ÉXODO 38:9 - Dios Rimashcata Quillcashcami

⁹ Dios-huan tupana huasi canzha pambatapish ruhuarcami. Ura ladotaca lino puchcahuan ruhuashca pañohuanmi jarcarca. Chai pañoca sunimanca chuscu chunga pichca metromi carca.

ÉXODO 38:9 Iomraidhean Croise

1 REYES 6:36

Shinallatac Dios-huan tupana huasi ucupi cac patataca labrashca rumicunahuanmi quimsa filata ruhuarca. Cutin shuc filataca cedro caspimantami ruhuarca.

SALMOS 100:4

Paipac huasi pungutaca pagui nishpa, paipac huasi canzha pambataca cantashpa yaicuichicyari. Paipac shutitaca alli nichicyari, shinallatac pagui nichicyari.

SALMOS 84:10

Huaranga punzhacunata canzhapi canapac randica, shuc punzhallatapish cambac huasi pungupi canami ashtahuan alli. Juchayuccunapac huasipi causanapac randica, ñuca Diospac huasi pungupi canami ashtahuan alli.

SALMOS 84:2

Ñuca almaca Mandac Diospac huasi pungupi canatami yallita munan. Ñuca shungupish, ñuca cuerpopish cushicushpami causac Diosta cantan.

SALMOS 89:7

Cambaclla tandanacushcapica manchana Diosmi cangui. Tucui cambac muyundipi tiyaccunapac cumurina Diosmi cangui.

SALMOS 92:13

Mandac Diospac huasipi tarpushca shinami, Diospac huasi canzha pambapica sisanga.

ÉXODO 26:1

Ñucahuan tupana huasitaca caupushpa alli lino puca, morado puchcahuan ahuashpa, chunga pañota ruhuangui. Chaipica querubincunata bordashpa ruhuangui.

ÉXODO 38:10

Chai pañota huarcungapacca ishcai chunga pilarcunatami broncemanta ruhuashca basacunapi shayachingapac ruhuarca. Pilar umacunapi churangapacca ganchocunatapish, anillocunatapish cullquimantami ruhuarca.

ÉXODO 40:33

Ña tucuchishpaca Dios-huan tupana huasi canzha pamba muyunditapish, altar canzha pamba muyunditapish jarcarcami. Canzha pambaman yaicuna pungupipish pañota churarcami. Chashnami Moisesca tucui ruhuana cashcata tucuchirca.

ÉXODO 40:8

Ña tucuchishpaca, canzha pamba muyundita allichishpa, pañota canzha pambaman yaicunapi churangui.

NÚMEROS 3:26

canzha pamba jarcachishca pañotapish, Dios-huan tupana huasi muyundi jarcachishca pañotapish, altar jarcachishca pañotapish, carpa huatana huascacunatapish ricunga.

NÚMEROS 4:26

Shinallatac ñucahuan tupana huasi canzha pamba muyundi jarcachishcatapish, chai pungu jarcachishca pañotapish, chaita huarcuna huascatapish, tucui chai ucupi ñucapacta ruhuangapac tiyaccunatapishmi apanga.