ÉXODO 39:30 - Dios Rimashcata Quillcashcami

³⁰ Shinallatac Mandac Diospac cura cashcata ricuchingapacca curimantami shuc latata ruhuashpa, chaipica «DIOSPACLLA CHICANYACHISHCAMI» nishpa, shuc sellota shina quillcarca.

ÉXODO 39:30 Iomraidhean Croise

ÉXODO 26:36

Ñucahuan tupana huasi punguta jarcangapacca azul, morado, sani puca alli lino puchcahuan shuc pañota ruhuangui. Chaitaca alli sumacta bordashpa ruhuangui.

ÉXODO 39:29

Mandac Dios Moisesta mandashca shinallatacmi chumbitapish azul, morado, sani puca, lino puchcahuan alli bordac shinallatac ruhuarca.

ÉXODO 39:31

Mandac Dios Moisesta mandashca shinallatacmi chai latapica azul huatuta churashpa, mitra jahuapi churangapac chashna ruhuarca.

ZACARÍAS 14:20

Chai punzhapica caballocunapi churashca campanillapica: «Mandac Diospac chicanyachishcami» nishpa quillcashcami canga. Chaitami aparishca puringa. Diospac huasipi tiyac mangacunapish altar ladopi tiyacuc jatun lavacaracuna shinallatacmi canga.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

HEBREOS 1:3

Diospac Churimi pai jatun cashcata ricuchicun. Paica Dios shinallatacmi can. Diospac Churica tucui ima tiyashcataca, paipac poderhuanmi mandacun. Paica ñucanchic juchacunata pichashpami, jahua pacha Dios mandacuc alli maquiman tiyarigrirca.

HEBREOS 7:26

Paica ñucanchic charishun nishca jatun mandac curami. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Diosca churashca.

APOCALIPSIS 5:10

Chashnami ñucanchicta Mandac Diospacta ruhuaccuna, jatun mandaccuna, curacuna cachun ruhuashcangui. Shina cashpami cai pachataca mandashun» nircacuna.