ÉXODO 39:37 - Dios Rimashcata Quillcashcami

³⁷ alli curimanta ruhuashca candelerotapish, chaipi churana lamparacunatapish, chaipi imalla tiyaccunatapish, luzta japichina aceitetapish apamurcami.

ÉXODO 39:37 Iomraidhean Croise

ÉXODO 25:31

Shuc candelerotapish alli curita martillohuan huactashpa ruhuangui. Chai candelerotaca chaquitapish, chaquipi cactapish, copacunatapish, manzanacunatapish, sisacunatapish shucllata ruhuangui.

ÉXODO 27:20

Lamparacunata punzhanta japichishpa charingapac olivosmanta ashtahuan alli aceiteta apamuchun mandangui.

ÉXODO 27:21

Chai lamparacunataca Aaronmi paipac churicunandi Mandac Dios ñucapac ñaupapi, ñucahuan tupana ucupi mandashcacunata huacaichishca paño canzhapi, chishimanta tutamantacaman japichishpa charinga. Caicunataca tucui israelcunapish, paicunapac huahua huahuacunapish huiñaita pactachichunmi, mandashpa quillcashca.

ÉXODO 39:36

Shinallatac Mizatapish, mizapi churana vasocunatapish, Diosman cuna tandatapish,

ÉXODO 39:38

Curimanta ruhuashca altartapish, Diospaclla cachun cahuina aceitetapish, mishquilla ashnacuc inciensotapish, Dios-huan tupana huasi pungupi huarcuna pañotapish apamurcami.

NÚMEROS 8:2

«Aarontaca: “Candeleropi cac canchis lamparacunata japichishpaca, ñaupa ladota achicyachichun churangui” nishpa, mandangui» nirca.

NÚMEROS 8:3

Chaimantami Aaronca Mandac Dios Moisesta mandashca shinallatac lamparacunata japichishpa, ñaupa ladota achicyachichun churarca.

FILIPENSES 2:15

Chashna ruhuashpami, cai pacha mana cric millai gentecunapac chaupipica, Diospac huahuacuna cashcamanta mana pi juchanchishca, allita ruhuac, achicyachic lucerocuna shina canguichic.