ÉXODO 5:16 - Dios Rimashcata Quillcashcami

¹⁶ Canta servic ñucanchicmanca ucshata mana cunchu. Shina cashpapish utcapi mashna ladrillota ruhuac cashca shinallatac, ¡cunanpish ruhuai nincunami! Chashnami canta servic ñucanchicta macashpa llaquichincuna. Chashna mana ucshata cushcamantaca cambac mandaccunallatacmi juchayuc— nirca.

ÉXODO 5:16 Iomraidhean Croise

GÉNESIS 11:3

Paicuna yuyarinacushpaca: «Jacuchic, ladrillota ruhuashpa, ninapi cusashunchic» ninacurca. Chashnami paicunaca rumipac randica ladrillohuan, turupac randica asfaltohuan ruhuarca.

1 REYES 12:14

Chai mosocuna yuyaita cushca shinallatacmi paica: «Ñuca taitaca llashac yugota apachishca shinami llaquichirca. Ashtahuanpish ñucaca chai yugotaca ashtahuanmi llashacyachisha. Ñuca taitaca angucunahuanmi macashpa llaquichirca. Ñucacarin alacrancunahuanmi llaquichishpa charisha» nirca.

ÉXODO 5:15

Chaimantami Israel mayoralcuna Faraonpacman rishpaca: —¿Ima nishpatac canta servic ñucanchictaca cashna llaquichinguiyari?

ÉXODO 5:17

Shina nicpimi Faraonca: —¡Cancunaca quilla gentecunami canguichic! Chashna cashpami: “Animalta rupachishpa, Mandac Diosman cugrishun” ninguichic.

ECLESIASTÉS 4:1

Tigrarishpa ricushpaca cai pachapi tucuita ruhuashpa, yallita llaquichicuctami ricurcani. Llaquihuan huacacucpipish pi mana cushichircachu. Poderta chariccunapish llaquichiccuna parte carca. Cushichiccunaca shucllapish mana tiyarcachu.

EZEQUIEL 16:4

Can huacharishca punzhapica mana puputa pitircachu, mana armachircachu, mana cachihuan cahuircachu, mana anacuchircachu.