ÉXODO 4:1 - Dios Rimashcata Quillcashcami

¹ Chaimantami Moisesca: —Ñuca chashna nicpipish, paicuna mana crishpa, mana cazushpa: “Mandac Diosca, mana ricurishcangachu” nicpica, ¿imatatac nisha?— nirca.

ÉXODO 4:1 Iomraidhean Croise

1 REYES 13:3

Chai punzhallatacmi, shuc ricuchinata ricuchishpaca: «Mandac Dios rimashca pactanaca cashnami cagrin: Riqui, cai altarca paquiringami, chai jahuapi tiyac uchupapish shic-huaringami» nirca.

ÉXODO 2:14

Shina nicpimi, chai runaca: —¿Pitac cantaca ñucanchicta mandac cachun, juez cachun churarca? ¿Ñucatapish Egipto runata shinatachu huañuchisha ningui?— nirca. Chaimantami Moisesca: «Chai runata huañuchishcataca ñami yachac chayashca» nishpami, yalli manchaihuan carca.

ÉXODO 3:15

Cutinllatac Diosca Moisestaca: —Israelcunataca: “Cancunapac ñaupa taita Abrahampac, Isaacpac, Jacobopac Mandac Diosmi cancunapacmanca cacharca” ningui. Cai shutica huiñaipacmi can. Cai shutitami huiñaita ricsinga.

ÉXODO 3:16

Can rishpa, israelcunata pushac yuyaccunata tandachishpaca: “Cancunapac ñaupa taita Abrahampac, Isaacpac, Jacobopac Diosmi ñucaman ricurishpa: ‘Ñucami ricuc shamurcani. Egiptopi ima shina llaquichicushcata ricurcanitacmi.

ÉXODO 3:18

Shina nicpica, israelcunata pushac yuyaccunaca uyangallami. Chaimanta paicunahuan Egipto llactata jatun mandacpacman rishpa: “Ñucanchic israelcunata Mandac Diosmi ricurirca. Quimsa punzhata purishpa, ñucanchic Mandac Diosman animalta cushpa rupachigrichun saqui” nishpa mañangui.

ÉXODO 4:10

Chaimantami Moisesca Mandac Diostaca: —Ñucata Mandac Dioslla, ñucaca alli rimacca jaicapi mana cashcanichu, cunanpish mana alli rimacchu cani. Ñucaca callu huataricunillami— nirca.

ÉXODO 4:30

Chashna tandachishpami, Aaronca Mandac Dios Moisesta imata nishcata tucui huillarca. Shinallatac mancharina ricuchinacunatapish ruhuashpa ricuchina cashcata ricuchirca.

ÉXODO 4:31

Chai huillashcata uyashpaca, paicuna llaquita apacucta ricushpa, ayudangapac shamushcata yachashpami, israelcunaca crircacuna. Chaimantami Mandac Diostaca cumurishpa, allimari cangui nircacuna.

ÉXODO 6:12

Shina nicpimi, Moisesca Mandac Diostaca: —Israelcunapish mana uyacpica, ¿ima shinatac Faraoncarin uyangayari? Ñucaca mana alli rimacchu cani— nirca.

ÉXODO 6:30

Chashna nicpimi, Moisesca Mandac Diostaca: —Ñucaca mana alli rimacchu cani. ¿Maitatac Faraonca ñuca nishcataca uyangayari?— nirca.

JEREMÍAS 1:6

Shina nicpimi ñucaca: «Mandac Dioslla, ñucaca cunan huiñaillami cani. Rimanatapish mana alli yachanichu» nircani.

EZEQUIEL 3:14

Quipaca Diospac Espiritumi ñucata sinchiyachishpa pusharca. Ñucaca shungupi yallita llaquirishpami rircani. Ashtahuanpish Mandac Diospac maquica sinchita charirashpami ñucataca pusharca.

HECHOS 7:25

Moisesca ‘Israel aillucunaca ñucatami Diosca millai runacunapac maquimanta cacharichichun cachashcata entendingami’ yuyarcami. Ashtahuanpish paicunaca mana chashna entendircachu.

JUECES 6:17

Shina nicpimi Gedeonca: —Ñuca cambac ñahuipi alli ricurishca cacpica, canllatac ñucanchic-huan parlacushcata yachangapac shuc señalta ricuchiyari.