ÉXODO 5:21 - Dios Rimashcata Quillcashcami

²¹ Shina tupashpaca: —Cancunallatacmi ñucanchictaca Faraonpac ñaupapi millanata ruhuashcanguichic. Cancunallatacmi ñucanchicta huañuchichun, espadata paicunapac maquipi churac shina ruhuashcanguichic. Chaita ruhuashcamantaca Mandac Diosllatac ricushpa taripashpa llaquichichun— nirca.

ÉXODO 5:21 Iomraidhean Croise

GÉNESIS 16:5

Chaimantami Saraica paipac cusa Abramtaca: —Ñucata servic Agar huicsayuc tucushpaca, ñucata yalli tucushpami, mana valichi callarin. Canmi juchayuc cangui. Cunanca, Diosllatac ñuca, mana cashpaca can mana allita ruhuashcata ricuchun— nirca.

GÉNESIS 31:53

Cambac taita Abrahampac, ñuca taita Nacorpac, shinallatac paicunapac Dios ñucanchicta ricuchun— nirca. Shina nicpi, Jacoboca paipac taita Isaacpac manchana Diospac shutipi ari nirca.

GÉNESIS 34:30

Chaimantami Jacoboca Simeontapish, Levitapish rimashpaca: —Cancuna chashna ruhuashpaca, cai llactapi causac cananeocunapac, ferezeocunapac piñanatami ñucataca ruhuashcanguichic. Cunanca piñangacunami. Ñucanchicca ashalla runacunatami charinchic. Paicuna tandanacushpa, jahualla ñucatapish, ñuca familiatapish huañuchingami— nirca.

2 SAMUEL 10:6

Amón llactapi causaccunaca David piñashpa, mana ricunayachicushcata yachashpami, Bet-rehob pueblopi, Soba pueblopi causac ishcai chunga huaranga soldadocunata, shinallatac Maaca llactata jatun mandacpac huaranga soldadocunata, Is-tob llactamantaca chunga ishcai huaranga soldadocunata pagashpa pushamurca.

1 CRÓNICAS 19:6

Amonitacunaca David paicunata mana ricunayachicushcata yachac chayashpami Hanunhuan, amonitacunahuan carretacunatapish, caballocunapi puric soldadocunatapish, alquilachun huaranga talento cullquita cushpa Mesopotamia, Siria, Maaca, Soba llactacunaman cacharca.

ÉXODO 14:11

Moisestaca: —Cai shitashca pambapi ñucanchic huañungapacca, ¿manachu Egiptopi panteonca tiyarca? ¿Caita ruhuangapacchu Egiptomanta llucchimurcangui?

ÉXODO 15:24

Chaimantami israelcuna piñarishpa, Moisestaca: —¿Ima yacutatac ubiashun?— nishpa rimarirca.

ÉXODO 16:2

Tucui tandanacushca israelcuna shitashca pambapi cashpaca Moisestapish, Aarontapish piñashpa rimarircacunami.

ÉXODO 4:31

Chai huillashcata uyashpaca, paicuna llaquita apacucta ricushpa, ayudangapac shamushcata yachashpami, israelcunaca crircacuna. Chaimantami Mandac Diostaca cumurishpa, allimari cangui nircacuna.

ÉXODO 5:20

Paicuna Faraonpacmanta llucshishpaca, Moises-huan, Aaronhuanmi tuparca. Paicunaca shayashpami shuyacurca.

ÉXODO 6:9

Tucui chaitami Moisesca israelcunamanca huillarca. Shina huillacpipish sinchi trabajocunahuan llaquilla cashcamantami Moisés nishcataca mana uyashun nircacuna.

ECLESIASTÉS 10:1

Huañushca chuspicunaca ashnanmi mishquilla ashnacuc jambitapish ashnachinmi. Chashnami yuyaisapa, alli nishca runa ashata pandarishpaca, yallita mana alli ricurin.

ISAÍAS 30:6

Neguevpi tiyac sacha animalcunata Dios llaquichinamanta huillashpaca: «Llaquihuan huacana pambata, leoncuna, millai culebracuna, alasyuc manchana culebracuna causana pambatami paicunapac charishcacunata, sumac valishcacunata burrocunapi, camellocunapi cargashpa, manapish ayudai pudic runacunaman cungapac apancuna.

JOEL 2:20

Jahua llactamanta cancunata llaquichiccuna shamucpica, carumanmi cachasha. Paicunataca shitashca pambamanmi catishpa cachasha. Ñaupashpa shamuccunataca inti llucshina lado mama cuchapimi shitasha. Huashata caticcunataca inti tigrana lado mama cuchapimi shitasha. Chaipimi ismushpa yallita ashnanga. Yalli llaquita ruhuashcamantami chashna ruhuasha» ninmi.

NÚMEROS 14:22

Ñuca poderhuan ricuchishcacunata ricuccunapish, Egipto llactapi, cai shitashca pambapi ruhuashcata ricuccunapish, ñuca nishcata mana cazushpa, chunga cutincaman pandachisha niccunapish

NÚMEROS 14:3

Mandac Diosca, ¿imamantatac ñucanchic huarmicuna, huahuacuna espadahuan piñaccunapac maquipi huañuchishca cachun cai llactamanca apamurca? ¿Manachu Egipto llactallamantac cutina alli canman?» nirca.

1 SAMUEL 13:4

Israelcunaca: «Saulca urcupi cuidacuc filisteo soldadocunahuanmi macanacushpa atishca. Chaimantami filisteocunaca israelcunata mana ricunayachicun» nictami uyarcacuna. Shina cashcamantami israelcunaca Saulta catingapac Gilgal pueblopi tandanacurca.

1 SAMUEL 27:12

Ashtahuanpish Aquisca David ima nishcatapish crishpami: «Davidca Israel llactapica piñai tucushcami. Shina cashpaca, huiñaitami ñucata servic canga» nirca.