ÉXODO 8:26 - Dios Rimashcata Quillcashcami

²⁶ Shina nicpimi Moisesca: —Mana chai shina ruhuanachu canchic. Chashna animalta huañuchishpa, Mandac Diosman cushpaca, Egipto runacunamanca millanatami ruhuashun. Chai shina paicunapac ñaupapi ruhuacpica, ¿manachu rumicunahuan shitashpa huañuchinga?

ÉXODO 8:26 Iomraidhean Croise

GÉNESIS 43:32

Chashna nicpimi, Josemanca chican mizapi, cutin Jacobopac churicunamanca chican mizapi cararca. Utcapi Josehuan micuc Egipto runacunamanpish chican mizapimi cararca. Egipto runacunaca hebreocunahuan micunataca millanayachicmi carca. Chaimantami paicunahuan tandanacushpaca mana micuc carca.

GÉNESIS 46:34

cancunaca: “Canta servic ñucanchicca, ñucanchic ñaupa taitacuna shinallatac huambramanta pacha animalcunata michishpa causaccunami canchic” ninguichic. Shinami Gosén llactapi causai pudinguichic. Egipto runacunaca tucui ovejata michiccunataca millanayachishpa piñancunami— nirca.

2 REYES 23:13

Shinallatac Jerusalenmanta inti llucshina ladoman cac, Olivos urcu ura ladoman cac israelcunata jatun mandac Salomón ruhuashca altarcunatapish tucuchircami. Chai altarcunataca jatun mandac Salomonmi Sidón pueblopi causaccunapac Astoret millanayai diosman, Moab llactapi causaccunapac Quemos millanayai diosman, amonitacunapac Milcom millanayai diosman ruhuashca carca.

ESDRAS 9:1

Tucui chaicuna tucushca quipami israelcunata mandaccuna ñucapacman shamushpaca: «Israelcunapish, curacunapish, levitacunapish cai llactapi causac cananeocunamanta, heteocunamanta, ferezeocunamanta, jebuseocunamanta, amonitacunamanta, moabitacunamanta, Egipto runacunamanta, amorreocunamanta mana chicanyarishpami paicuna shinallatac millanayai juchacunata ruhuashpa causacuncuna.

ÉXODO 3:18

Shina nicpica, israelcunata pushac yuyaccunaca uyangallami. Chaimanta paicunahuan Egipto llactata jatun mandacpacman rishpa: “Ñucanchic israelcunata Mandac Diosmi ricurirca. Quimsa punzhata purishpa, ñucanchic Mandac Diosman animalta cushpa rupachigrichun saqui” nishpa mañangui.

ÉXODO 8:8

Shina ruhuacpimi, Faraonca Moisestapish, Aarontapish cayashpaca: —Ñucamantapish, ñucapac gentecunamantapish sapocuna anchurichun, Mandac Diosta mañaichic. Shina ruhuacpica, cambac gentecuna animalta huañuchishpa, Diosman cugrichun saquishallami— nirca.

ISAÍAS 44:19

Imata ruhuacushcataca shungupi mana yuyarinchu. Shinallatac: «Cai caspimanta maijanca rupachishpa, chai nina carbonpica tandata, aichata cusashpami micurcani. ¿Chai puchushca caspihuanchu millana shuc diosta ruhuasha? ¿Chai puchushca caspi ñaupapichu cungurisha?» nina yuyaitaca pipish mana charinchu.