ÉXODO 4:15 - Dios Rimashcata Quillcashcami

¹⁵ Imata can ninataca paiman tucui huillangui. Ñucami can rimacpipish, pai rimacpipish imata rimanata yachachisha.

ÉXODO 4:15 Iomraidhean Croise

2 SAMUEL 14:3

Chaimantaca jatun mandacpacman ri. Chaiman chayashpaca, tucui ñuca ima nishcata ningui» nirca. Joabca tucui pai imata ninatami nirca.

SALMOS 25:12

Mandac Diosca paita manchaccunamanca maijan ñanta acllachunmi yachachin.

SALMOS 51:15

Jatun Dioslla, ñuca shimita pascaiyari. Chaipica, tucuipac ñaupapimi alli nishpa cantasha.

ÉXODO 3:12

Shina nicpimi, Mandac Diosca: —Ñucami canhuan casha. Ñuca canta cachashcata ricuchingapacca, shuc ricuchinatami ricuchigrini. Egiptomanta ñuca acllashcacunata llucchimushca quipaca, tucui cancunami cai urcupi ñucata servinguichic— nirca.

ÉXODO 4:12

Chaimanta cunanca ri. Ñucami canhuanca casha, imata rimana cacpipish, ñucallatacmi rimachisha— nirca.

ÉXODO 4:28

Chaipimi Moisesca Mandac Dios imata nishcatapish, mancharina ricuchinacunata ruhuashpa ricuchichun cachashcatapish tucui huillarca.

ÉXODO 4:30

Chashna tandachishpami, Aaronca Mandac Dios Moisesta imata nishcata tucui huillarca. Shinallatac mancharina ricuchinacunatapish ruhuashpa ricuchina cashcata ricuchirca.

ISAÍAS 51:16

Cancunapac shimipimi ñuca rimashcata churashpa, cancunataca maquihuan llanduc shina cuidani. Ñucami jahua pachatapish ruhuarcani. Cai pacha callari rumitapish ñucami churarcani. Shinallatac Sión llactapi causaccunataca: “Cancunaca ñuca acllashcacunami canguichic” ningui» nirca.

ISAÍAS 59:21

Mandac Diosca: «Cancunahuanmi ari nini. Ñuca Espiritupish, cancunapac shimipi ñuca churashca rimaicunapish cunanmanta pachami cancunamanta, cancunapac huahuacunamanta, cancunapac nietocunamanta huiñai huiñaita mana caruyan» ninmi.

JEREMÍAS 1:9

Shinami Mandac Diosca paipac maquita ñuca shimipi tupachishpaca: «Riqui, ñuca rimashcacunatami cambac shimipi churani.

JEREMÍAS 36:32

Shina nicpimi, Jeremiasca carata japishpa, Neriaspac churi quillcac Barucman curca. Chai carapimi Barucca Judá llactata jatun mandac Joacim rupachishca carapi tucui quillcashcacunallatatac Jeremías cutin quillcachicpi quillcarca. Chai carapica shuctac rimaicunatapish ashtahuan quillcarcami.

NÚMEROS 16:28

Shina cacpimi Moisesca: —Cunanmi tucui caicunataca mana ñuca munaillamanta ruhuacushcata, ashtahuanpish Mandac Diosllatac ruhuachun cachashcata yachanguichic.

NÚMEROS 22:38

Shina nicpimi, Balaamca Balactaca: —Ña cambacman shamucunimi. Shina cashpapish ñucaca, ñuca Dios mana rimachicpica, imata mana rimashachu— nirca.

NÚMEROS 23:12

Shina nicpimi Balaamca: —¿Manachu Mandac Dios rimachun nishcallata rimana cani?— nirca.

NÚMEROS 23:16

Mandac Dios Balaamhuan tupangapac shamushpa, Balaampac shimipi shuc rimaita churac shina rimashpaca: —Balacpacman cutishpa, cashna nigri— nirca.

NÚMEROS 23:5

Chaipimi Mandac Diosca Balaampac shimipi rimaita churac shina rimashpaca: —Balacpacman cutishpa cashna nigri— nirca.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

1 CORINTIOS 11:23

Cancunaman yachachishcataca, Apunchic Jesusmantami chasquircani. Apunchic Jesusca paita japichina tutallatacmi tandata japishpa,

1 CORINTIOS 15:1

Cuyashca criccuna, ñuca alli huillaita huillashcata yuyarichunmi munani. Chai huillaita chasquishpami, mana saquishpa catiracunguichic.

DEUTERONOMIO 18:18

Cancunapac huauquipuramanta can shina ñucamanta huillacta cachashami. Paipac shimipi ñuca rimaicunata churacpimi, paica tucuita huillanga.

DEUTERONOMIO 5:31

canca caipi ñucahuan saquiri. Ñucami tucui mandashcacunatapish, pactachinacunatapish, yachachishcacunatapish yachachigrini. Caitaca paicuna ñuca cushca llactata japishpa, chaipi causashpa cazuchunmi yachachina cangui” nirca.

1 SAMUEL 16:3

Chaita rupachingapacca Isaitapish cayangui. Chaipimi can ima ruhuana cashcataca huillasha. Maijantami ñuca ricuchini, paita aceitehuan cahuingui— nirca.