ÉXODO 6:26 - Dios Rimashcata Quillcashcami

²⁶ Mandac Dios Aarontapish, Moisestapish rimashpaca: «Cancunami israelcunataca Egiptomanta sumacta tandachishpa llucchimugringuichic» nirca.

ÉXODO 6:26 Iomraidhean Croise

GÉNESIS 2:1

Diosca jahua pachatapish, cai pachatapish, chaipi tucui imalla tiyashcatapish ruhuanataca tucuchircami.

1 CRÓNICAS 6:3

Amrampac churicunaca: Aarón, Moisés shinallatac paicunapac pani Mariami carca. Aaronpac churicunaca: Nadab, Abiú, Eleazar, shinallatac Itamarmi carca.

SALMOS 77:20

Moises-huan Aaronhuanmi can acllashcacunataca manada ovejacunata shina pushamurcangui.

SALMOS 99:6

Moisespish, Aaronpish paipac curacunapurami carca. Samuelpish paita mañaccunapurallatacmi carca. Paicuna mañashcataca Mandac Diosca uyacmi carca.

ÉXODO 12:17

Levadura illac tandata micuna fiestataca ruhuanami canguichic. Chai punzhami cancunataca Egiptomanta llucchircani. Chaimantami chai punzha chayamucpica, cancunapac huahua huahuacunapish huiñaita chai fiestata ruhuana can.

ÉXODO 12:41

Chuscu patsac quimsa chunga huata tucucpica, chai punzhallatacmi Mandac Diosca israelcunata tandachishpa, Egiptomanta llucchirca.

ÉXODO 12:51

Chai punzhallatacmi Mandac Diosca israelcunataca tandachishpa Egiptomanta llucchirca.

ÉXODO 13:18

Chaimantami chai shitashca pamba ñanta rishpa, ashtahuan caruta muyushpa, Puca Cuchata pusharca. Israelcuna Egiptomantaca allichirishpami llucshirca.

ÉXODO 20:2

«Ñucaca Mandac Diosmi cani. Ñucami cancunataca Egipto llactapi huatashca shina llaquita causacushcamanta llucchircani.

ÉXODO 32:1

Moisés urcumanta mana utca shamucpimi, israelcuna Aaronpacman cuchuyashpaca: —Egiptomanta llucchicmuc Moisesca, imachari tucurca. Mana yachanchicchu. Jatari, ñucanchicta pushachun, shuc diosta ruhuai— nirca.

ÉXODO 32:11

Shina nicpimi, Moisesca Mandac Diosta tucui shunguhuan mañashpaca: —Mandac Dioslla, ¿ima nishpatac Egipto llactamanta cambac poderhuan llucchishca, can acllashca gentecunahuanca piñaringuiyari?

ÉXODO 32:7

Chaimantami Mandac Diosca Moisestaca: —Cunanca utcashpa urai rilla. Egipto llactamanta can llucchimushca gentecunaca mana allitami ruhuacun.

ÉXODO 6:13

Shina cacpimi, Mandac Diosca israelcunata Egiptomanta llucchichun, Moisestapish, Aarontapish Egipto llactata jatun mandac Faraonta, israelcunata rimachun cunarca.

ÉXODO 6:20

Amramca paipac tia Jocabedhuanmi cazararca. Chai huarmica Aarón, Moisés huahuacunatami charirca. Amramca patsac quimsa chunga canchis huatatami causarca.

ÉXODO 6:7

Ñucapaclla acllashca llactata ruhuashpami, cancunapac Dios casha. Chaimantami Egiptopi sinchi trabajacushcamanta llucchic, shinallatac cancunata Mandac Dios cashcata yachac chayanguichic.

ÉXODO 7:4

Faraonca cancuna nishcataca mana uyangachu. Shina cacpipish, Egiptopi causaccunataca ñuca maquihuan llaquichishpami llucchisha. Ñuca acllashca israelcunataca sumacta tandachishpami llucchisha.

MIQUEAS 6:4

Ñucami Egipto llactamantaca llucchimurcani. Cancuna, chai llactapi huatashca shina causacucpimi, Moisesta, Aaronta, Mariata cachashpa quishpichircani.

NÚMEROS 33:1

Israelcunataca Egipto llactamantaca Moisés, Aaronmi soldadocunata shina pushamurca.

JOSUÉ 24:5

Ñucaca Moisesta, Aaronta cachashpami, Egiptopi causaccunata yallita llaquichishca quipa cancunataca llucchircani.

1 SAMUEL 12:6

Shina nicpimi, Samuelca israelcunataca: —Cancunapac taitacunata Egiptomanta llucchichun Moisesta, Aaronta acllashpa cachac Mandac Diosmi ricucun.

1 SAMUEL 12:8

Egiptoman Jacobo paipac huahua huahuacunandi chayacpica, yallitami chaipi causaccunaca llaquichirca. Chaimantami Mandac Diostaca caparishpa mañarca. Chashna cacpimi, cancunapac taitacunata Egiptomanta llucchichun Moisesta, Aaronta Mandac Diosca cacharca. Paicuna llucchishpami, cai llactapi causachun churarca.