ÉXODO 4:10 - Dios Rimashcata Quillcashcami

¹⁰ Chaimantami Moisesca Mandac Diostaca: —Ñucata Mandac Dioslla, ñucaca alli rimacca jaicapi mana cashcanichu, cunanpish mana alli rimacchu cani. Ñucaca callu huataricunillami— nirca.

ÉXODO 4:10 Iomraidhean Croise

JOB 12:2

«Cancunaca alli runacunami canguichic. Cancuna huañucpica, jatun yachaica tucuringami.

ÉXODO 3:11

Shina nicpimi, Moisesca Mandac Diostaca: —Faraonpacman rishpa, Egiptomanta israelcunata llucchimungapacca, ¿ñucaca imatac caniyari?— nirca.

ÉXODO 4:1

Chaimantami Moisesca: —Ñuca chashna nicpipish, paicuna mana crishpa, mana cazushpa: “Mandac Diosca, mana ricurishcangachu” nicpica, ¿imatatac nisha?— nirca.

ÉXODO 6:12

Shina nicpimi, Moisesca Mandac Diostaca: —Israelcunapish mana uyacpica, ¿ima shinatac Faraoncarin uyangayari? Ñucaca mana alli rimacchu cani— nirca.

ÉXODO 6:30

Chashna nicpimi, Moisesca Mandac Diostaca: —Ñucaca mana alli rimacchu cani. ¿Maitatac Faraonca ñuca nishcataca uyangayari?— nirca.

JEREMÍAS 1:6

Shina nicpimi ñucaca: «Mandac Dioslla, ñucaca cunan huiñaillami cani. Rimanatapish mana alli yachanichu» nircani.

MIQUEAS 6:4

Ñucami Egipto llactamantaca llucchimurcani. Cancuna, chai llactapi huatashca shina causacucpimi, Moisesta, Aaronta, Mariata cachashpa quishpichircani.

HECHOS 7:22

Shinami Moisesca Egipto llactapi ima yachanacunatapish alli yachachishca huiñarca. Chaimantami rimangapacpish, imata ruhuangapacpish alli yachac carca.

2 CORINTIOS 10:10

Ñucataca maijancunaca: “Pai quillcashcaca sinchitami riman, ashtahuanpish pai quiquin caipi cashpaca, shina shinallami. Shinallatac pai rimashpaca, pitapish mana cazuchinchu” nincunami.

2 CORINTIOS 11:6

Paicuna shina rimanata mana alli yachashpapish, Diosmantaca allimi yachani. Chai shina cashcataca ima shinapish allimi ricuchircani.