ÉXODO 4:18 - Dios Rimashcata Quillcashcami

¹⁸ Moisesca paipac suegro Jetropacman cutishpaca: —Ñuca huauquicunapacmanmi, paicuna causacushcata, mana causacushcata yachangapac Egiptoman cutirigrini— nirca. Shina nicpimi Jetroca: —Allilla ringui— nirca.

ÉXODO 4:18 Iomraidhean Croise

GÉNESIS 45:3

Joseca paipac huauquicunataca: —Ñucaca Josemi cani. Ñuca taitaca, ¿causacunracchu?— nirca. Chashna nicpica, paicunaca upayashpa, imatapish mana ni pudircacunachu.

2 REYES 5:10

Chaipimi Eliseoca shuc runata cachashpaca: «Jordán yacupi canchis cutincaman armaringapac ri. Chashna armaricpica, aicha alli tucushpa, ungüi illac chuyanllami saquiringui» nirca.

2 REYES 5:19

Shina nicpimi Eliseoca: —Ama manchaichu, rilla— nishpa cacharca. Naamán paipac ñaupamanta caruyashpa ricpimi,

ÉXODO 2:21

Moisés Reuelpac huasipi causangapac saquisha nicpimi, paica paipac ushi Seforahuar cazarachirca.

ÉXODO 3:1

Moisesca paipac suegro Jetropac ovejacunatami michishpa causarca. Jetroca Madián llactapi curami carca. Chashna michicushpami, shitashca pambata pasashpa, Diospac Horeb urcuman chayarca.

SAN LUCAS 7:50

Chaimantami Jesusca chai huarmitaca: —Can crishcamantaca, ña quishpichishcami cangui. Cunanca cushicushpa rilla— nirca.

HECHOS 15:36

Tauca punzhacuna quipami, Pabloca Bernabetaca: —Sarun Apunchic Jesusmanta alli huillaita ñucanchic huillacucpica, tauca pueblocunapimi uyashpa crirca. Cunanca, paicuna ima shina caticucta jacu ricungapac— nirca.

HECHOS 16:36

Chaimantami carcelta cuidacca Pablotaca: —Mandaccunami cancunataca cacharichun mandashca. Chaimanta cunanca, cushilla richiclla— nirca.

1 TIMOTEO 6:1

Amo randishcamanta huatashca shina serviccunataca, Diostapish, ñucanchic yachachishcacunatapish mana allichu nishpa pi ama rimachunca paicunapac amocunata alli cazuchun yachachingui.

JUECES 18:6

Shina nicpimi, chai curaca: —Cancunata Mandac Diosmi cuidashpa pushacun, ama manchashpa cushilla richiclla— nirca.

1 SAMUEL 1:17

Shina nicpimi Elica: —Cunanca cushicushpa rilla. Israelcunapac Diosca can imata mañashcataca cushca cachun— nirca.