ÉXODO 40:14 - Dios Rimashcata Quillcashcami

¹⁴ Chai quipaca paipac churicunata pushamushpa, tunicata churachingui.

ÉXODO 40:14 Iomraidhean Croise

ÉXODO 29:8

Aaronpac churicunata cayashpa, paicunamanpish tunicata churachingui.

ÉXODO 40:13

Aarontaca ñucapaclla chicanyachishca churanacunata churachishpa, aceiteta tallishpa chicanyachingui. Chashna ruhuacpimi, ñucapaclla cura canga.

ÉXODO 40:15

Shinallatac Aaronta ima shinami aceitehuan cahuishca shinallatac, paipac churicunatapish ñucapaclla chicanyachishca curacuna cachun aceitehuan cahuingui. Chai aceitehuan cahuicpica, paicunapac huahua huahuacunapish huiñaitami ñucapaclla curacuna canga» nirca.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

LEVÍTICO 8:13

Moisesca Mandac Dios nishca shinallatacmi Aaronpac churicunata cayashpa, curapac churanata churachishpa, chumbillichishpa, umapica mitrata churachirca.

SAN JUAN 1:16

Pai Taitapac Churi cashcacunamantami ñucanchicca catinta catinta allicunata chasquicunchic.

ROMANOS 13:14

Chaipac randica, Apunchic Jesusta churanata churaric shina, paihuan millaita mishaichic. Ashtahuanpish ama cai pacha jucha munashcata ruhuaichicchu.

ROMANOS 8:30

Callarimanta chicanyachishcacunataca Diosca cayarcami. Chai cayashcacunataca chasquircami. Chasquishcacunataca alli nircami.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

1 CORINTIOS 1:9

Pai nishcataca pactachic Diosmi paipac Churi ñucanchic Apunchic Jesucristohuan shuclla tucushpa causachun cayarca.