ÉXODO 4:24 - Dios Rimashcata Quillcashcami

²⁴ Moisés cutishpa, ñanpi samaricucpimi, Mandac Diosca shuc tuta tupangapac llucshishpa, paita huañuchisha nirca.

ÉXODO 4:24 Iomraidhean Croise

GÉNESIS 17:14

Cancunapurapi maijan cari pai charishca asha carata pitishpa, circuncisionta mana ruhuashca cacpica, ñucahuan ari nishcata mana cazushcamantami cancunapuramanta anchuchishca canga— nirca.

GÉNESIS 42:27

Ashtahuanpish samanaman chayashpaca, paicunapuramanta shucca paipac tuluta pascashpami, granota llucchishpa burroman caragrirca. Shina caragricushpami, tulu shimillapi cullquita tarirca.

1 REYES 13:24

Shina parejacpica, burropi montashpa ñanta ricucpimi, shuc león ñanpi tupashpa huañuchirca. Ña huañucpica, chaupi ñanpimi paipac cuerpoca siricurca, burropish, leonpish chai huañushca ladopimi shayacurca.

1 CRÓNICAS 21:16

David huichai ricushpaca, Mandac Diospac ángel cai pachahuan jahua pachahuan chaupipi shayacuctami ricurca. Shinallatac paipac maquihuanca espadata Jerusalén pueblo ladoman ricuchishpa charicuctami ricurca. Chaimantami Davidpish, israelcunata pushac yuyaccunapish sharpa churanata churarishpa allpacaman cumurirca.

ÉXODO 3:18

Shina nicpica, israelcunata pushac yuyaccunaca uyangallami. Chaimanta paicunahuan Egipto llactata jatun mandacpacman rishpa: “Ñucanchic israelcunata Mandac Diosmi ricurirca. Quimsa punzhata purishpa, ñucanchic Mandac Diosman animalta cushpa rupachigrichun saqui” nishpa mañangui.

OSEAS 13:8

Huahuacunata chingachishpa puricuc mama oso shinami, tupangapac llucchishpa shunguta polvosha. León sacha animalcuna micuc shinami, ñutuchishpa tucuchisha.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.