ÉXODO 8:32 - Dios Rimashcata Quillcashcami

³² Chashna tucucpipish, Faraonca sinchi shungu tucushpami, cutinllatac Dios acllashcacuna richunca mana saquirca.

ÉXODO 8:32 Iomraidhean Croise

ÉXODO 4:21

Mandac Diosca Moisestaca: —Egiptoman cutishpa, Faraonpac ñaupapi tucui ñuca ruhuachun nishca ricuchinacunata ruhuashpa ricuchingui. Ashtahuanpish ñucaca paipac shunguta sinchiyachishami. Shina ruhuacpica, israelcunataca mana cacharingachu.

ÉXODO 8:15

Ña llaquicuna mana tiyacpica, cutinllatacmi Faraonca sinchi shungu tucurca. Chaimantami Moisestapish, Aarontapish Mandac Dios nishca shina, mana cazurca.

ÉXODO 8:31

Mandac Diosca Moisés mañashcata uyashpami, Faraonpac, paita serviccunapac, tucui Egiptopi causaccunapac huasicunamantapish shucllapish mana saquishpa, tucui chuspicunata anchuchirca.

ÉXODO 8:8

Shina ruhuacpimi, Faraonca Moisestapish, Aarontapish cayashpaca: —Ñucamantapish, ñucapac gentecunamantapish sapocuna anchurichun, Mandac Diosta mañaichic. Shina ruhuacpica, cambac gentecuna animalta huañuchishpa, Diosman cugrichun saquishallami— nirca.

ÉXODO 9:7

Faraonca israelcunapac animalcuna huañushcata, mana huañushcata ricuchun cachacpica, shucllapish mana huañushcachu carca. Shina tucucpish, Faraonca sinchi shungu tucushpami, israelcunataca mana cacharirca.

ISAÍAS 63:17

Mandac Dioslla, ¿ima nishpatac ñucanchictaca cambac ñanta ama catichun pandachircangui? ¿Ima nishpatac canta ama manchachun ñucanchic shunguta sinchiyachircangui? ¡Canta serviccunata, can cushca allpacunapi causac aillucunata cuyashcamantaca alli tucuiyari!

ROMANOS 2:5

Can sinchi shungu tucushpa, Diosman mana cutirishpaca, Dios yallita piñarishpa taripana punzhapacmi llaquita ashtahuan mirachicungui. Diosca cashcata ruhuashpami,

1 SAMUEL 6:6

¿Ima nishpatac cancunapac shungutaca Egiptopi causaccuna shina, Faraón shina sinchiyachinguichic? ¿Manachu Dios llaquichicpi, israelcunataca richun saquircacuna?