ÉXODO 5:6 - Dios Rimashcata Quillcashcami

⁶ Chai punzhallatacmi Faraonca paipac mayoralcunatapish, israelcunata trabajachiccunatapish rimashpaca:

ÉXODO 5:6 Iomraidhean Croise

2 CRÓNICAS 26:11

Macanacunata alli yachac soldadocunatapish achcatami charirca. Chai soldadocunaca jatun mandacpac quillcac Jeiel, Maasías mandacpish, mandashpa quillcashca shinallatacmi chican chican llucshiccuna carca. Chai soldadocunataca mandaccunapuramanta Hananiasmi mandacurca.

ÉXODO 1:11

Chaimantami paicunataca sinchita trabajachishpa llaquichichun, mandaccunata churarca. Shinami paicunaca sinchita trabajachishpa Pitón, Ramesés llactacunata shayachirca. Chai llactacunapimi Faraonca granota tandachirca.

ÉXODO 3:7

Shinallatac Mandac Diosca: —Egiptopi ñuca acllashcacuna llaquita apacucta ricunimi. Paicuna llaquimanta mañashcata uyanimi. Paicuna mai llaquita apashcatapish yachanimi.

ÉXODO 5:10

Shina nicpimi, Faraonpac mayoralcunapish, israelcunata trabajachiccunapish chaimanta llucshishpaca: —Faraonca: “Ñucaca ña mana ucshata cugrinichu.

ÉXODO 5:19

Paicunata: “Utcapi mashna ladrillota ruhuac cashca shinallatac punzhanta ruhuaichic” nishpa mandacpimi, Israel mayoralcunaca llaquilla tucurca.

ÉXODO 5:7

—Paicuna ladrillota ruhuachunca, ama utcapi cushca shina, ucshata cunguichicchu. Ashtahuanpish paicunallatacmi ucshata mashcagrina can.

PROVERBIOS 12:10

Cashcata ruhuacca paipac animalcunatapish mana yarcaipi charinchu. Ashtahuanpish Diosta mana manchacca mana llaquinchu.

NÚMEROS 11:16

Shina nicpimi, Mandac Diosca Moisestaca: —Israelcunata pushac yuyacpuramanta canchis chunga runacunata acllai. Paicunaca israelcunata pushac yuyaccunami cana can. Paicunata ñucahuan tupana huasi yaicunaman pushashpa, chaipi shuyangui.

DEUTERONOMIO 1:15

Chaimantami cancunapac aillupuramanta alli yachac, imatapish allita ruhuac runacunataca patsacta mandacta, pichca chungata mandacta, chungata mandacta churarcani. Shinami cancunapac ailluta pushachun churarcani.

DEUTERONOMIO 16:18

Mandac Dios cancunaman cugricuc llactacunapica cashcata ruhuashpa mandachun juezcunatapish, shuctac mandaccunatapish churanguichic.

JOSUÉ 24:1

Josueca tucui Israel aillucunata Siquem pueblopi tandachishpami, israelcunata pushac yuyaccunata, juezcunata, quipa mandaccunatapish Diospac ñaupapi tandachirca.

JOSUÉ 24:4

Cutin Isaacmanca Jacobo, Esaú churicunatami curcani. Esaumanca Seir llactapi urcucunatami curcani. Ashtahuanpish Jacoboca paipac churicunandimi Egiptoman urai rirca.

JOSUÉ 8:33

Chaillapitacmi pushac uyaccunapish, juezcunapish, quipa mandaccunapish, shuctac llactamanta shamushcacunapish tucui israelcuna Arca ladopi, levita curacunapac ladopi ishcai ladoman shayacurca. Paicunaca Mandac Diosta servic Moisés mandashca shinallatacmi chaupica Gerizim urcu ladopi, shuc chaupica Ebal ladopi shayacurca. Israelcunarac bendicionta japingapacmi chashnaca shayacurca.