mandac Diospac altar ñaupapi shayarishpa, tucui tandanacushca israelcuna ñaupapi jahuaman maquita chutashpaca:

1 REYES 8:38

Shina tiyacpica maijan shuclla cashpa, mana cashpaca can acllashca tucui israelcuna cashpa, paicuna llaqui tucushcata, mana cashpaca imapish ungüi japishcata yachashpami, cai huasiman maquita chutashpa canta mañangacuna.

ESDRAS 9:5

Animalta Diosman cushpa rupachina horasllatacmi sinchiyashpa, ucu churanapish, jahua churanapish lliquirishca, cungurishpa ñucata Mandac Diosman maquita chutashpa,

JOB 11:13

Cambac shungupi allichirishpaca cambac maquita paipacman chutai pudinguimi.

SALMOS 135:6

Mandac Diosca jahua pachapipish, cai pachapipish, mama cuchatapish, chaipi tucui tiyaccunatapish, yacucunapipish pai munashcatami ruhuan.

SALMOS 143:6

Chaita yuyarishpami cambacman ñuca maquicunata chutani. Ñuca almaca chaquishca allpa tamyata shuyac shinami canta shuyacun.

SALMOS 50:12

Tucui cai pachapish, chaipi tucui ima tiyacpish ñucapacmi. Chaimantaca yarcaihuan cashpapish, canmanca mana mañaimanchu.

ÉXODO 19:5

Cancuna ñuca nishcata cazushpa, ñucahuan ari nishcata pactachishpaca, tucuimanta yalli valishca ñucapaclla gentecunami canguichic.

ÉXODO 20:11

Ñucaca Mandac Diosmi cani. Ñucaca sucta punzhapimi jahua pachatapish, cai pachatapish, mama cuchatapish, chaipi tucui ima tiyashcatapish ruhuarcani. Ashtahuanpish canchisniqui punzhapica samarircanimi. Chaimantami ñucaca chai punzhataca bendiciashpa, ñucapacllata ruhuarcani.

ÉXODO 8:22

Chashna cacpipish, chai punzhallatacmi ñuca acllashcacuna causana Gosén llactata chicanyachishpa, chaimanca shuc chuspillapish mana yaicuchun saquisha. Chashna ruhuacpimi, cai llactapica Mandac Dios ñuca causacushcata yachanguichic.

ÉXODO 8:6

Chaimantami Aaronca tucui Egipto llacta yacucuna jahuata paipac varata chutarca. Shina ruhuacpica, sapocuna yacumanta llucshishpami, tucui Egipto llactapi jundarca.

ÉXODO 9:33

Moisés Faraonpacmanta rishpa, chaimanta llucchishpaca maquita alzashpami, Mandac Diosta mañarca. Shina mañacpica, relampapish, rundupish, tamyapish ña mana ashtahuan umarcachu.

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

1 CORINTIOS 10:26

Chaica, cai pachapish, tucui cai pachapi tiyashcapish Mandac Diospacmi.

1 CORINTIOS 10:28

Shina cacpipish maijan: «Caica animalta huañuchishpa, ruhuashcalla diosman cushcami» nicpica, ama micuichicchu. Chai huillac runamantapish, yuyaipi mana cushilla cashcamantapishmi mana micuna cangui.

DEUTERONOMIO 10:14

Riquichic, jahua pachapish, ashtahuan jahuaman cac pachapish, cai pachapish, chaipi tucui tiyaccunapish Mandac Diospacmi can.